விக்கிப்பீடியா:ஆலமரத்தடி (கொள்கை)

கொள்கை

தொழினுட்பம்

அறிவிப்புகள்

புதிய கருத்துக்கள்

ஒத்தாசைப் பக்கம்

• பொருளடக்கம்
• முதலாவது உரையாடல்
• பக்க முடிவு

தமிழ் விக்கிப்பீடியாவில் கொள்கைகள், வழிகாட்டல்கள் தொடர்பான உரையாடல்கள் இங்கு நடைபெறும். மேலும் பார்க்க: பகுப்பு:விக்கிப்பீடியா கொள்கை முன்மொழிவுகள்

« பழைய உரையாடல்கள்

மொழிபெயர்ப்புக் கருவியில் கட்டுப்பாடுகள்

வணக்கம், ஐதராபாத்தில் நடைபெற்ற இரண்டாவது தொழிநுட்பக் கூடலில் கூகுள் மொழிபெயர்ப்புக் கருவியில் சிறிதளவு மாற்றங்கள் கூட செய்யாமல் கட்டுரை வெளியிடுவது தொடர்பாக Pau Giner, சுரேஷ் தொட்டிங்கல் ஆகியோரிடம் நமது சமூகம் சார்பாக கேள்வி எழுப்பப்பட்டது . அதற்கு, இந்தக் கருவியில் உங்களுடைய சமூகம் எந்த மாற்றங்கள் அல்லது கட்டுப்பாடுகளை எதிர்பார்க்கிறது என்பதனைத் தெரிவித்தால் (phabricator ticket மூலம்) அதனை செயற்படுத்தத் தயாராக இருப்பதாகக் கூறினார். மேலும் அவர் கூறுகையில், தற்போது ஒரு பத்தியில் குறைந்தபட்சமாக ஐந்து வார்த்தைகளை திருத்தம் செய்தால் தான் வெளியிட முடியும் என்றும், கருவியில் அதீத கட்டுப்பாடுகள் விதிப்பது விக்கியின் அடிப்படைக் கொள்கைக்கு மாறானதாக இருக்கும் என்றும் visual editor, source editor மூலம் ஒருவரால் எந்தவகையானக் கட்டுரைகளையும் வெளியிட முடியும் எனும் போது ஏன் கருவிக்கு மட்டும் அதிக கட்டுப்பாடுகள் விதிக்க வேண்டும் எனவும் கூறினார்.

தற்போதுவரை 26,140 கட்டுரைகள் தமிழில் இந்தக் கருவியினைப் பயன்படுத்தி வெளியிடப்பட்டுள்ளது. வெளியிடப்பட்ட கட்டுரைகளில் 26.02.2023 நிலவரப்படி 3413 கட்டுரைகள் நீக்கப்பட்டுள்ளது. எனவே சில கட்டுப்பாடுகளை விதிப்பதன் மூலம் நமது துப்புரவுப் பணியினை குறைக்க இயலும் என நம்புகிறேன். காண்க விக்கிப்பீடியா:ஆலமரத்தடி (புதிய கருத்துக்கள்)#போட்டிகளும், கலைக்களஞ்சியத்தின் தரமும்.

உதாரணமாக தெலுங்கில் உள்ள விக்கிப் பயனர்கள் குறைந்தபட்சம் 30% கட்டுரையில் மாற்றங்கள் செய்திருந்தால் ஒழிய அந்தக் கட்டுரையினை வெளியிட இயலும். இல்லாதபட்சத்தில் ஒரு பயனரால் அந்தக் கட்டுரையினை வெளியிட முடியாது. எனவே கீழ்கானும் பரிந்துரைகளை எனது கருத்தாக பரிந்துரைக்கிறேன். தமிழ்ச் சமூக ஒப்புதலோடு அடுத்தகட்ட நடவடிக்கைகளில் ஈடுபடலாம்.

• ஒரு பத்தியில் குறைந்தபட்சம் 20% திருத்தங்கள் மேற்கொண்டிருக்க வேண்டும்.
• அவர்/இவர் எனும் வார்த்தை பல முறை ஒரே பத்தியில் வருவதைத் தவிர்த்தல்.
• ஒரு பயனர் அதிகபட்சம் 30 நாட்களுக்குள் மொழிபெயர்ப்பு கருவியில் அந்தக் கட்டுரையினை உருவாக்கலாம். (அதிக நாட்கள் ஒரு பயனர் அந்தக் கருவியில் வைத்திருந்தால் மற்ற பயனர்களால் அந்தக் கட்டுரையினை உருவாக்க இயலாது).
• இரு சிவப்பு இணைப்புகளுக்கு மேல் உள்ள கட்டுரைகளை வெளியிடக் கூடாது.
• ஆங்கிலத் தலைப்புகள் உள்ள தமிழ்க் கட்டுரைகளை வெளியிடக் கூடாது.

--ஸ்ரீதர். ஞா ^(✉) 15:16, 5 மார்ச் 2023 (UTC)

தங்கள் கருத்துகளை வரவேற்கிறேன். கூடுதலாக மேற்கோள்கள் இல்லாத கட்டுரைகள் மொழிபெயர்க்கப்படுவதை தடுக்கலாம். மற்ற மொழிக் கட்டுரைகள் மேற்கோள்கள் இல்லாத போது அவை எவ்வகையில் தரமானவை என்ற கேள்வி எழுகிறது. மொழிபெயர்ப்பு செய்யும் பயனர்கள் இரு மேற்கோள்களையேனும் இணையத்தின் உதவியுடன் இடலாம். இது தமிழில் உருவாக்கப்படும் புதிய மொழிபெயர்ப்புக் கட்டுரையின் நம்பகத்தன்மையை உறுதி செய்யும்.

~~

அபிராமி (பேச்சு) 15:57, 5 மார்ச் 2023 (UTC)

• தமிழ் விக்கிப்பீடியாவில் குறைந்தது 500 தொகுப்புகளைச் செய்தவர்கள் மட்டுமே உள்ளடக்க மொழிபெயர்ப்பு கருவியை பயன்படுத்த முடியுமாறு கருவியில் மாற்றங்களை செய்வது நல்லது.
• //ஆங்கிலத் தலைப்புகள் உள்ள தமிழ்க் கட்டுரைகளை வெளியிடக் கூடாது.// இது தற்போது தேவையற்ற கோரிக்கை என கருதுகிறேன். ஏனெனில் தற்போது உள்ளடக்க மொழிபெயர்ப்பில் தலைப்பையும் மொழிபெயர்த்து தருவதாக மேம்படுத்தபட்டுள்ளது.--கு. அருளரசன் (பேச்சு) 00:24, 6 மார்ச் 2023 (UTC)

ஆம். நினைவூட்டலுக்கு நன்றி. ஸ்ரீதர். ஞா ^(✉) 06:19, 6 மார்ச் 2023 (UTC)

விருப்பம் தரத்தினை மேம்படுத்த நல்லதொரு செயலாக்க முயற்சி. வரவேற்கிறேன். --மா. செல்வசிவகுருநாதன் (பேச்சு) 02:52, 7 மார்ச் 2023 (UTC)

விருப்பம்--நந்தகுமார் (பேச்சு) 17:18, 6 ஏப்ரல் 2023 (UTC)

