1470கள்

1470கள் என்றழைக்கப்படும் பத்தாண்டு காலம் 1470ஆம் ஆண்டு துவங்கி 1479-இல் முடிவடைந்தது.

ஆயிரவாண்டுகள்:	2-ஆம் ஆயிரவாண்டு
நூற்றாண்டுகள்:	14-ஆம் நூற்றாண்டு - 15-ஆம் நூற்றாண்டு - 16-ஆம் நூற்றாண்டு
பத்தாண்டுகள்:	1440கள் 1450கள் 1460கள் - 1470கள் - 1480கள் 1490கள் 1500கள்
ஆண்டுகள்:	1470 1471 1472 1473 1474 1475 1476 1477 1478 1479

நிகழ்வுகள்

1470

• மார்ச் 12 – ரோசாப்பூப் போர்கள்: இங்கிலாந்து இராச்சியத்தில் யோர்க் அரசர்கள் லான்காஸ்டர்களை வென்றனர்.
• மே 15 – மூன்று தடவைகள் சுவீடனின் மன்னராகப் பதவியில் இருந்த எட்டாம் சார்லசு இறந்தார்.
• மே 16 - ஸ்டென் ஸ்டூர் தன்னை சுவீடனின் மன்னராக அறிவித்தார். சூன் 1 இல் இவர் மன்னராக ஏற்றுக் கொள்ளப்பட்டார்.
• செப்டம்பர் 13 – இங்கிலாந்தின் மன்னர் நான்காம் எட்வர்டின் முன்னாள் சகாவான வாரிக் குறுநில மன்னர் ரிச்சார்ட் நெவில் தலைமையிலான கிளர்ச்சியை அடுத்து, மன்னர் தனது மைத்துனர் பர்கண்டியின் சார்லசிடம் உதவி கேட்க வேண்டி வந்தது.
• அக்டோபர் 3 – இலண்டன் கோபுரத்தில் சிறை வைக்கப்பட்டிருந்த இங்கிலாந்தின் ஆறாம் என்றி அங்கிருந்து விடுவிக்கப்பட்டு, மன்னராக்கப்பட்டார்.
• பகாங்கு சுல்தானகம் உருவாக்கப்பட்டது (இன்றைய மலேசியாவில்).
• யொகான் ஹெயின்லின் அச்சியந்திரத்தை பிரான்சில் அறிமுகப்படுத்தி, தனது முதலாவது நூலை இதே ஆண்டில் வெளியிட்டார்.
• இந்த ஆண்டுக்கும் 1700 இற்கும் இடையில் சுவிட்சர்லாந்து கூட்டமைப்பில் 8,888 சூனியக் காரிகள் கைது செய்யப்பட்டனர். இவர்களில் 5,417 பேருக்கு மரண தண்டனைநிறைவேற்றப்பட்டது.

