விக்கிப்பீடியா:உங்களுக்குத் தெரியுமா/2010
- அதிதி கோவத்திரிகர் (படம்) திருமணமான பெண்களுக்கான மிசஸ் வோர்ல்ட் அழகிப் பட்டத்தை வென்ற முதல் இந்தியர்.
- ஒரு பெண் இயக்குனரால் இயக்கப்பட்ட முதல் தமிழ்த் திரைப்படம் மிஸ் கமலா; இயக்கியவர் டி. பி. ராஜலட்சுமி.
- இந்தியாவிலேயே மிகப்பெரிய துடுப்பாட்ட அரங்கம் ஈடன் கார்டன்ஸ்.
- புகழ் பெற்ற பெண் வானூர்தி ஆர்வலர் அமேலியா ஏர்ஃகாட் காணாமல் போன மர்மம் இன்று வரை விளக்கப்படவில்லை.
- இந்தியக் கடலோரக் காவல்படை 1978ல் உருவாக்கப்பட்டது.
- முன்னாள் இசுரேலியப் பிரதமர் கோல்டா மேயர் (படம்) அந்நாட்டு அரசியலின் “இரும்புப் பெண்மணி” என்று அழைக்கப்பட்டார்.
- மாலைதீவுகளின் நாட்டுப்பண்ணுக்கு இசையமைத்துக் கொடுத்தவர் இலங்கையின் சிங்கள இசையமைப்பாளர் பத்மசிறீ டபிள்யூ. டி. அமரதேவ.
- தீவிரவாத எதிர்ப்பில் ஈடுபடும் ஐக்கிய இராச்சியத்தின் அதிரடிப் படை சிறப்பு வான்சேவை என்று அழைக்கப்படுகிறது.
- கர்ப்பமான பெண்களின் கருப்பையினுள் இருக்கும் குழந்தைக்குத் தேவையான ஊட்டச்சத்தும், பாதுகாப்பும் வழங்கும் திரவம் பனிக்குட நீர்.
- சிவாஜி கணேசன் நடித்த வீரபாண்டிய கட்டபொம்மன் திரைப்படத்தின் அனல் தெறிக்கும் வசனங்களை எழுதியவர் சக்தி கிருஷ்ணசாமி.
- கடம்பினி கங்கூலி (படம்) பிரித்தானியப் பேரரசின் முதல் இரு பெண் பட்டதாரிகளில் ஒருவர். தெற்காசியாவிலேயே ஐரோப்பிய மருத்துவத்தில் பயிற்சிபெற்ற முதல் பெண் மருத்துவர்களிலும் ஒருவர் இவராவார்.
- கூகுள் நிறுவனம் தனது ஜிமெயில் மின்னஞ்சல் சேவையை ஏப்ரல் 1, 2004ல் அறிமுகப்படுத்திய போது, அதனை கூகுளின் வழக்கமான ஏப்ரல் முட்டாள்கள் நாள் குறும்புச் செயலாகவே பலரும் அதை நினைத்தனர்.
- கிணறுகளில் இருந்து ஏற்றமுறை மூலம் நீர் இறைக்கும் போது விவசாயத் தொழிலாளர்கள் பாடும் பாடல் ஏற்றப்பாட்டு எனப்படுகிறது.
- சீன அரசு எதிர்ப்பாளரும் மனித உரிமை செயற்பாட்டாளருமான லியூ சியாபோவுக்கு 2010க்கான அமைதிக்கான நோபல் பரிசு வழங்கப்பட்டதால் ஆத்திரமடைந்த சீன அரசு கன்பூசியசு அமைதிப் பரிசு என்ற புதிய பரிசை ஏற்படுத்தியுள்ளது.
- தன்னியக்க வங்கி இயந்திரம் எனப்படும் தானியங்கிப் பணப் பட்டுவாடா எந்திரத்தைக் கண்டுபிடித்த ஜான் ஷெப்பர்ட் பேரோன் தன்னுடைய மனைவியால் ஆறு இலக்க இரகசிய குறியீட்டு எண்ணை நினைவில் வைக்க முடியாததால் அதை 4 இலக்க எண்ணாக மாற்றினார்.
- சின்த்தோ (அல்லது ஷிண்டோ) என்பது சப்பானில் பின்பற்றப்படும் ஒரு மதம். இரண்டாம் உலகப்போருக்கு முன்னர் வரை இதுவே சப்பானின் முதன்மையான மதமாக விளங்கியது.
- சபையில் அல்லது மற்றவர் முன் கூறத்தகாத சொல்லை அல்லது சொற்றொடரை வேறொரு சொல் அல்லது சொற்றொடர் கொண்டு வெளிப்படுத்துதல் இடக்கரடக்கல் எனப்படும்.
- இலங்கையில் 1972 இல் தயாரிக்கப்பட்ட குத்துவிளக்கு திரைப்படத்தில் இடம்பெறும் "ஈழத்திரு நாடே" என்ற பாடல் அதில் வரும் 'ஈழம்' என்ற சொல்லுக்காக இலங்கை வானொலியில் ஒலிபரப்பத் தடை செய்யப்பட்டது.
- வெள்ளை ரோசா (படம்) என்பது நாசி செருமனியில் வன்முறையற்ற முறையில் போராடிய ஒரு மாணவர் குழு. இவர்கள் 1943 இல் தூக்கிலிடப்பட்டார்கள். இன்று இவ்வியக்க உறுப்பினர்கள் செருமனி அரசினரால் மாவீரர்களாக மதிக்கப்பட்டு அவர்களுக்கு நினைவுச் சின்னங்களும் எழுப்பப்பட்டுள்ளன.
- எகிப்தில் உடைந்த சாடி ஒன்று தமிழ்ப் பிராமி எழுத்துக்களுடன் கண்டுபிடிக்கப்பட்டது.
- மகடூஉ முன்னிலை என்பது, எதிரில் உள்ள பெண்ணொருத்திக்குச் சொல்வதுபோல் பாடல்களை எழுதும் ஒரு முறையைக் குறிக்கும்.
- இலங்கை வரலாற்றில் அரசியல் ரீதியாக ஒழுங்கமைக்கப்பட்ட முதல் இனக்கலவரமாக 1915 சிங்கள-முஸ்லிம் கலவரம் கருதப்படுகிறது.
- திருவிதாங்கூர் சமத்தானத்தால் தாழ்த்தப்பட்ட சாதியைச் சேர்ந்த பெண்கள் மேலாடை அணிவதற்கு விதிக்கப்பட்டிருந்த தடைக்கு எதிராக அவர்கள் நடத்திய போராட்டம் தோள் சீலைப் போராட்டம் எனப்பட்டது.
- ஆலோவீன் பண்டிகை நாளில் மற்றவர்களை பயமுறுத்தி விளையாடுவது, பலவிதமான மாறுவேடங்கள் அணிவது, மாறுவேட விருந்துகளில் கலந்து கொள்வது, சொக்கப்பனை கொளுத்துவது, பயமுறுத்தும் கதைகளைப் படிப்பது போன்ற நிகழ்வுகள் இடம்பெறும் (படம்).
