விக்கிப்பீடியா:உங்களுக்குத் தெரியுமா/2015
இதை தொகுப்பவர்கள் [[சனவரி 2]], [[2013]] என்று தருவதற்கு பதிலாக [[விக்கிப்பீடியா:உங்களுக்குத் தெரியுமா/சனவரி 2, 2013|ஜனவரி 2, 2013]] என்று தாருங்கள். அடுத்து வரும் குறுந்தட்டு திட்டங்களுக்கு இது உதவும்.
ஒரு மாதம் முடிந்தவுடன் முடிந்த மாதத்திற்கான தகவல்கள் இங்கு சேர்க்கப்படும்
2015
தொகு
- சுடோமு யாமகுச்சி என்பவர் இரண்டாம் உலகப் போரின் போது இரோஷிமா மற்றும் நாகசாகி அணுகுண்டு வீச்சுகளில் இருந்து உயிர் பிழைத்த ஒரே மனிதர் ஆவார்.
- பெல்மேஷ் முகங்கள் என்பது வீட்டின் சுவரிலும் தரையிலும் மனித முகங்கள் தானாகவே தோன்றி தானாகவே மறையும் என்று சிலரால் நம்பப்படும் நிகழ்வு ஸ்பெயின் நாட்டில் பெல்மேஷ் என்ற கிராமத்தில் நடந்துள்ளது. (படம்)
- தடமறியும் கழுத்துப் பட்டை (Tracking collar) விலங்குகளின் நடமாட்டத்தைக் கண்காணிக்க ஆராய்ச்சி நோக்கங்களுக்காகப் பயன்படுத்தப்படுகிறது.
- ஒரு எண்ணின் மடக்கையின் அடிமானம் e ஆக இருக்கும்போது அந்த மடக்கை இயல் மடக்கை எனப்படுகிறது.
- அடைப்பான் வேகம் என்பது ஒளிப்படம் எடுக்கும்போது ஒளிப்படக்கருவியின் அடைப்பான் திறக்கும் கால அளவாகும்.
- நோய் விளைவிக்கின்ற நுண்ணுயிரிகளைக் கொண்ட உணவுகளை உண்பதால் குடலழற்சி நிகழ்கிறது.
- ரோஜா முத்தையா சேர்த்து வைத்த பல்லாயிரக்கணக்கான நூல்களையும் படங்களையும் கருவாகக் கொண்டு, படங்களும் ரோஜா முத்தையா ஆராய்ச்சி நூலகம் உருவாக்கப்பட்டது.
- பண்டங்களின் ஒவ்வொரு பரிமாற்றத்தின் போதும் கூடுகின்ற மதிப்பின் அடிப்படையில் மதிப்புக் கூட்டு வரி விதிக்கப்படுகின்றது.
- கின்னஸ் உலக சாதனைகள் உலகிலுள்ள பெரிய குழல் விட்டம் உடைய பீரங்கியாக சார் பீரங்கி (படம்) என்ற பீரங்கியைப் பதிவு செய்துள்ளது.
- வானியலில், நிலை அலைவுகள் (படம்) சுற்றிவரும் வான்பொருட்களுக்கிடையே ஒன்றிலிருந்து மற்றதைக் காணும்போது உணரப்படுகின்ற ஊசலாடும் நகர்வினைக் குறிக்கின்றது.
- திருவழிபாட்டு ஆண்டு என்பது ஓராண்டுக் காலச் சுழற்சியில் கிறித்தவ வழிபாடுகள் நிகழ்கின்ற முக்கிய நாள்கள், விழாக்கள், திருப்பலி உடை நிறம் மற்றும் வாசகக் குறிப்புகள் அடங்கிய அட்டவணை ஆகும்.
- முப்பிரிவுகள் விதி என்பது, ஓவியம், ஒளிப்படம் ஆகியவற்றை உருவாக்குவதில், கூட்டமைவு தொடர்பான ஒரு வழிகாட்டல் ஆகும்.
- மண்புழுக்கள் ஆண், பெண் பால் உறுப்புகள் இரண்டையும் ஒரே உடலில் கொண்டிருக்கும் இருபாலுயிரி விலங்குகளாகும்.
- கிராவ் மகா என்பது இசுரேலில் வளர்ந்த ஒரு போட்டியற்ற, தேர்ந்தெடுக்கப்பட்ட ஓர் தற்பாதுகாப்புக் கலை ஆகும்.
- ஜி. சுப்பிரமணிய அய்யரை ஆசிரியராகக் கொண்டு வெளிவந்த சுதேசமித்திரன் எனும் தமிழ் நாளிதழே தென்னிந்திய மொழிகளில் வெளியான முதல் நாளிதழ் ஆகும்.