விருப்பம்--சிறந்ததொரு முயற்சி இது. கட்டுப்பாடுகளை விதிப்பது பயனளிக்கக்கூடியது தான் என்றாலும் கடுமையான கட்டுப்படுகள் தவிர்க்கப்படுவது நல்லது. எடுத்துக்காட்டாக தெலுங்கு மொழி விக்கியில் உள்ளது போன்று குறைந்தபட்ச மாற்றங்கள் 30% என்பது சற்று அதிகமே, பரிந்துரையில் குறிப்பிட்டதுபோல் 20% மாற்றங்கள் சரியானதாக இருக்கும் என்று எண்ணுகிறேன். இது அமலுக்கு வந்தபின்னர் சில நாட்களில் எத்தனை சதவீதம் சரியானதாக இருக்கும் என்பது நம்மால் கணிக்க இயலும் என்று நம்புகிறேன். மேலும் குறைந்தபட்சத் தொகுப்புகள் 500 வேண்டும் என்று வரையறுக்கப்படுவது சற்று அதிகம் என்று எண்ணுகிறேன். வரையறை இருப்பது நல்லதென்றாலும் தொகுப்பின் எண்ணிக்கையை குறைப்பது அவசியம். ஸ்ரீகிருஷ்ணன் நாராயணன் (பேச்சு) 13:45, 8 மார்ச்சு 2024 (UTC)

பள்ளி கட்டுரைகளை நீக்குதல் / உருவாக்குதல் குறித்து

வணக்கம், விக்கிப்பீடியாவில் இருக்கும் பள்ளிகள் தொடர்பான கட்டுரைகளை நீக்கலாமா? எந்த சிறப்புகளும் இல்லாத பள்ளிகள் பல உள்ளன. பள்ளிகளை இது போல் விக்கித் தரவில் வேண்டுமானால் உருவாக்கிக் கொள்ளலாம் என்பது என் கருத்து . மற்றவர்களது கருத்தறிய ஆவல்.நன்றி ஸ்ரீதர். ஞா ^(✉) 04:29, 3 ஏப்ரல் 2023 (UTC)

மிகச் சிறந்த பரிந்துரை. விக்கிப்பீடியாவின் தரத்தை உறுதிசெய்வதோடு, தரவுக் களஞ்சியமும் மேம்பாடு அடையும்! --மா. செல்வசிவகுருநாதன் (பேச்சு) 14:28, 6 ஏப்ரல் 2023 (UTC)

எந்த சிறப்புகளும் இல்லாத பள்ளிகள் என்பதை எப்படித் தீர்மானம் செய்வது? அறிவுக் கண்ணைத் திறக்கும் எந்த ஒரு இடமுமே (பள்ளி, கல்லூரி, பல்கலைக்கழகங்கள்) சிறந்ததாகவே கருதுகிறேன். நம் விக்கியில் போதிய தவல்கள் இல்லையென்றால் அது தனியாக கவனம் கொள்ள வேண்டிய விடயம். இவை இங்கிருந்து நீக்கப்பட வேண்டுமா?--நந்தகுமார் (பேச்சு) 16:24, 6 ஏப்ரல் 2023 (UTC)

@Nan: வணக்கம். இந்த அட்டவணையிலுள்ள பள்ளிகள் குறித்தான கட்டுரைகளைக் கவனியுங்கள். இதேப் பக்கத்தில், மற்ற அட்டவணைகளிலுள்ள பள்ளிகள் குறித்தான கட்டுரைகளையும் கவனியுங்கள். இங்கு உங்களின் கருத்தினை இடுமாறு கேட்டுக்கொள்கிறேன். முறையாக உரையாடி, அதன்பிறகே இறுதி முடிவு எடுக்க இருக்கிறோம்.--மா. செல்வசிவகுருநாதன் (பேச்சு) 16:38, 6 ஏப்ரல் 2023 (UTC)

@Nan, Selvasivagurunathan m, Neechalkaran, Ravidreams, AntanO, Kanags, Arularasan. G, Sundar, கி.மூர்த்தி, Balajijagadesh, சத்திரத்தான், TNSE Mahalingam VNR, Info-farmer, Balu1967, Theni.M.Subramani, Almighty34, சா அருணாசலம், and அரிஅரவேலன்:வணக்கம், இங்கு நடந்த உரையாடலை அனைவரது கவனத்திற்கும் கொண்டு வருகிறோம். பள்ளிக் கட்டுரைகளை உருவாக்கலாமா அல்லது வேண்டாமா என்பது தொடர்பாக அனைவரும் கருத்துக்களைத் தெரிவித்தால் அதனடிப்படையில் ஏற்கனவே இருக்கும் கட்டுரைகளை என்ன செய்யலாம் என்றும் முடிவெடுக்க உதவியாக இருக்கும்.

பயனர்கள்,

• உருவாக்கலாம் / உருவாக்க வேண்டாம். உருவாக்கலாம் எனில் ஒரு கட்டுரையில் மிகக் குறைந்தபட்சமாக என்னென்ன இருக்க வேண்டும் எனவும் தெரிவித்தால் பேருதவியாக இருக்கும். நன்றி- ஸ்ரீதர். ஞா ^(✉) 05:20, 19 ஏப்ரல் 2023 (UTC)

இந்த உரையாடல் நீக்கல் தொடர்பானது என்பதால் கவனிக்கவில்லை. பள்ளிகளை உருவாக்கலாமா என்ற கேள்விக்குப் பதிலளிக்க மேலும் சில தகவல்கள் வேண்டும். தமிழ் நாட்டில் உள்ள மொத்த அரசுப் பள்ளிகள் எத்தனை? அவற்றுள் எத்தனை உயர்நிலைப் பள்ளிகள்? எத்தனை மாதிரிப் பள்ளிகள் போன்ற தகவல்கள் இருந்தால் அதில் அதிக மாணவர்கள் பயிலும் பள்ளிகளைப் பற்றி, கட்டுரை எழுதலாம் எனப் பரிந்துரைக்கிறேன். மேலும் இத்தகவல்களை எங்கே கிடைக்கும் என்று விரிவாக விளக்கினால் தானியக்கத்தில் மொத்தமாகக் கட்டுரைகளை உருவாக்கவும் முயலலாம். -நீச்சல்காரன் (பேச்சு) 12:52, 7 மே 2023 (UTC)

தமிழ்நாட்டில் உள்ள அரசுப்பள்ளிகளின் எண்ணிக்கை 37,554, மாதிரிப் பள்ளிகள் சுமார் 100 இருக்கலாம். இந்தத் தளத்தில் பள்ளிகளின் UDISE Code, மாணவர் எண்ணிக்கை, ஆசிரியர் எண்ணிக்கை, பயிற்றுவிக்கும் பணியாளர் எண்ணிக்கை, ஆண்பிள்ளைகள் எண்ணிக்கை, பெண் பிள்ளைகள் எண்ணிக்கை ,மின்னஞ்சல் ஆகிய தகவல்களைச் சரிபார்க்க இயலும். https://schoolgis.nic.in/ எனும் ஒன்றிய அரசின் தளத்தின் மூலம் பள்ளியின் பெரும்பாலான தகவல்களைப் பெறலாம். ஸ்ரீதர். ஞா ^(✉) 14:07, 7 மே 2023 (UTC)

