ஸ்ரீதேவி
ஸ்ரீதேவி (Sridevi, 13 ஆகத்து 1963 - 24 பெப்ரவரி 2018) தமிழ்நாட்டில் பிறந்து இந்தியத் திரைப்படத் துறையில் புகழ்பெற்ற ஒரு நடிகை ஆவார். 1969ல் துணைவன் திரைப்படத்தில், குழந்தை நட்சத்திரமாக முருகன் வேடத்தில் அறிமுகமானார்.[5]
| ஸ்ரீதேவி | |
|---|---|
 இலக்மி ஃபேசன் வீக் 2010இல் ஸ்ரீதேவி | |
| பிறப்பு | ஆகத்து 13, 1963 மீனம்பட்டி, சிவகாசி, தமிழ்நாடு, இந்தியா |
| இறப்பு | 24 பெப்ரவரி 2018 (அகவை 54) துபாய், ஐக்கிய அரபு அமீரகம்[1] |
| இறப்பிற்கான காரணம் | தவறுதலாக நீரில் மூழ்குதல்[2][3][4] |
| பணி | நடிகர், தயாரிப்பாளர் |
| செயல்பட்ட ஆண்டுகள் | 1967–2018 |
| வாழ்க்கைத் துணை | போனி கபூர், (1996-2018) |
| பிள்ளைகள் | ஜானவி மற்றும் குஷி |
கதாநாயகியாக இவர் நடித்த முதல் படம் கே. பாலச்சந்தரின் மூன்று முடிச்சு (1976). ஆரம்ப காலத்தில் கமல்ஹாசன், ரஜினிகாந்த்துடன் இணைந்து பல திரைப்படங்களில் நடித்தார்.[6]
இவர் தமிழ், தெலுங்கு, மலையாளம், ஹிந்தி திரைப்படங்களில் நடித்தார். தனது நடிப்பிற்காக தமிழ் நாடு, ஆந்திர மாநில அரசுகளின் சிறந்த நடிகைக்கான விருதுகளையும், கேரள அரசின் சிறந்த குழந்தை நட்சத்திர விருதையும், நான்கு முறை பிலிம்பேர் விருதினையும் வென்றார். இது வரை 300 படங்களில் நடித்துள்ளார். இவரது கடைசி படம் மம் 300வது படமாகும்.
கலைத்துறையில் இவர் ஆற்றிய பணிக்காக இவருக்கு 2013ஆம் ஆண்டில் பத்மசிறீ விருது வழங்கப்பட்டது.
குடும்பம்தொகு
ஸ்ரீதேவி, அய்யப்பன் - இராஜேஸ்வரி தம்பதியருக்கு 13 ஆகஸ்டு 1963 அன்று சிவகாசி ஊராட்சி ஒன்றியம், அனுப்பன்குளம் ஊராட்சியில் உள்ள மீனம்பட்டி கிராமத்தில் பிறந்தவர். அவரது தங்கை லதாவின் கணவர் சஞ்சய் ராமசாமி, 1991 தமிழ்நாடு சட்டமன்றத் தேர்தலில் விருதுநகர் சட்டமன்றத் தொகுதியிலிருந்து தேர்ந்தெடுக்கப்பட்டவர்.[7]
2 சூன் 1996 அன்று ஸ்ரீதேவிக்கும், இந்தித் திரைப்பட தயாரிப்பாளரான போனி கபூருக்கும் திருமணம் நடைபெற்றது. ஸ்ரீதேவி - போனி கபூர்[8] தம்பதியருக்கு ஜான்வி மற்றும் குஷி என்ற இரண்டு மகள்கள் உள்ளனர்.[9]
நடித்த திரைப்படங்கள்தொகு
தமிழ்த் திரைப்படங்கள்தொகு
பாலிவுட்தொகு
ஸ்ரீதேவி பாலிவுட் படங்களிலும் நடித்துள்ளார். இவர் தமிழ், தெலுங்கு, கன்னடம், மலையாளம் ஆகிய தென்னக மொழிப் படங்களில் நடித்துப் பெரும் புகழ்பெற்ற பின்னர், 1980-களின் தொடக்கத்தில் பாலிவுட் சென்று மிகப் பெரிய வெற்றிகளைக் கண்டார். 1980-களின் தொடக்கத்தில் அவர் நடித்த இந்திப் படங்கள் மிகப் பெரிய வெற்றி பெற இந்தியாவின் முதல் பெண் சூப்பர் ஸ்டார் எனப் பெயர்ப் பெற்றார். ராஜேஷ் கன்னா, தர்மேந்திரா, மிதுன் சக்கரவர்த்தி, அமிதாப் பச்சன், ரிஷிகபூர், அனில் கபூர், சல்மான் கான், சஞ்சய் தத் ஆகிய பெரும் நடிகர்களுக்கு ஜோடியாக நடித்துள்ளார். மிக நீண்ட காலம் பாலிவுட்டில் அவர் நடித்துவந்தார்.