- பவழமல்லி மலர் பண்டைய தமிழ் இலக்கியங்களில் சேடல், பாரிஜாதம் (மலர்), மற்றும் பாரம் என அழைக்கப்பட்டது.
- அலை-துகள் இருமை என்பது பொருட்கள் அவற்றின் இயற்பியல் தன்மையில் அலை போன்ற தன்மையும் , துகள் போன்ற தன்மையும் கொண்டிருப்பன என்ற கருத்துரு ஆகும்.
- பகாய் சமயம் என்பது 19 ஆம் நூற்றாண்டில் பாரசீகப் பேரரசில் மனிதகுலத்தின் ஆன்மீக ஒற்றுமையை முன்னிறுத்தி பகாவுல்லாவால் தொடங்கப்பட்ட ஒரு சமயமாகும்.
.jpg)
- பழுப்பு மலை அணில் இலங்கை, தமிழ்நாடு மற்றும் கேரளாவில் காணப்படும் ஒரு மிகப்பெரிய மர அணில் வகையாகும்.
- நேரு அறிக்கை என்பது பிரித்தானிய இந்தியாவில் இந்தியர்கள் எத்தகைய அரசியல் சீர்திருத்தங்களை விரும்புகிறார்கள் என்பதை காலனிய அரசுக்கு எடுத்துக்கூற 1929 ஆம் ஆண்டில் இந்திய விடுதலை இயக்கத்தினரால் வெளியிடப்பட்ட ஓர் அறிக்கை ஆகும்.
- பழநியின் பெருங்கல் சவுக்கை என்பது பழநியில் வாழ்ந்த பெருங்கற்கால மக்கள் பயன்படுத்திய காலக்கணிப்பு கட்டமைப்பாகும்.
- நால்வரி எலி எனப்படுவது அணில்களைப் போன்று முதுகில் கறுப்பும் வெள்ளையுமான வரிகள் கொண்ட எலிகளாகும்.
- பெரியபுராணம், திருவிளையாடல் புராணம் மற்றும் கந்த புராணம் ஆகியன முக்கண் புராணங்கள் எனப்படும்.
- இஸ்லாமிய எழுத்துத்தணிக் கலையானது, இஸ்லாத்தில் உயர்ந்த சித்திரக் கலையாக கொள்ளப்படுகின்றது
_-_Flickr_-_Lip_Kee.jpg)
- உலகின் மிகவும் அதிகமாக காணப்படும் பறவை இனம், செவ்வலகு ஆப்பிரிக்கத் தூக்கணாங்குருவி ஆகும்.
- சசிவர்ண போதம் என்பது மோகவதைப் பரணி என்னும் பரணி நூலில் ஒரு பகுதி. இது சூத சங்கிதையை தழுவி தமிழில் எழுதப்பட்டது.
- கடுங்குளிர் ஏவூர்தி இயந்திரம் (Cryogenic rocket engine) எனும் செயற்கைக் கோள்களை விண்ணில் செலுத்தும் ஏவூர்தியில் கடுங்குளிரில் உள்ள ஆக்ஸிஜன் மற்றும் ஹைட்ரஜன் வளிமங்கள் எரிபொருளாகப் பயன்படுகின்றன.
- புவியின் நிலநடுக்கோட்டுத் தளத்தில் அமையப் பெற்றிருக்கும் புவியிணக்கச் சுற்றுப்பாதை, புவிநிலைச் சுற்றுப்பாதை எனப்படும்.
- தொல்பாணியியம் (Primitivism) என்பது, மேல் நாட்டினர் அல்லாத வரலாற்றுக்கு முந்தியகால மக்களின் வடிவங்களைத் தமது ஓவியப் படைப்புக்களில் பயன்படுத்திய ஒரு மேல் நாட்டுக் கலை இயக்கம் ஆகும்.
- ஆத்தங்குடி தரைக் கற்கள், கோடையில் குளிர்ச்சியையும், குளிர்காலத்தில் சிறிது கதகதப்பையும் அளிக்கும் கிரானைட் கற்களாலான பூவேலை நிறைந்த தரைக்கற்களாகும்.
- கேழல்மூக்கன், எனும் மேற்குத் தொடர்ச்சி மலைகளில் மட்டும் காணப்படும் ஒருவகைத் தவளையினம் ஒரு அகணிய உயிரி ஆகும்.
- கொல்லிப்பாவை என்பது சங்ககால மக்களால் எட்டுக்கை அம்மன் எனவும், எட்டுக்கைக் காளி எனவும் அழைக்கப்பட்ட ஒரு தெய்வம் ஆகும்.
- மாரினர் 10 1973 இல் நாசாவால் விண்ணில் ஏவப்பட்டதும் புதனை முதன்முதலில் நெருங்கியதுமான ஒரு தானியங்கி விண்வெளி ஆய்வு செயற்கைகோள்.