ஆ.வி. குறிப்பிடத்தக்கமையில்லாத பாடசாலைக் கட்டுரைகளை நீக்கி, உசாத்துணையுடன் பட்டியலாக வைத்துக்கொள்வதுண்டு. எ.கா: சென்னையிலுள்ள பள்ளிகளின் பட்டியல் அரச பாடசாலைகள் எல்லாவற்றையும் கட்டுரையாக்கலாம் என்பது என் கருத்து (கோயில்களைக்கு அளிக்கும் முன்னுரிமையை பாடசாலைக்கும் அளிக்கலாம் என்ற அடிப்படையில்) தனியார் பாடசாலைகள் குறிப்பிடத்தக்கமை பெற்றால் மட்டும் கட்டுரையாக்கலாம். குறிப்பிடத்தக்கமை கவனியாதுவிட்டால் இங்கு விளப்பரம் மலிந்துவிடும். கவனிக்க: en:WP:NSCHOOL --AntanO (பேச்சு) 13:09, 7 மே 2023 (UTC)

@Sridhar G:, சோதனைக்காக மதுரை மாவட்டப் பள்ளிகளின் தரவைத் திரட்டிப் பார்த்தேன். நம்மஸ்கூல் தளத்திலிருந்து தரவுகளை நிரல்வழித் திரட்ட முடிகிறது. நூறு மாணவர்களுக்கு மேல் உள்ள பள்ளிகள் மூன்றில் ஒன்றாக உள்ளது. மொத்தமாக மாநிலம் முழுவதிலும் சுமார் 12 ஆயிரம் பள்ளிகள் கிடைக்கலாம், அவற்றை முதலில் கட்டுரையாக்கப் பரிந்துரைக்கிறேன். இதில் தரவுகள் அனைத்தும் ஆங்கிலத்தில் உள்ளன. தமிழில் தரவுகள் வேறு தளத்தில் உள்ளனவா? அல்லது அரசிடம் உள்ளனவா?

@Neechalkaran: வணக்கம், மாணவர்களின் எண்ணிக்கையினை அடிப்படையாக வைத்தால் அரசு மேல்நிலைப்பள்ளிகள் தான் பெரும்பான்மையாக உருவாக்க நேரிடும். துவக்கப் பள்ளிகளில் 100 எனும் எண்ணிக்கை சில பள்ளிகளில் தான் இருக்கும். இந்தத் தளத்தில் மேலும் அதிகமான தகவல்கள் கிடைக்கும். Report card என்பதில் பார்க்கலாம். தமிழில் தரவுகள் என்பது இணையத்தில் இல்லை என்றே நினைக்கிறேன். அரசிடம் கேட்டுப் பார்க்கலாம்.நன்றி - ஸ்ரீதர். ஞா ^(✉) 14:38, 9 மே 2023 (UTC)

@Neechalkaran: உதாரணத்திற்கு இரு கட்டுரைகளை உருவாக்கித் தர இயலுமா? இந்தக் கருத்திற்கு தற்போதுவரை எதிர்ப்பு இல்லை என்பதால் விக்கிப்பீடியா:பள்ளிக் கட்டுரைகள் உருவாக்கும் திட்டம் எனும் பக்கத்தினை உருவாக்கலாம்.ஸ்ரீதர். ஞா ^(✉) 16:49, 17 மே 2023 (UTC)

விருப்பம்--நந்தகுமார் (பேச்சு) 18:12, 17 மே 2023 (UTC)

விக்கிப்பீடியா:தானியங்கிக் கட்டுரையாக்கம்/பள்ளிகள் திட்டப்பக்கத்தை உருவாக்கியுள்ளேன். கிடைத்துள்ள தகவலின்படி மாதிரிக் கட்டுரையினை உருவாக்கியுள்ளேன். மேலதிக உரையாடலைத் திட்டத்தின் பேச்சுப் பக்கத்தில் தொடரலாம். -நீச்சல்காரன் (பேச்சு)

மேற்கோள்கள்

கலைக்களஞ்சியக் கட்டுரைகளில் மேற்கோள்கள் இருத்தல், இடப்படும் மேற்கோள்கள் முறையாகக் காட்டப்படுதல் - ஆகியன இன்றியமையாதவை. இது அனைவரும் அறிந்தது. ஆனால், தமிழ் விக்கிப்பீடியாவில் மட்டுமன்று; ஆங்கில விக்கிப்பீடியாவிலும் நிறைய குறைபாடுகள் உள்ளன. தமிழ் விக்கிப்பீடியாவில் மேற்கோள்கள் குறித்து அனைத்துப் பயனர்களும் கூடுதல் கவனம் கொள்ளவேண்டும் எனக் கருதுகிறேன். அவரவர் தம்மை சரிசெய்வதோடு, மற்றவருக்கும் வழிகாட்டுதல் அவசியம்.

கட்டுரைகளில் இடப்பட்டுள்ள வார்ப்புருகளின் அடிப்படையில் (ஏப்ரல் 6, 2023) -

• மேற்கோள் எதுவுமே தரப்படாத பக்கங்கள்: 7,500
• கூடுதல் மேற்கோள் தேவைப்படும் கட்டுரைகள்: 3,215

தொடர் கண்காணிப்பிற்கு, இங்கு காண்க --மா. செல்வசிவகுருநாதன் (பேச்சு) 15:21, 6 ஏப்ரல் 2023 (UTC)

விருப்பம்--நந்தகுமார் (பேச்சு) 16:01, 6 ஏப்ரல் 2023 (UTC)

வரைவு பக்கத்திற்கு நகர்த்தல்

வணக்கம், [வரைவு:வேலணை மேற்கு பெரியபுலம் மகாகணபதிப் பிள்ளையார் ஆலயம்], [வரைவு:புலமை வேங்கடாசலம்] ஆகிய கட்டுரைகள் வரைவுப் பக்கத்திற்கு நகர்த்தப்பட்டு கட்டுரையினை உருவாக்கியவர்களுக்கும் தகவல் தெரிவிக்கப்பட்டுள்ளது. அதிகபட்சமாக 3 மாதம் காலக்கெடுவிற்குள் கட்டுரையினை சரிசெய்யச் சொல்லலாம் என கருதுகிறேன். மாற்றுக் கருத்து இருந்தால் தெரிவிக்கவும். நன்றி -- ஸ்ரீதர். ஞா ^(✉) 06:12, 19 மே 2023 (UTC)

விருப்பம் AntanO (பேச்சு) 16:29, 19 மே 2023 (UTC)

அவை இரண்டும் பதிப்புரிமை மீறல் உள்ளவை. பதிப்புரிமை மீறல்களை உடன் நீக்கிவிடுங்கள்.--AntanO (பேச்சு) 16:23, 19 மே 2023 (UTC)

சரிங்க. ஸ்ரீதர். ஞா ^(✉) 02:37, 20 மே 2023 (UTC)

இனம், சாதி போன்ற சர்ச்சைக்குரிய தலைப்புகள்

இனம், சாதி போன்ற சர்ச்சைக்குரிய தலைப்புகள் தொடர்பான சில வழிகாட்டல்களை உருவாக்குவது நல்லது. சில சிக்கல்களுக்கு வழிகாட்டாக அமையும். காண்க: en:Wikipedia:Contentious topics (சர்ச்சைக்குரிய தலைப்புகள்). ஆ.வி பேச்சுப்பக்கத்தில் மேலும் சில எடுத்தக்காட்டுக்களைக் காணலாம். எ.கா: en:Talk:Udayar (caste) அதிலுள்ள அறிவித்தல்களைக் கவனியுங்கள்:

This page is for civil discussion of reliably sourced improvements of the page Udayar (caste). Editorial attempts at caste glorification without sourcing from any reliable source, tendentious discussion(s), attacks on living people, and other irrelevant material will be removed on sight.