- கம்பர் வழிவந்தோர் ஒருவர் பாடிக்கொடுத்த மங்கல வாழ்த்து கொங்குநாட்டுத் திருமணங்களில் பாடப்பெறுகிறது. கவிச்சக்கரவர்த்தி கம்பர் கொங்கு வேளாளர் வள்ளல் சடையப்ப கவுண்டரை பெருமிதப்படுத்தும் விதமாக கொங்கு மங்கல வாழ்த்தை பாடிக்கொடுத்ததாகவும் சொல்லப்படுகிறது.
- இரகுவம்சத்தைத் தமிழில் முதன் முதலில் பாடியவர் கிபி 16 - 17 ஆம் நூற்றாண்டுகளில் ஈழத்தில் வாழ்ந்த அரசகேசரி என்னும் அரச குடும்பத்துப் புலவர். இது 1887 இல் யாழ்ப்பாணத்தில் பதிப்பிக்கப்பட்டது.
- கற்காலம் என்பது, கருவிகளைச் செய்வதற்காகக் கற்கள் பயன்படுத்தப்பட்ட பரந்த வரலாற்றுக்கு முந்திய காலப் பகுதியைக் குறிக்கிறது.
- இந்தியாவில் முதல் தொடருந்துப் போக்குவரத்து 22/12/1851-ல் ரூர்க்கிக்கு கட்டுமானப்பொருட்களைக் கொண்டு செல்ல துவங்கப்பட்டது.
- 1918 இல் அமெரிக்கா வெளியிட்ட தலைகீழ் ஜென்னி என்ற அஞ்சல்தலையில் உள்ள விமானம், தவறுதலாக தலைகீழாக அச்சிடப்பட்டது. இதன் தற்போதைய மதிப்பு 1 மில். அமெரிக்க டாலர்களாகும்.
- பிரமிட்டுகளின் நிறையில் பெரும் பகுதி அடிப்பகுதியில் அமைந்திருப்பதால், இவற்றின் புவியீர்ப்பு மையம் நிலத்துக்கு அண்மையில் அமைந்திருக்கும் இதனால், பழங்கால நாகரிக மக்கள் உறுதியான நினைவுச் சின்னங்களை அமைப்பதற்கு இந்த வடிவத்தைத் தேர்ந்தெடுத்தனர்.
- 1811 இல் ஏற்பட்ட மிகப்பெரிய நிலநடுக்கத்தினால் மிசிசிப்பி ஆறு சிறிது நேரம் பின்னோக்கிப் பாய்ந்தது.
- மனித வடிவிலான ரோபோ இயந்திரத்துக்கான அடிப்படைத் தொழில்நுட்பங்களை 1495ஆம் ஆண்டு லியொனார்டோ டா வின்சி வரைந்து வைத்திருந்தார்.
- தோகோ என்பது லியான்கார்டு செப்பாலா என்பவரின் பனிவண்டியை இழுத்துச் சென்ற நாய் அணியை முன்நடத்திச் சென்ற நாய். இந்த அணியின் மிக நீண்ட பயணம் 1925 இல் அலாசுக்காவில் டிப்தீரியா என்னும் தொற்று நோய் பரவாமல் தடுக்க நோய்க்கு எதிர் மருந்தைக் கொண்டு செல்வதற்காக அமைந்தது.
- 1750 ஆம் ஆண்டில் திருவிதாங்கூர் அரசர் மார்த்தாண்ட வர்மர் (படம்) தனது அரசு முழுவதையும் திருவனந்தபுரம் பத்மநாபசாமி கோயிலுக்குத் தானமாக எழுதி வைத்து விட்டார்.
- விமானத்திலிருந்து பார்க்கும் பயணிக்கு வானவில் வட்ட வடிவமாகத் தெரியும்.
- பகலொளி சேமிப்பு நேரம் என்பது பரவலாக பயன்பாட்டில் இருக்கும் சீர் நேரத்தை கோடை மாதங்களில் ஒரு மணி நேரம் முன்னோக்கி நகர்த்தும் முறையாகும்.
- காற்றிசைக் கருவியான நாதசுவரம் ஆச்சாமரம் என்னும் மரத்தால் செய்யப்படுகின்றது.
- தும்பிக்கை காயம்பட்டாலோ, துண்டிக்கப்பட்டாலோ யானையால் உயிர்வாழ இயலாது.
- உலகிலேயே மிகவும் மெல்லிய பொருளான கிராபீன், உலகிலேயே மிகவும் உறுதியான பொருளும் கூட! எஃகை விட இது 100 மடங்கு உறுதியானது.
- கணிதத்தில், ஒரு பல்கோண எண் என்பது, ஒழுங்கான பல்கோண வடிவில் ஒழுங்குபடுத்தக்கூடிய ஒரு எண்ணாகும்.
- ஈழத்தமிழர்களின் பிரச்சனையை ஐக்கிய நாடுகள் அவையின் கவனத்தில் கொண்டு வந்து தமிழீழ தேசத்தினைத் தனிநாடாக அங்கீகரிக்குமாறு 1978 அக்டோபர் 5 இல் ஐநா பொதுச்சபைக் கூட்டத்தில் உரையாற்றியவர் கிருஷ்ணா வைகுந்தவாசன் (படம்).
- புவிநிலைச் சுற்றுப்பாதையில் செலுத்தப்படும் செயற்கைக் கோள் புவிவானில் ஒரே இடத்தில் இருந்து புவியின் குறிப்பிட்ட ஓர் இடத்தை எந்நேரமும் படமிட முடியும்.
- நாம் காணும் எல்லாப் பொருட்களின் பிம்பமும் நமது விழித்திரையில் தலை கீழாகத் தான் விழும். மூளை தான் இவற்றை நேராக மாற்றுகிறது.
- புற்று நோய்க்கு கண்கண்ட மருந்தான மீத்தோடிரெக்சேட்டைக் கண்டறிந்தவர் இந்தியாவில் பிறந்து அமெரிக்காவில் வாழ்ந்த எல்லப்பிரகத சுப்பாராவ் ஆவார்.
- சிவகீதை என்பது இராமனுக்கு சிவபெருமான் உபதேசித்தருளியதாய்க் கூறப்படும் பாடல்களைக் கொண்டுள்ள நூலாகும்.
- எகிப்தின் சாலை அமைப்புகள், வீடு அமைப்பைப் போலவே காயல்பட்டினம் நகரில் வீடுகள், சாலைகள் அமைக்கப் பட்டுள்ளன. பெண்கள் நடந்து செல்வதற்கென்றே தனியாக வீதிகளும் உள்ளன.
- இரவீந்திரநாத் தாகூர் அவர்களால் இயற்றப்பட்ட பாடல் தான் வங்காளதேசத்தின் நாட்டுப்பண்ணாக உள்ளது.
- இந்திய நாளிதழ்களிலேயே முதன் முறையாய்க் கேலிச் சித்திரம் வெளியிட்டவர் மகாகவி பாரதியார் (படம்) ஆவார்.
- சமயக்குரவர் நால்வருள் ஒருவரான மாணிக்கவாசகர் 63 நாயன்மார்களுள் ஒருவர் அல்லர்.
- ஹெலிகோபேக்டர் பைலோரி எனும் பாக்டீரியா இரைப்பைக் குடற்புண் மற்றும் இரைப்பைப் புற்று நோய் போன்ற நோய்களை உண்டாக்கவல்லது.
- இரவுநேர வானத்தில் நட்சத்திரங்கள் கண்சிமிட்டுவதுபோல் தெரிவது புவி வளிமண்டலத்தின் தாக்கத்தினாலாகும். ஆனால் சூரியன் மட்டும் இதற்கு விதிவிலக்காகும்.