- இயேசுப் பல்லி என்னும் பல்லி இனம் நீரில் நடக்கும் திறனுடைய பல்லி இனம் ஆகும்.
- தன்பால் ஈர்ப்பாளர்கள் , எதிர்பால் ஈர்ப்பாளர்களுக்கு இடையே மனிதரிடையே மாறுபடும் பாலியல் நாட்டத் தன்மையை விளக்கும் அளவுகோல் கின்சி அளவுகோல் எனப்படுகின்றது.
- பன்னிரண்டாம் நூற்றாண்டில் அடியார்க்கு நல்லார் வெளியிட்ட அட்டாங்கயோகம் எனும் நூல் அட்டாங்க யோகத்தைத் தமிழ்ப் பெயர்களால் குறிப்பிட்டு விளக்குகிறது.
- துளசி மாடக் கோலம் எனப்படுவது 7 x 7 நேர்ப்புள்ளி வலையமைப்பில் இடப்பட்ட புள்ளிகளைச் சுற்றிச்செல்லும் வளை கோடுகளைப் பயன்படுத்தி வரையப்பட்ட ஒரேமாதிரியான ஆறு கூறுகளை இணைத்துப் பெறப்படும் ஒரு கோலமாகும்.
- ஆசியாவின் மிகப் பெரிய நூலகமான சீனாவின் தேசிய நூலகம் சுமார் 31.1 மில்லியன் ஆக்கங்களைக் கொண்டுள்ளது.
- ஈஜிப்டோசோரஸ் என்பது, சுமார் 95 மில்லியன் ஆண்டுகளுக்கு முந்திய நடு மற்றும் பிந்திய கிரீத்தேசியக் காலத்தில் ஆபிரிக்காவில் வாழ்ந்ததாகக் கருதப்படும் ஒரு தொன்மாப் பேரினம்.
- கரியால், இந்தியாவில் காணப்படுகின்றதும் ஜீராசிக் காலந்தொட்டு பன்னெடுங்காலமாய் இப்புவியில் வாழ்ந்து வருகின்றதுமான மிகவும் அருகிவருகின்ற ஒரு முதலை இனம் ஆகும்.
- கணிதத்தில் மையப்படுத்தப்பட்ட கனசதுர எண் ஆல் கணிக்கப்படும்.
- புதுப்பிக்கப்படும் திருவாரூர் தியாகராஜர் கோயிலுக்குரிய தேரான ஆழித்தேர் அலங்காரங்கள் இன்றியே 300 தொன் எடை கொண்டமையும்.
- இயற்கையாகவே பாலம் போல் அமைந்த பாறைககள் சிலா தோரணம் (படம்)எனப்படும்.
- மெர்ஸ் நோய், புதிதாகக் கண்டறியப்பட்ட ஒருவகை கொனோராவகைத் தீநுண்மங்களால் ஏற்படுத்தப்படும் சுவாசத் தொற்று நோயாகும்.
- பெண்ணைநதிப் புராணம் என்பது 19ஆம் நூற்றாண்டில் வெளிவந்த சுவாமிமலை கனகசபை ஐயரால் செவிவழிச் செய்திகளை கொண்டு பாடப்பட்ட நூல் ஆகும்.
- மொரோக்கோவில் கண்டுபிடிக்கப்பட்ட ஒரு தொல்பொருளான தான்-தானின் வீனசு இதுவரை கண்டறியப்பட்டவற்றுள் காலத்தால் முந்திய மனித உருவங்களுள் ஒன்றாகக் கருதப்படுகின்றது.
- திருத்தந்தையின் தவறா வரம் எனப்படுவது இவ்வுலகில் இயேசு கிறிஸ்துவின் பிரதிநிதி என்ற வகையில், விசுவாசம் மற்றும் ஒழுக்கம் சார்ந்த போதனைகளை மக்களுக்கு வழங்குவதில் திருத்தந்தை சரியானவற்றை மட்டுமே கற்பிக்க கடவுள் வழி செய்வார் என்ற கத்தோலிக்கரின் விசுவாசக் கோட்பாடு ஆகும்.
- காவிரி ஆற்றின் துணை ஆறுகளில் ஒன்றான ஹாரங்கி ஆறு சங்ககாலத்தில் அயிரி ஆறு என்ற பெயரால் வழங்கப்பட்டது.
- செப்பெலின் தொடுப்பு (Zeppelin bend) என்பது இரு கயிறுகளைத் தொடுப்பதற்கான பாதுகாப்பானதும், இலகுவாகப் போடத்தக்கதும், சிக்கு ஆகாததுமான ஒரு தொடுப்பு முடிச்சு ஆகும்.