The use of the contentious topics procedure has been authorised by the community for pages related to South Asian social groups, including this page. Editors who repeatedly or seriously fail to adhere to the purpose of Wikipedia, any expected standards of behaviour, or any normal editorial process may be sanctioned.

சாதி தொடர்பான கட்டுரைகளில் 'குறிப்பிடத்தக்க நபர்கள்' என சிக்கலான சேர்ப்புக்கள் செய்வதை நீக்க வேண்டும். எ.கா: ஹரி அதாவது திருமால் நாடார் ஆகிவிடவும் வாய்ப்புள்ளது. AntanO (பேச்சு) 06:54, 29 மே 2023 (UTC)

விருப்பம்--கு. அருளரசன் (பேச்சு) 08:59, 29 மே 2023 (UTC)

விருப்பம்--நந்தகுமார் (பேச்சு) 09:34, 29 மே 2023 (UTC)

விருப்பம் கூடுதலாக அரசியல் கட்சியினையும் இதில் சேர்க்க வேண்டிய தேவை உள்ளது. பல அரசியல்கட்சிக் கட்டுரைகள் அவர்களது கட்சிப் பிரச்சாரங்களைப் போல் உள்ளது. -- ஸ்ரீதர். ஞா ^(✉) 14:06, 29 மே 2023 (UTC)

விருப்பம்-- சா. அருணாசலம் (பேச்சு) 14:24, 29 மே 2023 (UTC)

en:Wikipedia:Contentious topics (சர்ச்சைக்குரிய தலைப்புகள்) இதனை அப்படியே இங்கும் செயற்படுத்தலாமா? மாற்றம் ஏதும் தேவையா? //அரசியல் கட்சியினையும் இதில் சேர்க்க வேண்டிய தேவை உள்ளது. // ஆம் --AntanO (பேச்சு) 13:53, 30 மே 2023 (UTC)

விக்கிப்பீடியா:சர்ச்சைக்குரிய தலைப்புகள் துவங்கப்பட்டுள்ளது. அனைவரது கருத்தும் பேச்சுப் பக்கத்தில் வரவேற்கப்படுகிறது. -- ஸ்ரீதர். ஞா ^(✉) 01:35, 9 சூன் 2023 (UTC)

நபர்கள் பகுப்புக்கு தலைப்பு மாற்றம் தேவை

பகுப்பு:நபர்கள் பகுப்பிற்கு தலைப்பு மாற்றம் குறித்து அதன் உரையாடல் பக்கத்தில் தொடங்கப்பட்டுள்ளது. உங்கள் கருத்தைத் தெரிவிக்க வேண்டுகிறேன்.--Kanags ^{\உரையாடுக} 11:11, 27 திசம்பர் 2023 (UTC)

இணைத்தலில் செய்ய வேண்டியவையும் செய்யக்கூடாதவையும்

விக்கிப்பீடியா:இணைத்தலில் செய்ய வேண்டியவையும் செய்யக்கூடாதவையும் - இங்கு தேவையான உரைதிருத்தம் செய்து எளிதில் விளங்கிக் கொள்ளுவதற்கு ஏற்ப மாற்றலாம். செய்ய வேண்டியவையும் செய்யக்கூடாதவையும் பக்கங்கள் கொள்கைப் பக்கமல்ல, ஆனால் கொள்கைப்பக்கங்களின் சுருக்கமாகும். இவற்றை உருவாக்குவதால் பயனருக்கு வழிகாட்டுவது இலகுவாக இருக்கும். AntanO (பேச்சு) 04:53, 30 திசம்பர் 2023 (UTC)

Template:Mass notification

வணக்கம், Template:Mass notification என்பது விக்கிப்பீடியாவின் குறிப்பிட்ட ஒரு குழுவில் அல்லது திட்டத்தில் பங்கேற்பாளர்களாக உள்ளவர்களுக்கு மட்டும் ஒரே சமயத்தில் அறிவித்தல்களைச் செய்ய உதவும் பயனுள்ள வார்ப்புருவாகும். இதன் மூலம் ping மட்டுமே செய்ய இயலும் என்பதால் பயனர்களுக்கு தொந்தரவாக இருக்காது என நம்புகிறேன். உதாரணமாக விக்கிப்பீடியா:தமிழக ஆசிரியர்கள் விக்கிப்பீடியா பங்களிப்புத் திட்டம் என்பதில் உள்ள பங்கேற்பாளர்களுக்கு மட்டும் ஓர் அறிவித்தலைச் செய்ய வேண்டுமாயின் அனைவரது பேசச்சுப் பக்கத்தில் தகவலை இடுவதற்குப் பதிலாக திட்டப் பக்கத்திலேயே தகவலை இட்டு அனைவரையும் ping செய்யலாம். இதன் மூலம் நேரவிரயம் தவிர்க்கப்படும். எனவே இதனை தமிழ் விக்கிப்பீடியாவில் பயன்படுத்த அனுமதி கோருகிறேன். நன்றி -- ஸ்ரீதர். ஞா ^(✉) 03:51, 31 திசம்பர் 2023 (UTC)

வார்ப்புருவைப் பயன்படுத்த அனுமதி தேவையில்லை. அதில் பயனர்கள் பெயரை இணைப்பதற்கே அனுமதி வேண்டும். காரணம் அப்பயனர்களுக்கு விழிப்பூட்டல்கள் அடிக்கடி வரலாம். எனவே அவரவர் பெயர்களை இணைத்துக் கொள்ளச் சொல்லலாம் அல்லது ஒரு குழுவில் உள்ளவர்களிடம் மட்டும் அனுமதி/ஒத்த முடிவினை எடுத்து அக்குழுப் பயனர்களை நீங்களே இணைத்துக் கொள்ளலாம். பொதுவான கொள்கை அனுமதி தேவையில்லை.-நீச்சல்காரன் (பேச்சு) 04:13, 31 திசம்பர் 2023 (UTC)

தெளிவுபடுத்தியமைக்கு நன்றி -- ஸ்ரீதர். ஞா ^(✉) 04:16, 31 திசம்பர் 2023 (UTC)

விருப்பம் முற்றிலும் தேவையான வார்ப்புருதான். திட்டங்களில் பங்களிக்கும் சமயத்தில் பங்களிப்பாளர் அனுமதியோடு அவர்களை இணைத்து பயன்படுத்தினால், ஒருவொரு சமயமும் திட்டப்பக்கத்தில் வந்து தகவலறிவதை விட இது உபயோகமாயிருக்கும் --பிரயாணி (பேச்சு) 13:56, 31 திசம்பர் 2023 (UTC)

பயனரை தடை செய்வதற்கான நெறிமுறைகள்

வணக்கம். தமிழ் விக்கியில் சில நேரங்களில் பயனரை தற்காலிகமாக, அல்லது நிரந்தரமாக தடை செய்ய நேரிடலாம். அவ்வேளையில், நிர்வாக அணுக்கம் உள்ளவர்கள் பின்பற்ற வேண்டிய நெறிமுறைகளை பகிர வேண்டுகிறேன்.

ஒரு வேளை அந்த நெறிமுறைகள் பின்பற்றப் படாமல் போனால், தடை செய்யப் பட்ட பயனரோ, பிறரோ அடுத்து முறையிட வேண்டிய நெறிமுறைகளையும் பகிர வேண்டுகிறேன்.

