தஞ்சோங் மாலிம்–கிள்ளான் துறைமுக வழித்தடம்

தஞ்சோங் மாலிம்–கிள்ளான் வழித்தடம்; Port Klang Line
	கோலாலம்பூர் சென்ட்ரல் KTM 92 SCS 14 ரக இரயில்
கண்ணோட்டம்
நிலை	செயலில் உள்ளது
உரிமையாளர்	மலாயா தொடருந்து நிறுவனம்
வழித்தட எண்	(சிவப்பு)
வட்டாரம்	பேராக்; சிலாங்கூர்; கோலாலம்பூர்
முனையங்கள்	KA15 தஞ்சோங் மாலிம்; KD19 கிள்ளான் துறைமுகம்;
நிலையங்கள்	34 நிலையங்கள்
இணையதளம்	www.ktmb.com.my
சேவை
அமைப்பு	கேடிஎம் பயணிகள்; KTM Komuter
சேவைகள்	தஞ்சோங் மாலிம் — கிள்ளான் துறைமுகம்
பாதை எண்	1
செய்குநர்(கள்)	மலாயா தொடருந்து நிறுவனம்
பணிமனை(கள்)	சிரம்பான்
சுழலிருப்பு	37 தொடருந்துகள் ; (KTM Class 92 Komuter CSR EMU)
வரலாறு
திறக்கப்பட்டது	14 ஆகத்து 1995; 29 ஆண்டுகள் முன்னர்
தொழில்நுட்பம்
வழித்தட நீளம்	126 km (78 mi)
தட அளவி	1,000 மிமீ (3 அடி 3 3⁄8 அங்)
மின்மயமாக்கல்	வார்ப்புரு:25 kV 50 Hz
இயக்க வேகம்	++ 120 km/h (75 mph)
வழி வரைபடம்

தஞ்சோங் மாலிம்–கிள்ளான் துறைமுக வழித்தடம் அல்லது கிள்ளான் துறைமுக வழித்தடம் (ஆங்கிலம்: Tanjung Malim–Port Klang Line அல்லது Port Klang Line; மலாய்: Laluan Pelabuhan Klang அல்லது Laluan Tanjung Malim–Pelabuhan Klang) என்பது மலேசியாவின் மத்திய மாநிலப் பகுதிகளில் (KTM Komuter Central Sector), மலாயா தொடருந்து நிறுவனம், வழங்கி வரும் மூன்று தொடருந்து சேவைகளின் வழித்தடங்களில் ஒன்றாகும்.^[1]^[2]

கிள்ளான் துறைமுக தொடருந்து வழித்தடம்

இந்த வழித்தடம், மின்சார இரயில்கள் மூலமாக இயக்கப்படுகிறது. கிள்ளான் துறைமுகம்; தஞ்சோங் மாலிம் ஆகிய இரு நகரங்களையும்; இந்த இரு நகரங்களுக்கும் இடையில் உள்ள 35 தொடருந்து நிலையங்களையும் இந்தச் சேவை இணைக்கின்றது.^[3]

பொது

இந்தச் சேவையில் சில தொடருந்து வண்டிகள் கோலாலம்பூர் நகரத்துடன் தங்களின் பயணச் சேவைகளை நிறுத்திக் கொள்கின்றன. 15 டிசம்பர் 2015-க்கு முன்பு, இந்தச் சேவை பத்துமலை வரை இருந்தது. ஆறு பெட்டிகள் கொண்ட 37 தொடருந்துகள் இந்தச் சேவையில் இப்போது ஈடுபடுத்தப்பட்டு உள்ளன.

வரலாறு

கேடிஎம் கொமுட்டர் (KTM Komuter) என்பது 1995-ஆம் ஆண்டு முதன்முதலில் அறிமுகப்படுத்தப்பட்ட மின்மயமாக்கப்பட்ட பயணிகள் இரயில் சேவையாகும் (Klang Valley Integrated Transit System). குறிப்பாக கோலாலம்பூர் மற்றும் அதைச் சுற்றியுள்ள புறநகர்ப் பகுதிகளில் உள்ள பயணிகளுக்குப் பெரிதும் உதவியது.

