தமிழ்நாட்டில் இந்திய நாடாளுமன்றத் தேர்தல், 2004

இந்தியக் குடியரசின் பதினான்காவது நாடாளுமன்றத் தேர்தல் தமிழ்நாட்டில் 2004 ஆம் ஆண்டு ஏப்ரல்-மே மாதங்களில் நடைபெற்றது. திராவிட முன்னேற்றக் கழகம் தலைமையிலான ஐக்கிய முற்போக்குக் கூட்டணி 39 இடங்களை வென்று முதலிடத்தில் வந்தது.

தமிழ்நாட்டில்
இந்திய நாடாளுமன்றத் தேர்தல், 2004

மே-ஏப்ரல், 2004
மக்களவைக்கான 39 இடங்கள்
First party Second party   தலைவர் மு. கருணாநிதி ஜெ. ஜெயலலிதா கட்சி திமுக அதிமுக தலைவரின் தொகுதி போட்டியிடவில்லை போட்டியிடவில்லை வென்ற தொகுதிகள் 39 0 மாற்றம் +12 -14 மொத்த வாக்குகள் 16,483,390 10,002,913 விழுக்காடு 57.40% 34.84%
முந்தைய இந்தியப் பிரதமர் அடல் பிஹாரி வாஜ்பாய் பாஜக இந்தியப் பிரதமர் மன்மோகன் சிங் காங்கிரசு

பின்புலம்

2004ல் தமிழ்நாட்டில் மொத்தம் 39 நாடாளுமன்றத் தொகுதிகள் இருந்தன. அவற்றுள் 32 பொதுத் தொகுதிகள். மீதமுள்ள 7 தாழ்த்தப்பட்டவருக்கு (SC) ஒதுக்கப்பட்டிருந்தன. 1999 நாடாளுமன்றத்தேர்தலுக்குப் பின் பாரதீய ஜனதா கட்சி தலைமையிலான தேசிய ஜனநாயக கூட்டணி அரசில் அங்கம் வகித்து வந்த திமுக, மதிமுக, பாமக ஆகிய கட்சிகள் அக்கூட்டணியிலிருந்து 2004ம் ஆண்டு விலகின. இந்திய தேசிய காங்கிரசு தலைமையில் அமைந்த ஐக்கிய முற்போக்குக் கூட்டணியில் இணைந்தன. அக்கூட்டணியில் இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சிகளுள் இடம் பெற்றிருந்தன. தேர்தலுக்கு சிறிது காலத்துக்குமுன் தமிழ் மாநில காங்கிரசு இந்திய தேசிய காங்கிரசுடன் இணைந்து விட்டது. இதனால் காங்கிரசு கூட்டணி மிக வலுவான நிலையில் இருந்தது. அதிமுக தலைமையிலான தேசிய ஜனநாயகக் கூட்டணியில் பாஜக மட்டும் இடம் பெற்றிருந்தது. இவ்விரு கூட்டணிகள் தவிர மூன்றாவது அணி ஒன்றும் களத்தில் இருந்தது. அதில் ஐக்கிய ஜனதா தளம், விடுதலைச் சிறுத்தைகள், புதிய தமிழகம், மக்கள் தமிழ் தேசம் போன்ற கட்சிகள் இடம் பெற்றிருந்தன.

முடிவுகள்

திமுக+	இடங்கள்	அதிமுக+	இடங்கள்	மற்றவர்கள்	இடங்கள்
திமுக	16	அதிமுக	0	விடுதலைச் சிறுத்தைகள்	0
காங்கிரசு	10	பாஜக	0	புதிய தமிழகம்	0
பாமக	5			மக்கள் தமிழ் தேசம்	0
மதிமுக	4			ஐக்கிய ஜனதா தளம்	0
சிபிஎம்	2
சிபிஐ	2
மொத்தம் (2004)	39	மொத்தம் (2004)	0	மொத்தம் (2004)	0
மொத்தம் (1999)	26	மொத்தம் (1999)	13	மொத்தம் (1999)	0

தமிழக அமைச்சர்கள்

இத்தேர்தலில் வெற்றி பெற்ற பின்வரும் தமிழக உறுப்பினர்கள் மத்திய அமைச்சரவையில் இடம் பெற்றனர்:

ஆய அமைச்சர்கள்

அமைச்சர்	கட்சி	தொகுதி	துறை
ப. சிதம்பரம்	காங்கிரசு	சிவகங்கை	நிதி
டி. ஆர். பாலு	திமுக	தென் சென்னை	கப்பல், தரைவழிப்போக்குவரத்து மற்றும் நெடுஞ்சாலைகள்
தயாநிதி மாறன்	திமுக	மத்திய சென்னை	தகவல் தொடர்பு மற்றும் தொழில்நுட்பம்
ஆ. ராசா	திமுக	பெரம்பலூர்	சுற்றுப்புறச்சூழல் மற்றும் வனங்கள்
மணிசங்கர் அய்யர்	காங்கிரசு	மயிலாடுதுறை	பஞ்சாயத்து ராஜ் மற்றும் வடகிழக்கு மாநிலங்களின் வளர்ச்சி
அன்புமணி ராமதாஸ்	பாமக	மாநிலங்களவை உறுப்பினர்	சுகாதாரம்

இணை அமைச்சர்கள்

அமைச்சர்	கட்சி	தொகுதி	துறை
எஸ். எஸ். பழனிமாணிக்கம்	திமுக	தஞ்சாவூர்	நிதி
எஸ். ரகுபதி	திமுக	புதுக்கோட்டை	சுற்றுப்புறச் சூழல் மற்றும் வனங்கள்
கே. வெங்கடபதி	திமுக	கடலூர்	நீதி மற்றும் சட்டம்
சுப்புலட்சுமி ஜெகதீசன்	திமுக	திருச்செங்கோடு	சமூக நீதி
ஈ. வி. கே. எஸ். இளங்கோவன்	காங்கிரசு	கோபிசெட்டிப்பாளையம்	தொழில் மற்றும் வர்த்தகம்
ஆர். வேலு	பாமக	அரக்கோணம்	ரயில்

மேலும் காண்க

• இந்தியப் பொதுத் தேர்தல், 2004

மேற்கோள்கள்

• Indian general election, 14th Lok Sabha

வெளி இணைப்புகள்

• சிஎன்என்-ஐபிஎன் தேர்தல் முடிவுகள்