நன்றி த.சீனிவாசன் (பேச்சு) 14:12, 21 பெப்பிரவரி 2024 (UTC)

வணக்கம், விக்கிப்பீடியா:தடைக் கொள்கை தடை குறித்தும், விக்கிப்பீடியா:தடை மீதான மேல்முறையீடு மற்றும் விக்கிப்பீடியா:தடை நீக்கல் நுழைவுச் சீட்டு அமைப்பு ஆகியன முறையிட வேண்டிய நெறிமுறைகளையும் உள்ளடக்கியுள்ளது. காண்க-- ஸ்ரீதர். ஞா ^(✉) 14:53, 29 பெப்பிரவரி 2024 (UTC)

Off-wiki policy discussion, Canvassing and Off-wiki discussions

• en:Wikipedia:Off-wiki policy discussion - A great deal of policy discussion affecting the Wikipedia community takes place on off-wiki forums.
• en:Wikipedia:Consensus#Pitfalls_and_errors - Consensus is reached through on-wiki discussion or by editing. Discussions elsewhere are not taken into account. In some cases, such off-wiki communication may generate suspicion and mistrust.
• en:Wikipedia:Canvassing - Canvassing refers to notification done with the intention of influencing the outcome of a discussion in a particular way, and is considered inappropriate. This is because it compromises the normal consensus decision-making process, and therefore is generally considered disruptive behavior.

இவற்றை தமிழ் விக்கியினுள் கொண்டுவருவதில் ஆதரவு அல்லது எதிர்ப்பு உள்ளதா? AntanO (பேச்சு) 19:55, 22 பெப்பிரவரி 2024 (UTC)

இந்த 3 கொள்கைகள் தெரிவிக்கும் விடயங்கள் குறித்து தனித்தனியாக சுருக்கமான விளக்கத்தைத் தந்து உதவுமாறு கேட்டுக்கொள்கிறேன். எனது நிலையை தெளிவுபட உரைப்பதற்கு உதவும். - மா. செல்வசிவகுருநாதன் (பேச்சு) 01:30, 23 பெப்பிரவரி 2024 (UTC)

கொஞ்சம் நேரமெடுத்து ஒரு விளக்கமாக பதிவு செய்கிறேன். நிற்க, பல கொள்கைப் பக்கங்கள் இங்கு தேவை. அவற்றை உருவாக்க நீண்ட காலமாகவே நான் கருத்து தெரிவித்து வருகிறேன். உங்களைப் போன்ற ஒருசிலரின் உதவி இருந்தால் நிச்சயம் செய்யலாம். AntanO (பேச்சு) 06:44, 23 பெப்பிரவரி 2024 (UTC)

விருப்பம் - மா. செல்வசிவகுருநாதன் (பேச்சு) 06:53, 23 பெப்பிரவரி 2024 (UTC)

விக்கிதானுலாவி > பயன்பாட்டு விதிகள்

விக்கிப்பீடியா:விக்கிதானுலாவி பக்கத்தில் பயன்பாட்டு விதிகள் என்ற பகுதியை, ஆ.வியில் இருந்து தமிழாக்கம் செய்துள்ளேன். மாற்றுக்கருத்துகள், மாற்றங்கள் தேவையாயின் அதன் பேச்சுப்பக்கத்தில் உரையாடலாம். AntanO (பேச்சு) 10:31, 24 பெப்பிரவரி 2024 (UTC)

விக்கிப்பீடியா:தடை மீதான மேல்முறையீடு

விக்கிப்பீடியாவில் தடை செய்யப்படும் பயனர்கள் மேல்முறையீடு செய்வதற்காக வழிகாட்டும் விக்கிப்பீடியா:தடை மீதான மேல்முறையீடு எனும் பக்கத்தினை ஆங்கில விக்கிப்பீடியாவில் இருந்து தமிழாக்கம் செய்துள்ளேன். இதில் மாற்றுக் கருத்து இருந்தால் உரையாடல் பக்கத்தில் தெரிவிக்கவும். நன்றி -- ஸ்ரீதர். ஞா ^(✉) 17:41, 24 பெப்பிரவரி 2024 (UTC)

ஆ.வி இணைப்பு சரியானதா எனப் பாருங்கள். AntanO (பேச்சு) 18:30, 24 பெப்பிரவரி 2024 (UTC)

பிழையினைச் சுட்டிக் காட்டியமைக்கு நன்றி. சரி செய்யப்பட்டு விட்டது. ஸ்ரீதர். ஞா ^(✉) 03:50, 25 பெப்பிரவரி 2024 (UTC)

தடைக் கொள்கையையும் இற்றைப்படுத்தினால் நல்லது. --AntanO (பேச்சு) 18:32, 24 பெப்பிரவரி 2024 (UTC)

விருப்பம் -- ஸ்ரீதர். ஞா ^(✉) 03:50, 25 பெப்பிரவரி 2024 (UTC)

Y ஆயிற்று -- ஸ்ரீதர். ஞா ^(✉) 14:54, 29 பெப்பிரவரி 2024 (UTC)

கட்டுரைத் தலைப்பு

வணக்கம், விக்கிப்பீடியா:பெயரிடல் மரபு எனும் பக்கத்தில் சில விதிகள் உள்ளன. ஆயினும், பல முறைகளில் தலைப்புகள் இருப்பதனைக் கீழே காணலாம் (குறிப்பாக ஆண்டுகள் இடம்பெறக் கூடியவை). எனவே, பின்வரும் சில கட்டுரைகளில் எந்த மாதிரியான வழக்கத்தினைப் பின்பற்ற வேண்டும் என்பது தொடர்பாக கொள்கை முடிவு எடுத்தால் இனிமேல் துவங்கப்படும் கட்டுரைகளைத் துப்புரவு செய்வதற்கும் பெயரிடல் மரபு கொள்கைப் பக்கத்தினை இற்றை செய்வதற்கும் உதவியாக இருக்கும். குறிப்பு:இது தொடர்பாக நான் ஏதேனும் குறிப்பிட மறந்திருந்தால் அதனையும் குறிப்பிடலாம்.

ஆண்டுகள் இடம்பெறக் கூடியவை

• இந்தோனேசியப் பொதுத் தேர்தல், 2024
• இந்தோனேசியப் பொதுத் தேர்தல் 2024
• 2024 இந்தோனேசியக் குடியரசுத் தலைவர் தேர்தல்

இந்த மூன்றில் எது சரி?

'2024 இந்தோனேசியப் பொதுத் தேர்தல்' என்பதனை சீர்மையாகக் கருதலாம். 2024 இந்தியப் பொதுத் தேர்தல் என்பதாகவே இந்தியப் பொதுத் தேர்தல்கள் குறித்த கட்டுரைகள் உள்ளன. - மா. செல்வசிவகுருநாதன் (பேச்சு) 14:50, 7 மார்ச்சு 2024 (UTC)

பொருள்மயக்கம்

பொருள்மயக்கம் வரக்கூடிய இடங்களில் , அல்லது () எது வர வேண்டும்?