1471

• மார்ச் 1 – வியட்நாம் பேரரசர் லே தான் தொங் தலைநகர் சாம்பாவைக் கைப்பற்றி, வியட்நாமின் மத்திய பகுதியில் புதிய பகுதிகளை அமைத்தார்.
• மார்ச் – ரோசாப்பூப் போர்கள்: யோர்க் வம்ச அரசர் நான்காம் எட்வர்டு இங்கிலாந்து திரும்பி முடியாட்சிக்கு உரிமை கோரினார்.
• ஏப்ரல் 14 – ரோசாப்பூப் போர்கள்: நான்காம் எட்வர்டு ரிச்சார்டு நெவில் கோமகன் தலைமையிலான லங்காஸ்திரிய இராணுவத்தை தோற்கடித்தார். ரிச்சார்ட் நெவில் இதன் போது கொல்லப்பட்டார்.
• மே 4 – ரோசாப்பூப் போர்கள்: நான்காம் எட்வர்டு மார்கரெட் மகாராணி மற்றும் அவரது மகன் வேல்சு இளவரசர் எட்வர்டு தலைமையிலான லங்காஸ்திரிய இராணுவத்தைத் தோற்கடித்தார். இச்சமரில் இளவரசர் எட்வர்டு கொல்லப்பட்டார். பின்னர் இங்கிலாந்தின் மன்னர் ஆறாம் என்றி கொல்லப்பட்டார்.
• ஆகத்து 9 – நான்காம் சிக்சுடசு 212வது திருத்தந்தையாக நியமிக்கப்பட்டார்.
• ஆகத்து 24 – போர்த்துகல் மன்னர் ஐந்தாம் அஃபொன்சோ மொரோக்கோ நகரமான அர்சீலாவைக் கைப்பற்றினார்.
• ஆகத்து 29 – மொரோக்கோவின் தாஞ்சியர்சு நகரில் இருந்து குடிமக்கள் வெளியேறியதை அடுத்து அதனை போத்துக்கீசர் கைப்பற்றினர்.
• அக்டோபர் 10 – சுவீடனின் அரசப் பிரதிநிதிகளின் படையினர் உழவர்கள் மற்றும் சுரங்கத் தொழிலாளர்களின் உதவியுடன், டென்மார்க் மன்னர் முதலாம் கிறித்தியானின் தாக்குதலை சுவீடன் பிரங்கன்பர்க் நகரில் இடம்பெற்ற சமரில் முறியடித்தனர்.
• டிசம்பர் 21 – சாவோ தொமே மற்றும் பிரின்சிப்பி தீவுகளை போர்த்துக்கீச மாலுமிகள் கண்டுபிடித்தனர்.

1472

• பெப்ரவரி 20 – இசுக்கொட்லாந்தின் அரசியும், டென்மார்க்கின் இளவரசியுமான மார்கரெட்டுக்காக ஓர்க்னி, செட்லாந்து ஆகிய தீவுகளை நோர்வே இசுக்கொட்லாந்துக்கு வரதட்சணையாக வழங்கியது.
• டிசம்பர் 31 – ஆம்ஸ்டர்டம் நகரசபை பனிப்பந்துச் சண்டைகளுக்குத் தடை விதித்தது.
• போர்த்துக்கீசர் வவுரி ஆற்றில் வந்திறங்கியதை அடுத்து கமரூனில் அடிமை வணிகம் ஆரம்பமானது.
• பியோக்கோ, அன்னொபோன் ஆகிய மத்திய-ஆப்பிரிக்கத் தீவுகளை போர்த்துகல் உரிமை கோரியது.
• இத்தாலிய நகரமான வோல்ட்டேரா புளோரன்சு போர்வீரர்களால் சூறையாடப்பட்டது.

ஆட்சியாளர்கள்

• குலசேகர சோழன் (1430 - 1472)
• அசன் கான் (ஜம்மு காசுமீர்)

1473

• பெப்ரவரி 12 – இப்னு சீனாவின் மருத்துவ நியதி என்ற நூலின் முதலாவது முழுமையான இலத்தீன் மொழிபெயர்ப்பு மிலன் நகரில் வெளியிடப்பட்டது.
• ஆகத்து 15 – வத்திக்கான் நகரில் சிஸ்டைன் சிற்றாலயத்திற்கான கட்டுமானப் பணிகள் ஆரம்பமாயின.
• மோல்தாவியாவின் மன்னர் இசுட்டீவன் உதுமானியருக்கு திறை செலுத்த மறுத்ததை அடுத்து, உதுமானியர் 1475 இல் மோல்தாவியா மீது படையெடுத்துப் பெரும் தோல்வியடைந்தனர்.
• மூன்றாம் சடையவர்மன் குலசேகரனிற்குப் பின்னர் அழகன் பெருமாள் பராக்கிரமன் பாணிட நாட்டின் மன்னனானார்.