- மேற்குத் தொடர்ச்சி மலையின் உட்பிரதேசத்திற்குரிய உயிரிகளில் ஒன்றான கேழல்மூக்கன் பிற தவளையினங்களைப் போலன்றி தன் வாழ்நாளைப் பெரும்பாலும் நிலத்தடியிலேயே கழிக்கும்.
- மீரா(1945) படத்தில் இடம்பெற்ற “காற்றினிலே வரும் கீதம்” பாடலை எழுதியவர் கல்கி ரா. கிருஷ்ணமூர்த்தி ஆவார்.
- 9x9 என அமைந்த 81 சிறுகட்டங்கள் அடங்கிய ஒரு பெரிய கட்டத்தில் குறிப்பிட்ட விதிகளுடன் எண்களைக் கொண்டு விளையாடும் ஒரு புதிர் விளையாட்டான சுடோக்கு யப்பான் நாட்டில் 1986 ஆம் ஆண்டில் அறிமுகமானது.
- காபோன் நாட்டின் ஓக்லோ என்ற இடத்தில் மாந்தர்களின் துணை ஏதுமில்லாமல் இயற்கையிலேயே தன்நேர்வாக யுரேனியம் அணு உலைகள் தொடங்கி மிக மிக நெடுங்காலமாக, அதாவது 600,000 ஆண்டுகள் முதல் 1,500,000 ஆண்டுகள் வரையும், இயங்கி வந்திருக்க வேண்டும் எனக் கண்டு பிடித்திருக்கிறார்கள்.
- இசுலாமியர்களின் புனித நூலாகக் கருதப்படும் திருக்குர்ஆன் இறைத்தூதர் முகம்மது நபி மூலமாக இறைவனால் அருளப்பட்டதாக இசுலாமியர்கள் நம்புகின்றனர்.
- டி. பி. ராஜலட்சுமி தமிழ்த் திரையுலகின் முதல் நடிகை ஆவார். தமிழில் வெளிவந்த முதல் பேசும் படமான காளிதாஸ் திரைப்படத்தில் இவர் நடித்திருந்தார்.
- ஆஸ்திரேலியாவின் முதல் மனிதர் 42,000 முதல் 48,000 ஆண்டுகளுக்கு முன்னர் குடியேறினர். கற்காலத்திற்கு முன்பிருந்து மனிதர்கள் வசித்தாலும் அவர்கள் தற்போதைய தென்கிழக்காசியத் தீவுகளிலிருந்து மிகப்பழங்காலத்தில் பிரிந்தவர்களாகத் நம்பப்படுகிறது.
- 1796 இல் யாழ்ப்பாணத்தை ஆட்சி செய்த ஒல்லாந்தரிடமிருந்து அதனைக் கைப்பற்றியதிலிருந்து 1948 வரை யாழ்ப்பாணத்தில் பிரித்தானியர் ஆட்சி நீடித்தது.
- பாஸ்டன் தேநீர் கொண்டாட்டம் 1773இல் பிரித்தானியப் பேரரசுக்கு எதிராக அமெரிக்கக் குடியேறிகளால் நடத்தப்பட்ட எதிர்ப்புப் போராட்டம். இந்த நிகழ்வு அமெரிக்கப் புரட்சியை தொடங்கிய நிகழ்வுகளில் ஒன்றாகும்.
- ஒரிசா மாநிலத்தில் வங்கக்கடலோரம் கொனார்க் என்னுமிடத்தில், கிபி 13ம் நூற்றாண்டில் கங்கப் பேரரசன் நரசிம்மதேவரால் சூரியபகவானுக்காக கட்டப்பட்ட கொனார்க் சூரியன் கோயில் (படம்) சிவப்பு மண்பாறை, கறுப்புக் கிரானைட் கற்களால் உருவாக்கப்பட்டது.இக்கோயிலைக் கட்டப் பேரரசின் 12 ஆண்டு வருமானம் செலவிடப்பட்டது.
- நீரானது, நீராவியுடன் சேர்ந்து, குறிப்பிட்ட இடைவெளிகளில் கிளர்ந்தெழுந்து, மேல்நோக்கி மிகவும் வேகத்துடன் வெளியேற்றப்படும் வெந்நீரூற்றுகள் உலகில் ஆயிரத்திற்கும் அதிகமாக உள்ளன. இவற்றில் பாதிக்கு மேல் அமெரிக்காவிலுள்ள வயோமிங்கு என்னும் இடத்தில் உள்ள எல்லோசுட்டோன் தேசியப் புரவகம் எனும் இடத்தில் இருக்கின்றன.
- சீனாவின் பீக்கிங் நகரருகில் 1929 இல் 2,50,000 ஆண்டுகளின் முன் வாழ்ந்த முழுவளர்ச்சியடையாத மனிதக் குரங்கு மனிதனின் மண்டையோட்டுப் புதையுருவம் கண்டுபிடிக்கப்பட்டது. இதை பீக்கிங் மனிதன் என்றழைக்கின்றனர்.
- கம்போடியா மக்கள் பொரித்த சிலந்திகளை உணவாக உட்கொள்கின்றனர்.
- பரிவு மசக்கை என்பது ஒரு கருவுற்ற பெண்ணின் நெருங்கிய ஆண் துணைவருக்கு மசக்கை போன்ற அறிகுறிகள் தென்படும் பரிவு விளைவு ஆகும்.
- கேரளத்தில் பெரியாற்றின் குறுக்கே கட்டப்பட்ட இடுக்கி அணை ஆசியாவிலேயே உயரமான வளைவு அணைகளுள் ஒன்று.
- பனையின் பெருமைகளைக் கூறும் செய்யுள் வடிவில் எழுதப்பட்ட ஒரு நூல் தாலவிலாசம். சோமசுந்தரப் புலவர் இதனை இயற்றினார்.
- தென்னிந்தியாவின் முதல் இசை மாநாட்டை நடத்தியவர் கருணாமிர்த சாகரம் எழுதிய தஞ்சை ஆபிரகாம் பண்டிதர் ஆவார்.
- வலை 2.0 எனும் சொல் வைய விரிவு வலையில் பரந்துள்ள இரண்டாந்தலைமுறை இணையச்சேவைகளை குறிக்க பயன்படுகிறது.
- பகீரா கிப்லிங்கி எனும் சிலந்தி வகை மட்டுமே தாவர உணவுண்ணும் சிலந்தியெனக் கண்டறியப்பட்டுள்ளது.
- இந்திய நடுவணரசின் தலைமையமைச்சராயிருந்த நேருவின் வருகையை ஒட்டியே பூட்டான் நாட்டுக்கு நாட்டுப்பண் ஒன்றுக்கான தேவை ஏற்பட்டது.
- அலெக்சாண்டர் கன்னிங்காம் இந்தியத் தொல்லியல் ஆய்வுகளின் தந்தை என அறியப்படுகிறார்.
- பிட்யின் என்பது பொது மொழியொன்றைக் கொண்டிராத இரண்டு அல்லது அதற்கு மேற்பட்ட குழுக்கள் தம்மிடையே தொடர்பு கொள்வதற்காக உருவாக்கப்படும் எளிமையான ஒரு மொழியைக் குறிக்கும்.