• புனித சூசையப்பர் மகளிர் கல்லூரி, ஞானபுரம்
• ரோசா (மலர்)

-- நன்றி ஸ்ரீதர். ஞா 💬உரையாடுக 14:40, 7 மார்ச்சு 2024 (UTC)

3 ஊர்களில் இருக்கும் புனித சூசையப்பர் மகளிர் கல்லூரி குறித்து தமிழ் விக்கிப்பீடியாவில் கட்டுரைகள் உள்ளன. அவற்றிற்கு காற்புள்ளி இட்டு அதன் பிறகு ஊரின் பெயரை எழுதியிருப்பது ஏற்றுக்கொள்ளத்தக்கது. மேலும் சீர்மையும் உள்ளது.

• பொருள்மயக்கம் வரும் இடங்களில் அடைப்புக் குறி இட்டு எழுதுவதே சீர்மை. எடுத்துக்காட்டு: ரோஜா (நடிகை), உத்தம புத்திரன் (1940 திரைப்படம்), உத்தம புத்திரன் (1958 திரைப்படம்), உத்தம புத்திரன் (2010 திரைப்படம்)
• ஒரே பெயரில் இரு ஊர்கள் வெவ்வேறு மாவட்டங்களில் இருக்கும்போது, திருப்பத்தூர் (திருப்பத்தூர் மாவட்டம்), திருப்பத்தூர் (சிவகங்கை மாவட்டம்) என எழுதுவது சீர்மை. - மா. செல்வசிவகுருநாதன் (பேச்சு) 15:06, 7 மார்ச்சு 2024 (UTC)

இயன்றளவு நெறிப்படுத்தல் பக்கத்தையும் உருவாக்க வேண்டும். எடுத்துக்காட்டு: உத்தம புத்திரன், திருப்பத்தூர். - மா. செல்வசிவகுருநாதன் (பேச்சு) 15:11, 7 மார்ச்சு 2024 (UTC)

விருப்பம்-- ஸ்ரீதர். ஞா 💬உரையாடுக 07:49, 9 மார்ச்சு 2024 (UTC)

விருப்பம் --சிவகோசரன் (பேச்சு) 14:12, 10 மார்ச்சு 2024 (UTC)

பகுப்பு:இசுலாமிய தமிழ் இதழ்கள்

பகுப்பு பேச்சு:இசுலாமிய தமிழ் இதழ்கள் என்பதில் குறிப்பிடத்தக்கமை இல்லாத கட்டுரைகளை நீக்குவது குறித்தான உரையாடல் நடைபெறுகிறது. அனைவரது கருத்தும் வரவேற்கப்படுகிறது. ஒரு வார காலத்தில் மாற்றுக் கருத்தில்லை எனில் கட்டுரைகள் நீக்கப்பட்டு பட்டியலாக உருவாக்கப்படும்.நன்றி -- ஸ்ரீதர். ஞா 💬உரையாடுக 07:53, 9 மார்ச்சு 2024 (UTC)

தமிழ் விக்கிப்பீடியா இவை அன்று > மேம்படுத்தல்

விக்கிப்பீடியா:தமிழ் விக்கிப்பீடியா இவை அன்று விக்கிப்பீடியாவின் முக்கிய பக்கம். இதனை ஆ.வி இற்கு ஏற்ப மேம்படுத்த வேண்டிய தேவை உள்ளது. எ.கா: en:WP:NOTFORUM. சில பயனர்களை ஆ.வி.யில் பார்த்திருக்கிறேன். அவர்கள் உருவாக்கும் கட்டுரைகளை நீக்கினால் அல்லது தொகுப்பை மீளமைத்தால் அங்கு எவ்வித சத்தமும் இல்லாமல் இருப்பார்கள். ஆனால், இங்கு தத்துவார்த்த விளக்கமளிக்கத் தொடங்கிவிடுவார்கள். ஆ.வியில் இவ்வாறானவர்களுக்கு 4 எச்சரிக்கையுடன் தடை விதிப்பார்கள். AntanO (பேச்சு) 17:58, 30 மார்ச்சு 2024 (UTC)

துரித நீக்கல் தகுதிகள்

விக்கிப்பீடியா:துரித நீக்கல் தகுதிகளில் // கட்டுரை எண்ணிக்கையை உயர்த்துவதை மட்டுமே தெளிவான நோக்கமாக கொண்டு மளமளவென்று உருவாக்கப்படும் பயனற்ற ஒரே மாதிரியான உள்ளடக்கம் கொண்ட கட்டுரைகள். ((எ.கா)1885- இது ஒரு ஆண்டு என்பது போல் பல ஆண்டுகளுக்கும் தனிக்கட்டுரைகள் உருவாக்குவது; தற்பொழுது மூலிகைகள் குறித்த கட்டுரைகள் உள்ளடக்கத்தில் சிறிதாக இருந்தாலும் அவற்றில் குறைந்தபட்ச பயனுள்ள தகவலாக உள்ளது. அவற்றை இந்தப் பரிந்துரையில் சேர்ப்பது பொருந்தாது// என உள்ளது.

• இதில் மூலிகைக் கட்டுரைகளுக்கு இருக்கும் விதிவிலக்குகளை நீக்கப் பரிந்துரைக்கிறேன். (தற்போதைய நிலையில் இந்திய மொழிகளில் கட்டுரை எண்ணிக்கையில் இரண்டாமிடத்தில் உள்ளோம்.) எனவே எண்ணிக்கைக்காக நாம் விதிவிலக்கு அளிக்கத் தேவையில்லை.
• ஒரே மாதிரியான கட்டுரைகளை தானியங்கி கொண்டு மட்டுமே உருவாக்கவும், ஒட்டி வெட்டும் கட்டுரைகள் எதுவாயினும் அதனை துரித நீக்கல் தகுதியின் கீழ் கொண்டுவரவும் பரிந்துரைக்கிறேன்.

காண்க:வெட்டி ஒட்டப்பட்ட கட்டுரைகள்- நீக்கல் வாக்கெடுப்பு

கருத்து

-- ஸ்ரீதர். ஞா 💬உரையாடுக 16:24, 14 ஏப்பிரல் 2024 (UTC)

எழுத்தாளர் ஏற்காடு இளங்கோ - பக்கத்தை மீட்க என்ன செய்ய வேண்டும்?

எழுத்தாளர் ஏற்காடு இளங்கோ அவர்களின் பக்கம் சில காலம் முன் நீக்கப் பட்டது. குறிப்பிடத்தக்கமை பற்றிய சான்றுகள் சேர்க்கப் படவில்லை என்ற காரணம் இருக்கலாம்.

தொடர்பான உரையாடல்களை இங்கே காணலாம் பேச்சு:ஏற்காடு இளங்கோ

அவரது நூல்கள் பற்றிய சில இணைப்புகளை சேர்த்துள்ளேன். அவை போதுமானவையா?

பக்கத்தை மீட்க, என்ன செய்ய வேண்டும்? த.சீனிவாசன் (பேச்சு) 15:02, 30 ஏப்பிரல் 2024 (UTC)

ஏற்காடு இளங்கோ பக்கத்தை மீட்க நிர்வாகிகள் உதவ வேண்டுகிறேன்.