1474

• பெப்ரவரி – ஊட்ரெக்ட் உடன்பாடு ஆங்கிலேய-அன்சியாட்டிக் போரை முடிவுக்குக் கொண்டு வந்தது.
• மார்ச் 19 – வெனிசுக் குடியரசின் மேலவை உலகின் முதலாவது காப்புரிமச் சட்டத்தை அறிவித்தது.
• சூலை 25 – பிரான்சு மீதான இங்கிலாந்து மன்னர் நான்காம் எட்வர்டின் முற்றுகைக்கு ஆதரவாக பர்கண்டியின் சார்லசு இலண்டன் உடன்பாட்டில் கையெழுத்திட்டார்.
• டிசம்பர் 12 – காசுட்டில் மன்னர் நான்காம் என்றியின் இறப்பை அடுத்து, அவரது அடுத்த வாரிசு முதலாம் இசபெல்லாவுக்கும் இசபெல்லாவின் மருமகள் உவான்னாவுக்கும் இடையே உள்நாட்டுப் போர் வெடித்தது. பெரும் முயற்சியின் பின்னர் இசபெல்லா காசுட்டில் அரசியாக முடிசூடினார்.
• வங்காள சுல்தானகத்தின் இலியாஸ் சாகி வம்சத்தின் மகுமுது சாவின் ஆட்சி முடிவுக்கு வந்து உருக்குனுதீன் பர்பாக் சாவின் ஆட்சி அமைக்கப்பட்டது.
• மயாபாகித்து பேரரசின் மன்னராக ரணவிசயன் முடிசூடினான்.

1475

• சனவரி 10 – மோல்தாவிய-உதுமானியப் போர்கள்: வாசுலி சமரில் மோல்தாவியாவின் மூன்றாம் இசுட்டீவன் இரண்டாம் முகமது தலைமையிலான உதுமானியப் பேரரசைத் தோற்கடித்தார்.
• சூலை 4 – பர்கண்டியப் போர்கள்: இங்கிலாந்தின் நான்காம் எட்வர்டு பிரான்சிற்கு எதிரான பர்கண்டி கோமகனுக்கு ஆதரவாக கலேயில் தரையிறங்கினார்.
• ஆகத்து 29 – பிரான்சுக்கும் இங்கிலாந்துக்கும் இடையே இடையே இடம்பெற்ற குறுகிய போர் முடிவுக்கு வந்தது.
• நவம்பர் 14 – பவாரியாவின் இளவரசர் ஜார்ஜிற்கும், இளவரசி எட்விக் ஜாகிலனுக்கும் இடையே பெரும் தெருக்கூத்து திருமணம் இடம்பெற்றது.

1476

• மார்ச் 1 – டோரோ சமர் இடம்பெற்றது. இப்போரை அடுத்து கத்தோலிக்க அரசர்கள் காசுட்ட்டில் முடிக்கு உரிமை கோரி, இன்றைய எசுப்பானியாவை உருவாகக் வழிவகுத்தது.
• மார்ச் 2 – சுவிட்சர்லாந்து படைகள் பர்கண்டி படைகளைத் தோற்கடித்தன.
• சூலை 26 – வாலியா அல்பா சமரில் உதுமானிய சுல்தான் இரண்டாம் முகமது மோல்டாவியாவின் மூன்றாம் இசுட்டீவனைத் தோற்கடித்தார்.
• நவம்பர் 26 – விலாத் தன்னை வலாச்சியாவின் முடிக்குரிய இளவரசராக அறிவித்தார். இவர் ஆண்டிறுதியில் புக்கரெஸ்ட்டில் கொல்லப்பட்டார். இவரது துண்டிக்கப்பட்ட தலை இவரது எதிரியான உதுமானிய சுல்தான் முகமதிடம் கையளிக்கப்பட்டது.
• லியொனார்டோ டா வின்சி ஒருபாற் புணர்ச்சிக் குற்றச்சாட்டுகளில் இருந்து விடுவிக்கப்பட்டார். இதன் பின்னர் அடுத்த இரண்டு ஆண்டுகள் இவரது வரலாறு அறியப்படவில்லை.
• பேயூ பேராலயத்தின் கருவூலப் பொருட்களைப் பட்டியலிட்டபோது, ஏனைய பலிபீடத் துணிகளின் ஊடே பேயூ திரைக்கம்பளம் கண்டுபிடிக்கப்பட்டது.
• வில்லியம் காக்ஸ்டன் என்பவர் அச்சியந்திரத்தை இங்கிலாந்தில் அறிமுகப்படுத்தினார்.