மறைவுதொகு
2018 ஆம் ஆண்டு பெப்ரவரி மாதம் 24ஆம் நாள் சனிக்கிழமை இரவு துபாயில் மாரடைப்பு காரணமாக காலமானார் என்று செய்திகள் வெளியானது.[10] பின்னர் வெளியான பிணக்கூற்று அறிக்கை, அவர் நீரில் மூழ்கி இறந்ததாகவும், அவரது குருதியில் மதுபானம் இருந்ததாகவும் கூறியது.[11][12] உடற்கூறு ஆய்வு செய்யப்பட்ட அவரது உடலானது பெப்ரவரி 27, 2018 அன்று தனி விமானம் மூலம் துபாயிலிருந்து மும்பைக்கு கொண்டு வரப்பட்டது. பின்பு இவரது உடலை பெப்ரவரி 28, 2018 அன்று மும்பையில் உள்ள வில்லே பார்லே மின்மயானத்தில் முழு அரசு மரியாதையுடன் தகனம் செய்யப்பட்டது.[13]
மேற்கோள்கள்தொகு
- ↑ https://m.huffingtonpost.in/amp/2018/02/24/breaking-sridevi-dies-at-55_a_23370162/
- ↑ "நடிகை ஸ்ரீதேவியின் உடற்கூறு ஆய்வு தகவல்".
- ↑ http://gulfnews.com/life-style/celebrity/desi-news/bollywood/traces-of-alcohol-found-in-bollywood-actress-sridevi-s-body-died-of-accidental-drowning-1.2178719
- ↑ https://www.aljazeera.com/news/2018/02/bollywood-star-sridevi-died-accidental-drowning-180226104638021.html
- ↑ "Baby Sridevi in pictures: From charming child to stunning teen". The News Minute (25-02-2018). பார்த்த நாள் 25-02-2018.
- ↑ நடிகை ஸ்ரீதேவியின் திரைப்பட வாழ்க்கை வரலாறு
- ↑ ஸ்ரீதேவி: மீனம்பட்டியில் இருந்து மும்பை வரை
- ↑ Boney Kapoor
- ↑ ஸ்ரீதேவி
- ↑ "Bollywood actor Sridevi passes away". Indian Express (25-02-2018). பார்த்த நாள் 25-02-2018.
- ↑ "Traces of alcohol found in Bollywood actress Sridevi’s body, died of accidental drowning". கல்ப் நியூசு. பார்த்த நாள் பெப்ரவரி 26, 2018.
- ↑ "Sridevi died due to accidental drowning, case transferred to Dubai Public Prosecution: Updates". இந்துசுத்தான் டைம்சு. பார்த்த நாள் பெப்ரவரி 26, 2018.
- ↑ "இறுதி சடங்குகளுக்கு பின் அரசு மரியாதையுடன் ஸ்ரீதேவி உடல் தகனம்".
வெளி இணைப்புகள்தொகு
| விக்கிமீடியா பொதுவகத்தில் ஸ்ரீதேவி என்னும் தலைப்புடன் தொடர்புடைய பல ஊடகக் கோப்புகள் உள்ளன. |