விக்கி நடையில் சிக்கல் உள்ள பக்கங்களை முழுதுமாய் நீக்கி விடுவதால், அவற்றை யாரும் மேம்படுத்த இயலாமல் போகிறது. முழுதும் நீக்காமல், சமீபத்திய மேம்பாடுகளை மட்டுமாவது நீக்கி, தேவையானவற்றை பேச்சு பக்கத்தில் உரையாடி, பின் பக்கத்தை மேம்படுத்தலாம். த.சீனிவாசன் (பேச்சு) 05:19, 13 அக்டோபர் 2024 (UTC)

தீச்சொற்கள் வடிகட்டல்

ஆ.வி போல் தீச்சொற்களை வடிகட்டும் முறை தேவை. தற்போதும் ஆங்கில தீச்சொற்கள் வடிகட்டலில் உள்ளன. தமிழ்ச் சொற்களைச் சேர்க்க வேண்டும். ஆனால் சில சிக்கல்கள் உள்ளன. எ.கா: சுன்னி இசுலாம் வடிகட்டப்பட்டால் இச்சொல் தடுக்கப்படும். AntanO (பேச்சு) 04:04, 17 மே 2024 (UTC)

விருப்பம் // வடிகட்டப்பட்டால் இச்சொல் தடுக்கப்படும்// விதிவிலக்குகளை நம்மால் அதில் சேர்க்க இயலுமா? உதாரணத்திற்கு மேலே உள்ள வார்த்தையில் இசுலாம் என்ற வார்த்தை சேர்ந்து இருந்தால் மட்டும் அதனை வடிகட்டாமல் வெளியிடப்படுவதற்கு வாய்ப்பு உள்ளதா? ஸ்ரீதர். ஞா 💬உரையாடுக 04:09, 17 மே 2024 (UTC)

சன்னி இசுலாம் என்றும் எழுதலாம்.--கி.மூர்த்தி (பேச்சு) 04:11, 17 மே 2024 (UTC)

விதிவிலக்குகளை சேர்க்க இயலும் என நினைக்கிறேன். சுன்னா என்ற சொல்லும் பேச்சுப்பக்கத்தில் உரையாடப்பட்டுள்ளது. ஆகவே, இதனை ஒரு கட்டுப்பாட்டுக்குள் கொண்டு வரலாம். மேலும் வட்டார வழக்குச் சொற்களும் உள்ளன. அவற்றையும் அடையாளம் காண வேண்டும். எல்லாச் சொற்களும் உள்ள இணையத்தளம் அல்லது பட்டியல் இருந்தால் குறிப்பிடுங்கள். --AntanO (பேச்சு) 04:22, 17 மே 2024 (UTC)

இங்கு சில வட்டாரச் சொற்கள் உள்ளன. மேலும், மனித உடலை வைத்து பேசும் தீய சொற்களை முதலில் வடிகட்ட வேண்டும் பின்னர் தேவைக்கேற்ப சொற்களை சேர்த்துக் கொள்ளலாம் என பரிந்துரைக்கிறேன் நன்றி. ஸ்ரீதர். ஞா 💬உரையாடுக 04:45, 17 மே 2024 (UTC)

Pronunciation of Murugadoss (முருகதாஸ்)

Sorry for using English here, I'm not a native speaker of Tamil. But there's a dispute on the Bangla name of en:AR Murugadoss (முருகதாஸ்) at bn:ব্যবহারকারী_আলাপ:Sbb1413#c-Ahmed_Reza_Khan-20240627121000-বানান. I have continuously said there that the Tamil name முருகதாஸ் is pronounced "murugadhaas", according to the traditional rules. However, Abazizfahad claims that the correct pronunciation is "murukadhaas", which is absurd. So I want to know the correct pronunciation of முருகதாஸ் from native Tamil speakers. Thank you. Sbb1413 (பேச்சு) 05:06, 10 சூலை 2024 (UTC)

this the correct pronunciation of ஏ. ஆர். முருகதாஸ் pronunciation^ⓘ in Tamil கு. அருளரசன் (பேச்சு) 08:27, 10 சூலை 2024 (UTC)

மொழிபெயர்ப்பு கருவியினை கட்டுப்படுத்தல்

மொழிபெயர்ப்புக் கருவியில் உள்ள சிக்கல்கள் நாம் அறிந்ததே. அது ஒரு முழுமை பெறாக கருவி, குறிப்பாக தமிங்கிலம், தேவையற்ற வடமொழி ஆகியவற்றால் குழம்பியுள்ளது. பொதுவாக இவ்வாறான சோதனை நிலையில் (beta version) உள்ள கருவிகளை குறிப்பிட்ட அனுபவம் உள்ள பயனர்களுக்கே பயன்படுத்த அனுமதிப்பது இயல்பு (eg: Google map). ஆனால் இங்கு அவ்வாறில்லை. ஆகவே, த.வியில் இதனை நடைமுறைப்படுத்த வேண்டும். எனது பரிந்துரைகள்

• புகுபதிகை செய்யாத பயனர்களுக்கு (IP user) அனுமதி மறுத்தல்
• தானாக உறுதியளிக்கப்படாத பயனர்களுக்கு அனுமதி மறுத்தல் (அனுமதி பெற குறைந்ததது 500 தொகுப்புகளுக்கு மேல் செய்திருத்தல்)
• புதிய பயனர்களுக்கு அனுமதி மறுத்தல் (அனுமதி பெற குறைந்ததது 500 தொகுப்புகளுக்கு மேல் செய்திருத்தல்)

வழுபதிய குறிப்பிட்ட அளவு பயனர்கள் ஆதரவு தேவையென்றால், அதனை நாம் கேட்கலாம். @Neechalkaran: AntanO (பேச்சு) 04:12, 29 சூலை 2024 (UTC)

 ஆதரவு--Kanags ^{\உரையாடுக} 11:09, 29 சூலை 2024 (UTC)

 ஆதரவு--நந்தகுமார் (பேச்சு) 11:14, 29 சூலை 2024 (UTC)

 ஆதரவு. உழைப்பு விரயமாகுதல் தவிர்க்கப்படும். தரம் பேணி காக்கப்படும்! - மா. செல்வசிவகுருநாதன் (பேச்சு) 12:04, 29 சூலை 2024 (UTC)

 ஆதரவு--கி.மூர்த்தி (பேச்சு) 12:32, 29 சூலை 2024 (UTC)

 ஆதரவு--சா. அருணாசலம் (உரையாடல்) 12:35, 29 சூலை 2024 (UTC)

 ஆதரவு--சத்திரத்தான்

 ஆதரவு --AntanO (பேச்சு) 16:02, 31 சூலை 2024 (UTC)

 ஆதரவு --இரா. பாலா^{பேச்சு} 00:23, 2 ஆகத்து 2024 (UTC)

கேள்விகள்

• உங்களின் முதல் பரிந்துரை புதிதாக உள்ளது. பெயரிலி கணக்குகளுக்கு மொழிபெயர்ப்பு வசதி இருப்பதில்லை. அவ்வாறு யாரேனும் பயன்படுத்தியிருந்தால் சுட்டிக் காட்ட இயலுமா? துப்புரவுப் பணிகளில் அதிக ஈடுபட்டதில்லை என்பதால் தற்போதைய சிக்கல் தெரியவில்லை. ஆனால் அதில் அனுபவமுள்ள மற்றவர்கள் ஆதரித்தால் ஐந்நூறு தொகுப்புகள் கடந்தவர்களுக்கே அனுமதி என்பதை ஏற்கிறேன். ஆனால் அனுபவசாலியாக இருந்தாலும் ஐந்நூறு தொகுப்புகளைக் கடக்க வேண்டுமா என்று யோசிக்கிறேன். அல்லது இயந்திர மொழிபெயர்ப்புக் கட்டுரைகளை கூடுதல் சுற்றுக்காவலில் கொண்டு வரலாமா என்றும் யோசிக்கிறேன். -நீச்சல்காரன் (பேச்சு) 11:33, 30 சூலை 2024 (UTC)