1477

• சனவரி 5 – நான்சி சமரில், பர்கண்டியின் கோமகன் சார்லசு கொல்லப்பட்டான். பர்கண்டிப் போர்கள் முடிவுக்கு வந்தன.
• பெப்ரவரி – ஐசுலாந்தில் பர்தார்புங்கா எரிமலை வெடித்தது.
• பெப்ரவரி 27 – சுவீடன், மற்றும் எசுக்காண்டினாவியாவின் முதலாவது பல்கலைக்கழகம் உப்சாலா பல்கலைக்கழகம் நிறுவப்பட்டது.
• ஆகத்து 19 – பர்கண்டியின் மேரி புனித உரோமைப் பேரரசர் முதலாம் மாக்சிமிலியனைத் திருமணம் செய்தார். இதன் மூலம் பிளம்மிய, பர்கண்டிய நிலங்கள் பிரான்சில் இருந்து பிரிக்கப்பட்டு புனித உரோமைப் பேரரசுடன் இணைக்கப்பட்டன.
• நவம்பர் 18 – இங்கிலாந்தில் முதலாவது நூல் அச்சியந்திரசாலை ஒன்றில் பிரசுரிக்கப்பட்டது. அந்தோனி வுட்வில் என்பவரின் நூலை வில்லியம் காக்சுடன் ஆங்கிலத்தில் மொழிபெயர்த்து வெசுட்மினிஸ்டரில் வெளியிட்டார்.
• உருசியப் பேரரசர் மூன்றாம் இவான் நவ்கோரத் குடியரசு நோக்கிப் படையெடுத்தான். உருசியக் குடியேற்றம் ஆரம்பமானது.
• மார்க்கோ போலோவின் பயணங்கள் என்ற நூலின் முதல் பதிப்பு வெளியானது.
• மலாக்காவில் மன்சூர் ஷா சுல்தானின் ஆட்சி முடிவடைந்து அலாவுதீன் ரியாட் ஷா சுல்தானின் ஆட்சி ஆரம்பமானது.

1478

• சனவரி 14 – வெலிக்கி நோவ்கோரோத் நகரம் மாசுக்கோவின் இளவரசர் மூன்றாம் இவானிடம் சரணடைந்தது.
• பெப்ரவரி 18 – கிளாரன்சின் முதலாம் கோமகன் ஜோர்ஜ் பிளான்டகெனெட் அவரது மூத்த சகோதரர் இங்கிலாந்தின் நான்காம் எட்வர்ட் மன்னருக்கு எதிராக சதியில் ஈடுபட்டதாகக் குற்றம் சாட்டப்பட்டு இலண்டன் கோபுரத்தில் தூக்கிலிடப்பட்டார்.
• நவம்பர் – எத்தியோப்பியாவின் மன்னராக எசுக்கான்டர் தனது ஆறாவது அகவையில் முடிசூடினார்.
• நவம்பர் 1 – எசுப்பானிய திரிபுக் கொள்கை விசாரணை ஆரம்பமானது.
• திசம்பர் 28 – கியோர்னிக்கோ என்ற இடத்தில் சுவிட்சர்லாந்து படைகள் மிலன் படைகளைத் தோற்கடித்தன.
• லோரென்சோ டெ மெடிச்சி புளோரன்சின் ஆட்சியாளரானார்.
• உள்நாட்டுப் போரை அடுத்து, தெமாக் சுல்தானகம் மயாபாகித்திடம் இருந்து பிரிந்தது.
• பொகீமியாவின் இரண்டாம் விளாதிசுலாவ் அங்கேரியுடன் அமைதி உடன்பாட்டில் கையெழுத்திட்டார்.
• யாழ்ப்பாண மன்னர் கனகசூரிய சிங்கையாரியனின் ஆட்சி முடிவடைந்தது. சிங்கை பரராசசேகரனின் ஆட்சி ஆரம்பமானது.