- கடுவேகக் கெடு பிரசவம் எனும் நிலையில் நிறைமாதமாய் இருக்கும் பெண் பிரசவமேற்படப் போவதை உணராமலேயே குழந்தை பெற வாய்ப்புண்டு.
- நேபாள நாட்டின் கொடி ஒன்று மட்டுமே உலக தேசியக் கொடிகளில் செவ்வக வடிவமாக இல்லாத கொடியாகும்.
- தாய்லாந்தில் மன்னர் முடிசூட்டலின் போது திருவெம்பாவை பாடப்படுகிறது.
- நெல் சாகுபடியில் அதிக மகசூல் பெற தற்போதுள்ள நடைமுறையைவிட செம்மை நெல் சாகுபடி முறையினை கையாளுவது அவசியம்.
- சாவகத்தீவம் தான் உலகின் மிகவும் மக்கள் அடர்த்தி கூடிய தீவாகும்.
- முதன் முதலில் மகாத்மா காந்தி பற்றி வரலாற்று ஆவணப் படம் எடுத்தவர் ஏ. கே. செட்டியார். தமிழ்ப் பயண இலக்கியத்தின் தந்தை என அழைக்கப்படுகிறார்.
- மேற்குத் தொடர்ச்சி மலைத் தொடர் கோண்டுவானா நிலப்பரப்பின் ஒரு பகுதி என புவியியல் வரலாறு கூறுகிறது.
- கறையான்கள் பூஞ்சைகளை வளர்ப்பதோடு மட்டுமின்றி அப் பூஞ்சைகளுக்குப் போட்டியாக வேறு தாவரங்கள் வளராமலும் பார்த்துக் கொள்ளும்.
- இப்போதைய மலையாள எழுத்துமுறையை வடிவமைத்தவர் துஞ்சத்து இராமானுசன் எழுத்தச்சன் (படம்) என்று கருதப்படுகிறது.
- ஐக்கிய நாடுகள் மனித உரிமைகள் ஆணையத்தின் நடப்புத் தலைவர் தென்னாப்பிரிக்காவைச் சேர்ந்த நவநீதம் பிள்ளை ஆவார்.
- நவகண்டம் என்பது தன் கழுத்தை தானே அறுத்து பலியிட்டுக் கொள்வது ஆகும்.
- சுசுமு ஓனோ பழங்கால ஜப்பானிய மற்றும் தமிழ் மொழி ஆகியவற்றை ஆராய்ந்து அவற்றிற்கிடையேயான ஒற்றுமைகளை வெளிக் கொணர்ந்தவர் ஆவார்.
- இந்தியாவில் மாநிலங்களவை ஒரு நிரந்தர அவையாகும். மக்களவையைப் போல் இது கலைக்கப்பட மாட்டாது.
- சென்னை மெரீனா கடற்கரையில் உள்ள கண்ணகி சிலை 1968ஆம் ஆண்டு இரண்டாம் உலகத் தமிழ் மாநாடு நடந்த வேளையில் நிறுவப்பட்டது.
- பொய்க் கர்ப்பம் என்பது கருவுறாத நிலையிலுள்ள ஒரு பெண் விலங்கு கருவுற்றிருப்பதற்கான மருத்துவ அறிகுறிகள் தோன்றுவதாகும்.
- ஹபிள் தொலை நோக்கி (படம்) பல பில்லியன் ஆண்டுகளுக்கு முன்னர் பிரபஞ்சத்தில் நடந்ததை நமக்குக் காட்டும் காலப் பொறியாகச் செயல்படுகிறது.
- புகழ் பெற்ற கருநாடக இசைப் பாடலான "குறையொன்றுமில்லை மறைமூர்த்தி கண்ணா!" வை எழுதியவர் மூதறிஞர் இராஜாஜி ஆவார்.
- சண்டிகர் நகரம் பஞ்சாப் மற்றும் அரியானா ஆகிய இரண்டு இந்திய மாநிலங்களுக்குமே தலைநகராக விளங்கினாலும் இது எந்த மாநிலத்தையும் சேர்ந்ததல்ல.
- காந்தியின் உருவம் பொறித்த அஞ்சல் தலையை முதன் முதலில் அமெரிக்க நாடு தான் வெளியிட்டது.
- 'தி ஜங்கிள் புக்' நூலின் ஆசிரியரான ருத்யார்டு கிப்ளிங்க் தனது புத்தகங்களின் பழைய பதிப்புகளின் அட்டையில் ஸ்வஸ்திகா சின்னத்தைப் பயன்படுத்தியிருந்தார்.
- வெள்ளைக் காண்டாமிருகம் என அறியப்படும் வெள்ளை மூக்குக்கொம்பன் உண்மையில் சாம்பல் நிறமுடையது.
- சங்க காலத்தில் விளைச்சலில் ஆறில் ஒரு பங்கு நிலவரியாக வசூலிக்கப்பட்டது.
.jpg)
- தமிழக அரசு 1970-ம் ஆண்டு அங்கீகரித்த தமிழ்த்தாய் வாழ்த்து பாடல் 1891ம் ஆண்டு பெ. சுந்தரம் பிள்ளையால் இயற்றப்பட்ட மனோன்மணீயம் எனற நாடகத்தில் இடம் பெற்ற தமிழ் தெய்வ வணக்கப் பாடல் ஆகும்.
- ரோம எண்ணுருவில் சுழியத்தை குறிக்கும் எண்ணுருக்கள் இல்லை; இடமதிப்பு சார்ந்த எண்முறையில் இல்லை.
- பைக்கால் ஏரி உலகின் மிக ஆழமான ஏரியாகும். உருசியாவின் தென் சைபீரியா மாகாணத்தில் அமையப்பெற்றுள்ள இந்த ஏரி பூமியினை சுற்றியுள்ள மொத்த நன்னீர் நிலைகளில் 20 சதவிகித நன்னீரினை தன்னகத்தே கொண்டுள்ளது.
- ஒரு கடதாசியை 7 முறைக்கு மேல் பாதிபாதியாக மடிக்கமுடியாது என்பதை அறிவீரா?, அது எவ்வளவு மெலிதாக இருந்தாலும் சரி எவ்வளவு பெரிதாக இருந்தாலும் சரி 7 முறைக்கு மேல் பாதிபாதியாக மடிக்க இயலாது.
- ஒவ்வொரு மனிதனின் நாக்கின் ரேகைக்கும் வேறுபாடு உண்டு.
- 1895 இல் திருகோணமலையைச் சேர்ந்த த. சரவணமுத்துப்பிள்ளை எழுதிய மோகனாங்கி என்பது தமிழில் எழுதப்பட்ட முதலாவது வரலாற்றுப் புதினம் ஆகும்.
- மதுரைத் தமிழ்ச் சங்கப் பண்டிதர் தேர்வில் பங்கேற்றுப் பட்டம் வென்ற முதல் இலங்கைத் தமிழர் யாழ் நூல் இயற்றிய சுவாமி விபுலாநந்தர் ஆவார்.
- 1862 ஆம் ஆண்டு ஆரம்பிக்கப்பட்ட சென்னை உயர்நீதிமன்றத்தில் 1870க்குப் பிறகே ஆங்கிலேயர்கள் தவிர்த்த இந்தியரும் வழக்கறிஞராக ஆக முடியும் என்ற நிலை ஏற்பட்டது.