முதல் பரிந்துரை ஏற்புடையதல்ல. பல ஆயிரம் தொகுப்புகள் செய்தவர்களே தமிங்கிலம், வடமொழியில் கலந்து கட்டுரை உருவாக்கிக் கொண்டிருக்க, அனுபவசாலிகள் யார் என்பது கேள்விக்குரியது. மொழிபெயர்ப்பு கருவியினை கட்டுப்படுத்துவதையும் கட்டுப்படுத்தாமல் விடுவதையும் விக்கிச்சமூகத்திடம் விடுகிறேன். --AntanO (பேச்சு) 16:01, 31 சூலை 2024 (UTC)

@Selvasivagurunathan m: வழுபதிய குறிப்பிட்ட அளவு (?) பயனர்கள் ஆதரவு தேவையென்றால், உங்களிடம் முனைப்பாக பங்களிப்பவர்களுக்கு செய்தி அனுப்பும் வசதி இருந்தால், செய்தி அனுப்புங்கள். மேற்கொண்டு இங்கு உரையாட விரும்பவில்லை. --AntanO (பேச்சு) 16:06, 31 சூலை 2024 (UTC)

@AntanO எனக்கு ஏற்பட்டுள்ள ஐயத்தை தெளிவுபடுத்தி உதவுங்கள். //500 தொகுப்புகளுக்கு மேல் செய்திருத்தல்// என பதிவின் துவக்கத்தில் குறிப்பிட்டிருந்தீர்கள். அங்கு, தொகுப்புகள் என்பது editsஐ குறிக்கிறதா அல்லது புதிய கட்டுரைகளைக் குறிக்கிறதா? (ஏனெனில் சில தமிழ் விக்கிப்பீடியா பயனர்கள் புதிய கட்டுரையை புதுத் தொகுப்பு என குறிப்பிடுகிறார்கள்) - மா. செல்வசிவகுருநாதன் (பேச்சு) 17:52, 31 சூலை 2024 (UTC)

தொகுப்புகள் என்பது edits குறிக்கும். AntanO (பேச்சு) 06:43, 3 ஆகத்து 2024 (UTC)

முதல் பரிந்துரையைத் தவிர்த்ததற்கு நன்றி. மேலும் அடுத்த இரண்டு பரிந்துரைகளை இன்னும் தெளிவாக்க வேண்டுகிறேன். எண்ணிகையை வைத்துக் கருவியைக் கட்டுப்படுத்த முடியாது. பயனர்களை எதாவது ஒரு அணுக்கக் குழுவிற்குள் கொண்டுவந்து அந்தக் குழுவிற்கே அணுமதி தவிர்க்கவோ கொடுக்கவோ முடியும். ஆங்கில விக்கியிலுள்ளது போல 30 நாளும் 500 தொகுப்புகளும் கடந்தவர்களைக் கொண்ட புதிய குழுவை(extendedconfirmed) நாமும் உருவாக்கலாம். தற்போது மொழிபெயர்ப்புக் கருவியினைப் பயன்படுத்தும் பயனர்களின் அனைவரும் இந்த அணுக்கத்தில் வந்துவிடுவார்கள். ஆயிரம் தொகுப்பு கடந்தவர்களிடமும் சிக்கலிருக்கிறதென்றால் ரஷ்ய விக்கிப்பீடியா போல குறிப்பிட்ட அணுக்கம் பெற்றவர்களுக்கு மட்டும் மொழிபெயர்ப்புக் கருவி அணுக்கத்தைக் கொடுக்கலாம். எனவே எந்த அணுக்கக் குழுவிற்கு அனுமதியளிப்பது என்று தெளிவுடன் கருத்திட்டால் வழுப்பதியும் போது உதவியாக இருக்கும். -நீச்சல்காரன் (பேச்சு) 19:09, 31 சூலை 2024 (UTC)

@AntanO: எனக்கு ஏற்பட்ட ஐயத்தை தீர்த்தமைக்கு நன்றி. என் கருத்து என்னவென்றால், 500 தொகுப்புகள் & 50 புதிய கட்டுரைகள் அல்லது 100 புதிய கட்டுரைகளை எழுதியவர்களுக்கு மட்டுமே மொழிபெயர்ப்பு வசதியைத் தர வேண்டும். இவ்வாறு செய்வதால் ஊக்கக் குறைவு ஏற்படும் என்று நான் நினைக்கவில்லை. மாறாக, புதுப் பயனர்களை தக்கவைக்க இயலும் என்று நினைக்கிறேன். வந்தவுடனேயே மொழிபெயர்ப்புக் கருவிகளை பயன்படுத்தும்போது, தரம் குறைந்து, தொடர் பங்களிப்பாளர்கள் சீர்செய்ய இறங்கவேண்டியது உள்ளது. இந்த வினைகளின்போதே, ஊக்கக் குறைவு ஏற்படுகிறது! - மா. செல்வசிவகுருநாதன் (பேச்சு) 09:09, 3 ஆகத்து 2024 (UTC)

விருப்பம்--AntanO (பேச்சு) 11:21, 3 ஆகத்து 2024 (UTC)

எழுத்தாளர்களும் குறிப்பிடத்தக்கமையும்

பகுப்பு:குறிப்பிடத்தக்கன எனக் கருதப்படாத அனைத்துக் கட்டுரைகள் ல் பல்வேறு எழுத்தாளர்கள், அரசியலாளர்கள் சேர்க்கப் பட்டுள்ளனர்.

இராசேந்திர சோழன் (எழுத்தாளர்) , ஆதவன் தீட்சண்யா , உத்தமசோழன் (எழுத்தாளர்) , எம். சிவசுப்ரமணியம், ச. துரைராஜசிங்கம், சங்கர்ராம், த. ஸ்டாலின் குணசேகரன், மகுடேசுவரன், மாதவராஜ், விமலாதித்த மாமல்லன் போன்ற எழுத்தாளர்களும், கி. ஆம்ஸ்ட்ராங், செந்தலை ந. கவுதமன், பி. காளியம்மாள் போன்ற அரசியலாளர்களும், தமிழரசன் (இயக்குநர்), மதுரை முத்து (நகைச்சுவையாளர்) போன்ற கலைஞர்களுக்கும் குறிப்பிடத்தக்கமை நிறுவ என்ன சேர்க்க வேண்டும்?

இதே வார்ப்புருவை யாவரும் எந்தப் பக்கத்திலும் சேர்க்க அனுமதி உண்டா?

சான்றில்லை - என்ற வார்ப்புரு சேர்த்தால், யாவரும் இணைப்புகள் சேர்க்க ஏதுவாக இருக்கும். notability - என்ற வார்ப்புரு சேர்க்கும் போது, தற்போது வாழ்பவர்களுக்கே குறிப்பிடத்தக்கமை இல்லை என்றால், அந்த வார்ப்புரு இல்லாத அனைத்து கட்டுரைகளுமே குறிப்பிடத்தக்கமையை நிறுவியவைதானா என்ற கேள்வி எழுகிறது.

எனவே, குறிப்பிடத்தக்கமை குறி்த்த விதிகளை மீள்பா்ரவை செய்ய வேண்டுகிறேன். த.சீனிவாசன் (பேச்சு) 05:33, 13 அக்டோபர் 2024 (UTC)