1479

• சனவரி 20 – இரண்டாம் பெர்டினாண்டு அராகன் இராச்சியத்தின் மன்னராக முடிசூடி, அவரது மனைவி முதலாம் இசபெல்லாவுடன் இணைந்து ஐபீரிய மூவலந்தீவின் பெரும் பகுதியை ஆண்டார்.
• சனவரி 25 – உதுமானியப் பேரரசுக்கும் வெனிசுக் குடியரசுக்கும் இடையே ஒப்பந்தம் கையெழுத்திடப்பட்டது.
• மார்ச் 6 – கனரித் தீவுகளை போர்த்துக்கல் காஸ்டில் பேரரசுக்கு வழங்கியது.
• ஏப்ரல் 25 – அல்பேனியாவின் பெரும் பகுதி உதுமானியரின் ஆட்சியில் வந்தது.
• ஆகத்து 7 – நெதர்லாந்தைக் கைப்பற்றச் சென்ற பிரெஞ்சு இராணுவம் ஆஸ்திரியாவின் மாக்சிமிலியனால் தோற்கடிக்கப்பட்டன.
• அக்டோபர் 13 – பிரெட்ஃபீல்ட் சமரில் அங்கேரிய இராணுவம் உகுதுமானியரைத் தோற்கடித்தது.
• பிளோரன்சில் கொள்ளை நோய் பரவியது.

பிறப்புகள்

1471

• மே 21 – ஆல்பிரெஃக்ட் டியுரே, செருமானிய ஓவியர், கணிதவியலாளர் (இ. 1528)
• பெப்ரவரி 16 – கிருஷ்ணதேவராயன், விஜயநகரப் பேரரசர் (இ. 1529)

1472

• தயன் கான், வடக்கு யுவான் அரசமரபின் ஒரு கான் (இ. 1517)
• பலராம தாசன், 15 ஆம் நூற்றாண்டு ஒடியா கவிஞர் (இ. 1556)

1473

• பெப்ரவரி 19 – நிக்கோலாஸ் கோப்பர்னிக்கஸ், போலந்து வானியலாளர், கணிதவியலாளர் (இ. 1543)
• தாமஸ் வோல்சி, ஆங்கிலேய உயராட்சித் தலைவர், கருதினால் (இ. 1530)

1475

• மார்ச் 6 – மைக்கலாஞ்சலோ, இத்தாலிய சிற்பி (இ. 1564)

1476

• சூன் 28 – நான்காம் பவுல், திருத்தந்தை (இ. 1559)

1477

• கியார்கியோன், இத்தாலிய ஓவியர் (இ. 1510)

1478

• பெப்ரவரி 7 – தாமஸ் மோர், ஆங்கிலேய அரசியல்வாதி, மனிதநேயவாதி (இ. 1535)
• சூர்தாசர், இந்திய ஞானி, புலவர்

1479

• மே 5 – குரு அமர் தாஸ், மூன்றாவது சீக்கிய குரு (இ. 1574)
• வல்லபாச்சார்யா, இந்து மெய்யியலாளர் (இ. 1531)

இறப்புகள்

1470

• இராமாநந்தர் - இந்திய வைணவப் புலவர்

1476

• சூலை 6 – இரெகியோமோண்டேனசு, செருமானிய வானியலாளர் (பி. 1436)

1478

• முதலாம் திம்மராச உடையார், மைசூர் மன்னர்

1479

• மன்டூல் கான், வடக்கு யுவான் அரசமரபின் ஒரு கான் (பி. 1438)