- தழைச் சத்து, மணிச்சத்து, சாம்பல் சத்து என்பவை முறையே நைதரசன், பாசுபரசு மற்றும் பொட்டாசியம் ஆகியனவாம்.
- கடற்பாம்புகள் அனைத்துமே நச்சுத் தன்மை உடையவை.
- ஒரு பொருள் புவியின் ஈர்ப்பு விசையிலிருந்து விடுபட்டு விண்ணிற்குச் செல்லவேண்டுமென்றால் அதன் திசைவேகம் நொடிக்கு 11.2 கிலோ மீட்டருக்குக் குறையாமல் இருக்க வேண்டும்.
- பெனசீர் பூட்டோ, ஒரு முஸ்லீம் அரசை தலைமை தாங்கி நடத்தி செல்ல தேர்ந்தெடுக்கப்பட்ட முதல் பெண்மணி ஆவார்.
- மலேசியாவின் பட்டுவா குகையில் உள்ள முருகன் சிலை (படம்) தான் உலகிலேயே மிக உயரமான முருகன் சிலையாகும்.
- வழுதுணங்காய் என்பது கத்தரிக் காயின் பழந்தமிழ்ப் பெயராகும்.
- தெளிகுற்றம் இழைத்தோரை காவல்துறையினர் எவ்வித பிடி உத்தரவும் இன்றிக் கைது செய்யலாம்.
- பெங்களூருவில் உள்ள இந்திய அறிவியல் நிறுவனம் சுவாமி விவேகானந்தரின் ஆலோசனைப் படி ஜாம்ஷெட்ஜி டாடாவால் தொடங்கப்பட்டது.
- பசுமைப் புரட்சியின் தந்தை நார்மன் போர்லாக்கின் கண்டுபிடிப்புகள் 245 மில்லியன் மக்களைப் பசியின் பிடியிலிருந்து காப்பாற்றியுள்ளதாக மதிப்பிடப்படுகிறது.
- புனித அல்ஃபோன்சா (படம்) இந்தியாவின் முதல் பெண் புனிதர் ஆவார்.
- காந்தியடிகளுக்குத் தமிழில் கையொப்பமிடக் கற்றுத் தந்தவர் இரட்டைமலை சீனிவாசன் ஆவார்.
- பொதுவாக எல்லா நொதிகளும் புரதங்களே என்று பலகாலமாய் நம்பப்பட்டு வந்தது. பின்னரே ரிபோசைம் எனும் நியூக்ளிக் அமிலங்களும் நொதிகளாய்ச் செயல்படுவது கண்டறியப்பட்டது.
- இராவண காவியத்தை எழுதிய புலவர் குழந்தை ஈ. வெ. இராமசாமி நாயக்கரின் கட்டளையை சிரமேற்கொண்டு இருபத்தைந்தே நாட்களில் திருக்குறள் முழுமைக்கும் உரை எழுதினார்.
- எறும்பு தின்னிகளின் இரைப்பையில் செரிமானத்திற்குதவும் ஐதரோகுளோரிக் அமிலம் சுரக்கப்படுவதில்லை. அவை தங்களின் இரையான எறும்புகளின் உடலில் உள்ள ஃபார்மிக் அமிலத்தையே செரிமானத்திற்கு நம்பி உள்ளன.
- மொகலாயர்களின் வரலாற்றை உலகறியச் செய்த அக்பர் நாமாவின் ஆசிரியர் அபுல் ஃபசல் மொகலாய இளவரசன் ஜகாங்கீர் தீட்டிய சதியால் தலைவெட்டப்பட்டுக் கொல்லப்பட்டார்.
- அதிக குளிரால் மரணமடைவோரில் ஐந்தில் ஒருவர் முரண்பாடான உடையவிழ்ப்பு என்ற நிலை ஏற்பட்டு குளிரடிக்கும் போதும் தன் உடைகளைக் களைந்து கொள்வார்.
- இந்தியாவின் மலைத்தொடர்களில் மிகப்பழமையானது ஆரவல்லி மலைத்தொடர். இது ராஜஸ்தான், ஹரியானா, குசராத், பஞ்சாப், சிந்த் ஆகிய பகுதிகளின் ஊடே செல்கிறது.
- இந்தியாவில் இயக்கத்திலுள்ள ஒரே எரிமலை அந்தமான்-நிக்கோபர் தீவுகளுள் ஒன்றான பேரன் தீவிலுள்ள எரிமலையே.
- இந்தியாவின் தேசிய நெடுஞ்சாலைகளுள் மிகவும் நீளமானது NH 7. வாரணாசியிலிருந்து கன்னியாகுமரி வரையிலுள்ள இதன் மொத்த நீளம் 2369 கி.மீ.
- பரமார்த்த குரு கதைகள் நூலை எழுதிய வீரமா முனிவர் தான் தமிழின் முதல் அகரமுதலியான சதுரகராதியைத் தொகுத்தார். அதற்கு முன் நிகண்டுகள் எனப்படும் கவிதை வடிவிலான அகரமுதலிகளே இருந்தன.
- இந்தியா போன்ற வளரும் நாடுகளில் வளரும் ஒவ்வொரு குழந்தையும் தன் வாழ்நாளில் நிச்சயமாக ஒரு முறையேனும் ரோட்டா வைரசு வயிற்றுப் போக்கால் பாதிக்கப்படுகிறது.
- அஸ்கி தகுதரம் முதலியன 8 பிற்றில் இயங்குபவை. ஒருங்குறியோ 16 பிற்றில் இயங்குகிறது. எனவே தான் அது உலக மொழிகளுக்கெல்லாம் இடமளிக்கிறது.
- புவியின் மீது விழக் கூடிய பெரும்பாலான விண்கற்கள் மற்றும் சிறுகோள்கள் புவியை விட அதிக ஈா்ப்பு விசை உடைய வியாழன் மீது விழுந்து விடுகின்றன. எனவே தான் வியாழன் 'புவியின் பாதுகாவலன்” என அழைக்கப்படுகிறது
- நெப்பந்தஸ் எனப்படும் குடுவைத் தாவரம் ஓர் ஊனுண்ணித் தாவரம் ஆகும். ஊட்டச்சத்தற்ற சதுப்பு நிலத்தில் வாழும் இது பூச்சிகள் மூலமே நைதரசனைப் பெற முடிகிறது.
- கௌதம புத்தா் ஞானம் பெற்ற போது அமா்ந்ததாகக் கூறப்படும் போதி மரம் உண்மையில் ஓா் அரச மரமாகும்.
- கிரெசுக்கோகிராப் (crescograph) என்ற கருவி தாவரங்களின் வளர்ச்சியை அளக்க உதவுகிறது; இதைக் கண்டுபிடித்தவர் சகதீசு சந்திர போசு (படம்).
- “ஒளியிழையியலின் தந்தை” என்று பொதுவாக அழைக்கப்படுபவர் நாரிந்தர் கப்பானி.
- தமிழ்ச் சிற்பப்பாட்டு என்றழைக்கப்படும நூல் நெடுநல்வாடை. இதை இயற்றியவர் நக்கீரர். இது அகப்பொருள் பற்றி பேசினாலும் புறப்பொருள் வரிசையில் வைக்கப்பட்டுள்ளது.
- கரப்பான் பூச்சியின் இரத்தம் வெள்ளை நிறத்திலிருக்கும். காரணம் சிவப்பு நிறமி ஹீமோகுளோபின் இல்லை.