கோலாலம்பூரில் பணிபுரியும் பயணிகள் போக்குவரத்து நெரிசல் இல்லாமல் மாநகரத்திற்குச் செல்ல முடியும் என்பதால், இது ஒரு பிரபலமான போக்குவரத்து முறையாக இருந்தது. பெட்டிகள் நவீனமாகவும் மற்றும் குளிரூட்டப் பட்டவையாகவும் இருந்தன.

சிலாங்கூர் அரசாங்க இரயில் பாதை

1886-ஆம் ஆண்டில் திறக்கப்பட்ட சிலாங்கூர் அரசாங்க இரயில் பாதையின் ஒரு பகுதியாக இந்தப் பாதை தொடங்கியது. நவீன கால சிரம்பான் பாதையானது 1895-இல் திறக்கப்பட்டது.^[4]

கோலாலம்பூர் - கிள்ளான் இரயில் பாதையில் இருந்து சுல்தான் சாலை நிலையம் வழியாக, 1895-இல் சிரம்பானுக்குத் திறக்கப்பட்டது.^[5]

1990-களின் முற்பகுதியில் ரவாங் - சிரம்பான் சேவையும்; செந்தூல் - கிள்ளான் துறைமுகச் சேவையும் மின்மயமாக்கப் பட்டன.

கிள்ளான் பள்ளத்தாக்கு வழித்தடங்கள்

நிலையங்கள்

தஞ்சோங் மாலிம் - கிள்ளான் துறைமுகம் ஆகிய நகரங்களுக்கு இடையில் எந்தெந்த நிலையங்களில் கேடிஎம் கொமுட்டர் (KTM Komuter) தொடருந்துகள் நின்று செல்கின்றன எனும் விவரங்கள்:

நிலையக் குறியீடு	நிலையத்தின் பெயர்
KA15	தஞ்சோங் மாலிம் தொடருந்து நிலையம்
KA14	கோலா குபு பாரு தொடருந்து நிலையம்
KA13	ராசா கொமுட்டர் நிலையம்
KA12	பத்தாங்காலி கொமுட்டர் நிலையம்
KA11	செரண்டா கொமுட்டர் நிலையம்
KA10	ரவாங் தொடருந்து நிலையம்
KA09	குவாங் கொமுட்டர் நிலையம்
KA08	சுங்கை பூலோ தொடருந்து நிலையம்
KA07	கெப்போங் சென்ட்ரல்
KA06	கெப்போங் கொமுட்டர் நிலையம்
KA05	சிகாம்புட் கொமுட்டர் நிலையம்
KA04	புத்ரா கொமுட்டர் நிலையம்
KA03	பேங்க் நெகாரா கொமுட்டர் நிலையம்
KA02	கோலாலம்பூர் தொடருந்து நிலையம்
KA01 KS01	கோலாலம்பூர் சென்ட்ரல்
KD01	அப்துல்லா உக்கும் நிலையம்
KD02	அங்காசாபுரி கொமுட்டர் நிலையம்
KD03	பந்தாய் டாலாம் கொமுட்டர் நிலையம்
KD04	பெட்டாலிங் கொமுட்டர் நிலையம்
KD05	டெம்பிளர் சாலை கொமுட்டர் நிலையம்
KD06	கம்போங் டத்தோ அருண் கொமுட்டர் நிலையம்
KD07	செரி செத்தியா கொமுட்டர் நிலையம்
KD08	செத்தியா ஜெயா நிலையம்
KD09 KS02	சுபாங் ஜெயா நிலையம்
KD10	பத்து தீகா கொமுட்டர் நிலையம்
KD11	சா ஆலாம் கொமுட்டர் நிலையம்
KD12	பாடாங் ஜாவா கொமுட்டர் நிலையம்
KD13	புக்கிட் பாடாக் கொமுட்டர் நிலையம்
KD14	கிள்ளான் கொமுட்டர் நிலையம்
KD15	தெலுக் பூலாய் கொமுட்டர் நிலையம்
KD16	தெலுக் காடோங் கொமுட்டர் நிலையம்
KD17	கம்போங் ராஜா ஊடா கொமுட்டர் நிலையம்
KD18	கஸ்தாம் சாலை கொமுட்டர் நிலையம்
KD19	கிள்ளான் துறைமுக கொமுட்டர் நிலையம்