- கண்பார்வை இல்லாதவர்களுக்கும் கனவு வரும். பிறவியிலேயே பார்வையற்றவர்களுக்கு கருப்பு வெள்ளைக் கனவுகள் தான் வரும்.
- யூ எசு பி (படம்) எனப்படும் பல்தொடர் இணைப்பியைக் கண்டுபிடித்தவர் இன்டெல் நிறுவனத்தின் அஜய் பட்.
- உலகிலேயே மிக உயரமாக வளரக் கூடிய புல் மூங்கில் ஆகும்.
- இந்திய மொழிகளில் முதன்முதலாக அச்சில் ஏறிய மொழி தமிழ் மொழி ஆகும். அச்சடிக்கப்பட்ட நூல் விவிலியம்.
- கிரெசுக்கோகிராப் (crescograph) என்ற கருவி தாவரங்களின் வளர்ச்சியை அளக்க உதவுகிறது; இதைக் கண்டுபிடித்தவர் சகதீசு சந்திர போசு (படம்).
- “ஒளியிழையியலின் தந்தை” என்று பொதுவாக அழைக்கப்படுபவர் நாரிந்தர் கப்பானி.
- யூ எசு பி எனப்படும் பல்தொடர் இணைப்பியைக் கண்டுபிடித்தவர் இன்டெல் நிறுவனத்தின் அஜய் பட்.
- மாக்னசு காள்சன் (படம்) என்ற நார்வே நாட்டு சதுரங்க வீரர் மிகக்குறைந்த வயதிலேயே (19-வயது) உலக சதுரங்கக் கூட்டமைப்பு (பீடே) தரவரிசைப் பட்டியலில் முதலிடம் பிடித்தவர் என்ற பெருமையைப் பெறுகின்றார்; காரி காஸ்பரோவ், தன் 22-வது வயதில் முதலிடம் பெற்றார்.
- டாக்காவில் நடைபெற்ற 11-வது தெற்காசிய விளையாட்டுகள் - 2010இன் சின்னத்தில் (mascot) தீப்பந்தத்தை ஏந்திய வண்ணாத்திக்குருவி வைக்கப்பட்டிருந்தது.
- செருமனியின் வேந்தர் (அ) பிரதமர் ஏஞ்செலா மெர்க்கல் ; பெர்லின் சுவர் இடிக்கப்பட்டதன் பின்னர் செருமனியின் முதல் பெண் வேந்தர் இவரே.
- வளர்ந்த மனிதருக்கு எலும்புகளின் எண்ணிக்கை 206. ஆனால், பிறக்கும் போது 270 எலும்புகள் இருக்கும்; வளர வளர அவை ஒன்றிணைந்து 206 ஆக எண்ணம் மாறுகின்றது.
- உரூபாய் தாள்கள் செய்யப்படுவது மரக்கூழினால் அல்ல; மாறாக, பருத்தியினால் அவை ஆனவை. எனவே தான், காகிதத்தைப் போல தண்ணீரில் உரூபாய் தாள்கள் உருக்குலைந்து போவதில்லை.
- அதன் புறப்பரப்பினின்று தள்ளப்படும் சூரியக் காற்றினால் ஒவ்வொரு வினாடியும் ஏறக்குறைய ஒரு பில்லியன் கிலோ நிறையை இழக்கின்றது சூரியன்.
- இந்தியாவின் தேசிய மரம் ஆல் (ஆலமரம்); தேசியப் பழம் மாம்பழம் (படம்); விளையாட்டு - வளைகோற் பந்தாட்டம் (ஆக்கி); ஆறு - கங்கை; நாட்காட்டி - சக யுகத்தை அடிப்படையாகக் கொண்டது; நீர்வாழ் விலங்கு = ஆற்று பறளா(ஆற்று டால்பின்).
- ஐசுலாந்து எரிமலை எய்யாபியாட்லயாகுட்டின் எரிமலை வெடிப்புமை எண் (Volcanic Explosivity Index - VEI) (எவெஎ) நான்கு. இந்தோனேசியத் தீவொன்றில் இருக்கும் தம்போரா எரிமலை 1815- இல் வெடித்ததில் ஏறக்குறைய ஒரு இலட்சம் மக்கள் இறந்தனர்; தம்போராவின் எவெஎ (VEI) - ஏழாக இருந்தது.
- மனித வயிற்றில் செரிப்பிக்கும் காடிகள் (அமிலங்கள்) துத்தநாகத்தையே கரைக்கும் அளவிற்கு வீரியமானவை. வயிற்றுச்சவ்வில் உள்ள உயிரணுக்கள் மிக விரைந்து தம்மை புதுப்பித்துக் கொள்கின்றன; இதனால் வயிற்றில் சுரக்கும் காடிகளுக்கு உயிரணுக்களைக் கரைக்கும் அளவிற்கு காலநேரம் இருப்பதில்லை.
- தமிழ் நாடு சட்டப் பேரவைத் தொகுதிகள் மொத்தம் 234. ஆனால், அரசமைப்புச் சட்டப்பிரிவின் 333- ஆம் கூறுப்படி, ஆங்கிலோ-இந்திய உறுப்பினர் ஒருவர் நியமிக்கப்படுவதால் உறுப்பினர்களின் எண்ணிக்கை மொத்தம் 235.
- இலங்கையின் நிருவாகத் தலைநகராக ஸ்ரீ செயவர்த்தனபுரம் கோட்டை 1982-இலிருந்து இருந்து வருகிறது; வணிகத் தலைநகரான கொழும்பு அதற்கு முன்னர் இலங்கையின் தலைநகராக இருந்தது.
- அனிச்சைச் செயல்களைக் கட்டுப்படுத்தும் பகுதி மூளையிலுள்ள முகுளம் ஆகும்; இது முள்ளந்தண்டின் உச்சியில் உள்ளது.
- சர் ஜார்ஜ் எவரெஸ்ட் (படம்) என்ற வேல்சு நாட்டு நில அளவாளரின் நினைவாகவே எவரெஸ்ட் சிகரம் பெயரிடப்பட்டது.
- உலக மின்திறன் பயன்பாட்டில் 33 விழுக்காடும் எரிபொருள் பயன்பாட்டில் 29 விழுக்காடும் அமெரிக்காவின் தேவையாக உள்ளது.
- மியன்மாரின் தலைநகரம் நேப்யிடா; யங்கோன் அல்ல.
- ஜி. எஸ். எல். வி வரிசை ஏவு ஊர்திகளின் முன்னோடியான எஸ். எல். வி.-வகை விரிசுகளின் திட்டத்தலைவர் அப்துல் கலாம்.
- நிலவில் ஆடப்பட்ட ஒரே விளையாட்டு குழிப்பந்தாட்டம்; விண்வெளி வீரர் ஆலன் ஷெப்பர்டு 1971 இல் கோல்ஃப் பந்தை நிலவில் அடித்தார்.
- இந்தியாவில் முதலமைச்சர் அங்கீகாரத்தில் நான்கு தலைவர்களைக் கொண்டுள்ள மாநிலம் மேகாலயா.
- தமிழகத்தின் மரபுக்கலைகளான பொம்மலாட்டத்தையும் தோல் பாவைக்கூத்தையும் ( படம் ) நிகழ்த்தும் கலைஞர்கள் மிகவும் சொற்பமான அளவிலேயே உள்ளனர். அழிவை நோக்கியிருக்கும் இக்கலைகளைக் காக்கும் பொருட்டு பாவை என்ற அமைப்பு செயல்பட்டு வருகிறது.
- ஒரு-நாள் பன்னாட்டு கிரிக்கெட்டில் அதிக போட்டிகளில் விளையாடியவர் இலங்கையின் சனத் ஜெயசூரியா (444 போட்டிகள்); இதையடுத்துள்ளவர் சச்சின் டெண்டுல்கர் (442 போட்டிகள்).
- சுமார் 150 ஆண்டுகளுக்கு முன் அய்யா வைகுண்டர் ஏற்படுத்திய வழிபாட்டு இடங்கள் நிழல் தாங்கல்கள் என அழைக்கப்படுகின்றன. இவை மதப்புரட்சியை ஏற்படுத்தின.
- கடலின் ஆழத்தை அறிவதற்கு ஒரு வெடியை வெடித்து அது ஏற்படுத்தும் ஒலியைக் கடலின் அடிப்பாகத்திற்கு அனுப்பித் திரும்பப் பெறுகிறார்கள். ஒலி அலை ஊடுருவிச் சென்று வர எடுத்துக் கொண்ட நேரத்தைக் கணக்கிட்டு கடலின் ஆழத்தைக் கண்டுபிடிக்கிறார்கள். உப்பு நீரில் ஒலி ஒரு நொடிக்கு 1425 மீட்டர் செல்லும் என்பது இங்கே குறிப்பிடத்தக்கது.
- நிலநடுக்கத்தால் மாபெரும் பாதிப்பிற்குள்ளான ஹெய்ட்டி மக்களுக்கு உதவுவதற்காக வீ ஆர் த வோர்ல்ட் 25 ஃபார் ஹெய்ட்டி என்ற பாடல் இயற்றப்பட்டுள்ளது.
- ஒளி ஓர் ஆண்டில் செல்லும் தொலைவு ஒளியாண்டு எனப்படுகிறது. ஒரு நொடிக்கு ஒளியானது 186,000 மைல்கள் செல்கிறது.
- பூமி உண்மையில் உருண்டையல்ல. நிலநடுக்கோட்டின் வழியாக இதன் விட்டம் 12,756 கிமீ. ஆனால் வட, தென் துருவ வழியாக இதன் விட்டம் 12,713 கிமீ. பூமியின் எடை 5976 மில்லியன் மில்லியன் மில்லியன் மெட்ரிக் டன்.
- வவ்வால்கள் புறவொலி அலை களைத் தோற்றுவிக்கின்றன. இவ்வலைகள் தடைகளின் மீது பட்டு, வவ்வால்களுக்கேத் திரும்பி வருகின்றன. இதன் மூலம் வழி அறியும் வவ்வால்கள் இருளிலும் பறக்கின்றன.
- பெப்ரவரி 29 அன்று பிறந்தவர்களுக்காக நான்காண்டுகளுக்கு ஒருமுறை நியூமெக்சிகோவிலுள்ள "அந்தோணி” எனுமிடத்தில் மிகப்பெரிய விழா பெப்ரவரி 26 முதல் 29 ஆம் தேதி வரை நடத்தப்படுகிறது.
- கல்திட்டைகள் (படம்) எனப்படுவன பெருங்கற்காலப் பண்பாட்டைச் சேர்ந்த, இறந்தவர்களுக்கான நினைவுச் சின்னங்களில் ஒரு வகையாகும். தமிழகத்தைச் சேர்ந்த கே. டி. காந்திராசன் கல்திட்டைகளில் வரையப்படும் பாறை ஓவியங்களைப் பற்றி ஆய்வு நடத்தி வருகின்றார்.
- ஒருநாள் பன்னாட்டுத் துடுப்பாட்டத்தில் இரட்டைச்சதம் அடித்த பெண் ஆஸ்திரேலியாவின் பெலிண்டா கிளார்க். இவர் டென்மார்க் பெண்கள் அணியை எதிர்த்து ஆடி 226 ஓட்டங்கள் எடுத்து ஆட்டமிழக்காது இருந்தார்.
- 1896, ஏப்ரல் 23 இல் நியூயார்க் நகரில் உள்ள புகழ் பெற்ற கோஸ்டர் அண்ட் பயால்ஸ் மண்டபத்தில் "இரண்டு அழகிகள் குடை நாட்டியம் ஆடுவது" போன்ற காட்சி காண்பிக்கப்பட்டது. இதுதான் வைட்டாஸ்கோப் என்ற ஆரம்பகால திரைப்படம் காட்டும் கருவி மூலம் திரையில் காண்பிக்கப்பட்ட முதல் காட்சி ஆகும்.
- துருக்கி யைச் சேர்ந்த ஒரு கிராமம் கஸ்கோய். இங்கு வசிப்பவர்கள் சீழ்க்கை அடிப்பதன் மூலம் ஒருவருக்கொருவர் விடயங்களைப் பரிமாறிக் கொள்கிறார்கள். இங்கு பல நூற்றாண்டுகளாக சீழ்க்கை மொழி வழக்கத்தில் இருக்கிறதாம்.
- தனித்தனியே எடைபோடப்பட்ட ஒரு டன் மரத்தையும் ஒரு டன் இரும்பையும் தராசின் இரு தட்டுகளில் வைத்து எடை போட்டால் மரத்தின் எடை இரும்பின் எடையை விட சற்று கூடுதலாக இருக்கும். இதை ஆர்க்கிமிடிசு தத்துவத்தின் அடிப்படையில் விளக்க முடியும்.
- சூரியவொளி யில் உள்ள ஊதா, நீல நிறங்கள், அலைநீளம் அதிகமுடைய செந்நிறத்தைக் காட்டிலும் அதிகமாகச் சிதறுகின்றன. இவை வளிமண்டலத்தில் உள்ள காற்று, நீர், தூசு ஆகியவற்றினால் சிதறடிக்கப்பட்டு, வான்வெளி முழுவதும் பரவுகின்றன. ஊதாவை விட நீல நிறம் நம் கண்களுக்கு மிகவும் எளிதில் தெரிவதால், வானமே நீலமாய்த் தோன்றுகிறது.
- உலகில் மிகப் பெரிய மியூசிக்கல் சேர் போட்டி 1985-ம் ஆண்டு செப்டம்பர் 6-ம் தேதி அமெரிக்காவில் உள்ள இன்டியானா நகரில் நடந்தது. 5,151 பேர் கலந்து கொண்ட இந்தப் போட்டியில் பில்பிரான்சன் என்பவர் வெற்றி பெற்றார்.
- ஆங்கிலத்தில் ஒன்றிலிருந்து நூறு வரை எழுத்தால் எழுதும் போது "A" எனும் எழுத்து கிடையாது.
_in_AP_W_IMG_3918.jpg)
- சங்க இலக்கியங்களில் காதலுக்கு உவமையாகக் கூறப்படும் அன்றில், glossy ibis (Plegadis falcinellus) என்ற பறவையே; பனங்கிளி என்றும் அரிவாள் மூக்கன் என்றும் அறியப்படுவது இப்பறவையே.
- தமிழ் செம்மொழியென 1902 இலேயே திட்டமாக உரைத்திட்ட பரிதிமாற்கலைஞர் முப்பத்திமூன்று ஆண்டுகள் மட்டுமே வாழ்ந்தார்.
- சென்னையிலுள்ள ஹிக்கின்பாதம்ஸ் புத்தக நிலையமே இந்தியாவின் மிகப்பழமையான புத்தக நிலையமாகும்; இது 1844 இல் ஏபெல் யோசுவா இக்கின்பாதம்சு என்ற ஆங்கிலேயரால் நிறுவப்பட்டது.
- ஆப்பிரிக்காவில் "தஜீரா" எனும் ஆறு தலைகீழாக ஓடுகிறது. அதாவது அந்த ஆறு கடலில் உற்பத்தியாகி ஒரு ஏரியில் சங்கமமாகிறது.
- சுவர்க்கடிகாரத்தின் டிக்...டிக் ஒலியைக்கூட 40 அடி தூரத்திலிருந்து ஒரு நாயால் கேட்க முடியும். மனிதனால் அது முடியாது. கேட்கும் சக்தியை மனிதனை விட நாய் 100 மடங்கு அதிகம் பெற்றிருக்கிறது.
- அனைத்துலக பல்லுயிர்ம ஆண்டாக 2010 ஆம் ஆண்டை ஐ.நா. அறிவித்துள்ளது;
பகுத்துண்டு பல்லுயிர் ஓம்புதல் நூலோர் / தொகுத்தவற்றுள் எல்லாந் தலை -- குறள். 322 - 1842 ஆம் ஆண்டு சென்னையில் நிறுவப்பட்ட பச்சையப்பன் கல்லூரியில் 1947ஆம் ஆண்டு வரை இந்துக்கள் மட்டுமே சேர்க்கப்பட்டனர்.
- லியனார்டோ டா வின்சி ஒரு கையால் எழுதிக்கொண்டே இன்னொரு கையால் வரையும் திறன் கொண்டிருந்தாராம்.
- ஒரு மின்னல் கீற்று வளிமண்டலத்தை 50,000 டிகிரி பாரன்ஹைட் வரையில் சூடேற்றுகிறது.
- முதல் சிப்கோ இயக்கம் (1974)கார்வாலில் நடைபெறவில்லை; 1730 -ஆம் ஆண்டில் ஜோத்பூர் மாவட்டத்தின் கேஜார்லி என்ற கிராமத்தைச் சேர்ந்த 363 பிஷ்னோய் இன மக்கள் அவர்களின் புனித மரமான கேஜ்ரியைக் (வன்னி மரம்) கட்டியணைத்தவாறு உயிர் துறந்தனர்.
- காவலூரிலுள்ள வைணு பாப்பு வானாய்வகத்தில் அமைக்கப்பட்டுள்ள 45 செ.மீ சிமிட் தொலைநோக்கியின் உதவியுடன் 1988 பெப்ருவரி 17 அன்று ஒரு சிறிய கோள் (minor planet) ராஜமோகன் என்பவரால் கண்டுபிடிக்கப்பட்டது -- இந்தியா கண்டுபிடித்த முதல் (சிறிய) கோள் அதுவே -- அதற்கு 4130 ராமானுஜன் என்று பெயரிடப்பட்டுள்ளது.
- தமிழ்நாட்டின் மாநில மலர் காந்தள் (Glory lily), மரம் பனை, பறவை மரகதப்புறா.
- அமெரிக்க ஐக்கிய நாடுகளின் நிலவியல் அளவீட்டு அமைப்பின் ஆய்வுகளின் படி ஆண்டொன்றுக்கு ஏறக்குறைய 60 குறிப்பிடத்தக்க நிலநடுக்கங்களும் 19 முக்கிய பெரிய நிலநடுக்கங்களும் ஏற்படுகின்றன. [1]
- சிலேபி என்று பொதுவாக அழைக்கப்படும் திலாப்பியா வகை மீன் ஆப்பிரிக்காவிலிருந்து தான் பிற நாடுகளுக்கு கொண்டு செல்லப்பட்டது.
- லூதியானாவில் தான் இந்தியாவிலேயே அதிகளவில் மெர்செடிஸ் மகிழுந்து வைத்திருப்பவர்கள் உள்ளனர்.[2]
- உலகின் விருப்பமான பழம் தக்காளி. தக்காளி 60 மில்லியன் டன் உற்பத்தியாகிறது; இது அடுத்த இடத்தில் உள்ள வாழைப்பழத்தை விட 16 மில்லியன் டன் அதிகம். [3]
- சங்கிலியன் அல்லது சங்கிலி என்பவன் 1519 தொடக்கம் 1560கள் வரை யாழ்ப்பாண அரசை ஆண்ட அரசன் ஆவான்.
- 50 மில்லியன் மக்களுக்கு மேல் பேசும் ஆப்பிரிக்க மொழியான சுவாகிலி மொழியே ஆப்பிரிக்காவில் அதிகம் பேசப்படும் ஆபிரிக்க மொழியாகும். ஆபிரிக்க ஒன்றியத்தின் ஐந்து அதிகாரபூர்வ மொழியாகளில் உள்ள ஒரே ஒர் ஆப்பிரிக்க மொழி சுவாகிலி ஆகும்.
- செயல்வழிப் படம் என்பது ஒரு செயலாக்கத்தை அல்லது படிமுறைத்தீர்வை விபரித்து வெளிப்படுத்த பயன்படும் ஒரு வரைபடம் ஆகும்.
- மொத்த இசைத் தொழிற்துறை 30-40 பில்லியன் (2004) பெறுமதி வாய்ந்தது.
- மலேசிய மக்கள், மாங்காய்த் தோப்பு போன்ற ராக் பாடல்களுக்காக அறியப்படும் காசுமீர் இசுரோன் ஒரு மலேசியத் தமிழ் ராக் இசைக் குழு ஆகும்.
- விண்வெளிக் குடியிருப்பு என்பது புவிக்கு வெளியில் அமையக்கூடிய தன்னிறைவான மனிதர் வாழிடங்களைக் குறிக்கிறது.
- பரிவு மசக்கை என்பது ஒரு கருவுற்ற பெண்ணின் நெருங்கிய ஆண் துணைவருக்கு மசக்கை போன்ற அறிகுறிகள் தென்படும் பரிவு விளைவு ஆகும்.
- அறிவொளிக் கால பிரான்சிய சமூக சிந்தனையாளர் மொன்ரிசுகியூ அவர்களால் எடுத்துரைக்கப்பட்ட அதிகாரங்களைப் பிரித்துவைத்தல் ஏற்பாடு இன்று ஐக்கிய அமெரிக்கா, கனடா, இந்தியா உட்பட அனேக மக்களாட்சி அரசுகளின் ஒரு முக்கிய அம்சமாக உள்ளது.
- தர அமுக்கத்தில் நீரின் உருகுநிலை 0° செல்சியசு, கொதிநிலை 100° செல்சியசு ஆகும்.
- சங்கத் தமிழ் பெண் புலவர் ஒக்கூர் மாசாத்தியார் பாடிய பாடல்கள் பாடல்கள் அகநானூற்றில் இரண்டும் (314, 384), குறுந்தொகையில் ஐந்தும் (126, 139, 186, 220, 275) புறநானூற்றில் ஒன்றுமாக (279) இடம் பெற்றுள்ளன.