- கலிப்பாவின் நான்காவது உறுப்பான அம்போதரங்கம் நீரலை போல குறைந்து செல்லும் சீரடிகளால் அமையும்.
- உயிரகச்செதுக்கு (Biopsy) என்பது நோயை ஆய்வுறுதி செய்வதில் பயன்படும் ஓர் உயிரினத்தின் உடலில் இருந்து பெறப்பட்ட உயிரணுக்கள், அல்லது இழையங்களை ஆய்வுசெய்யும் மருத்துவ சோதனை அல்லது அப்படியான மருத்துவ சோதனையில் பெறப்படும் மாதிரி ஆகும்.
- புவியை ஒரு தடவையும், வெள்ளியை இரு தடவைகளும், புதனை மூன்று தடவைகளும் வெற்றிகரமாக அணுகிய மெசஞ்சர் விண்கலம் (படம்) தனது திட்டப்பணிகளை 2015 ஏப்ரல் 30 இல் நிறைவுசெய்தது.
- முதலாம் இராசேந்திர சோழனின் தென்-கிழக்கு ஆசியா மீதான படையெடுப்பு, முதலாம் இராசேந்திர சோழன் சிறீவிஜய பேரரசை அடிபணியச் செய்வதற்காக தென்கிழக்கு ஆசியா, மலாய தீபகற்பம், இந்தோனேசியா ஆகிய இடங்களுக்கு 1025இல் மேற்கொண்ட படையெடுப்பாகும்.
- ஈவா துயர்த்தே கோப்பை என்பது எசுப்பானிய அரச கால்பந்துக் கூட்டமைப்பினால் லா லீகா வெற்றியாளருக்கும் கோபா டெல் ரே வெற்றியாளருக்கும் இடையே நடத்தப்பட்ட கால்பந்துப் போட்டியாகும்.
.jpg)
வடா பாவ்
- வடா பாவ் (படம்) என்பது மகாராட்டிரம் மற்றும் குசராத் பகுதிகளில் மிகவும் பரவலான காணப்படும் ஒரு சைவ உணவாகும்.
- நீச்சல் பந்தாட்டம் எனும் திளைப்பு விளையாட்டு சங்ககாலத்தில் பூநீர் பெய் வட்டம் எனும் பந்து மூலம் ஆடப்பட்டது.
- சூரிய வெப்பத்தைத் தக்கவைத்துக் கொள்ள வளிமண்டலம் இல்லாதமையால் புதனில் கோள்பரப்பு மற்றெந்தக் கோள்களையும் விடவும் பெரும் வெப்பநிலை மாற்றங்களைக் காண்கின்றது.
ஏரி அரண்மனை
- ஏரி அரண்மனை (Lake Palace) என்பது இந்தியாவின் உதய்ப்பூரில் உள்ள பிசோலா ஏரியின் உள்ளே நான்கு ஏக்கரில் அமைந்துள்ள 83 அறைகளைக் கொண்ட ஆடம்பர ஓட்டலாகும்.
- சிவஞானபோத வகுடீகை என்னும் நூல் 14 ஆம் நூற்றாண்டில் சிற்றம்பல நாடிகள் என்னும் சித்தாந்தப் புலவரால் இயற்றப்பட்டது.
- முதலாம் அபின் போர் என்பது சீனாவுக்குள் பலவந்தமாக அபின் எனும் போதைப்பொருள் வணிகச் சந்தையைத் திறப்பதற்கு பிரித்தானியா சீனாவிற்கு எதிராகத் தொடுத்தப் போராகும்.
அலெஸ்ட்டீடீ மீன்
- அலெஸ்ட்டீடீ என்பது ஆப்பிரிக்காவில் மட்டும் காணப்படும் ஒரு மீன் குடும்பம் ஆகும்.
- இலங்கையில் காலத்தால் முந்தியதெனக் கருதப்படும் மனித வர்க்கமான பலாங்கொடை மனிதன் பெலிலென குகையில் வாழ்ந்ததாகக் கருதப்படுகின்றது.
- சர் ஜான் ஜார்ஜ் வுட்ரோஃப் மேற்குலகில் இந்து மதத்தை பற்றியும் யோகக் கலை பற்றியும் ஒரு பெரும் அலையை ஏற்படுத்திய ஒரு பிரித்தானிய கீழ்த்திசைவாதி ஆவார்.
பள்ளிக்கரணை சதுப்புநிலம்
- பள்ளிக்கரணை சதுப்புநிலம் சென்னையில் உள்ள ஒரே சதுப்புநிலம் ஆகும்.
- சோவனிக கலாசாரம் என்பது சுமார் 5,00,000 -1,25,000 காலப்பகுதியில் இந்தியத் துணைக்கண்டத்தின் சிவாலிக் பகுதியில் இருந்ததாக நம்பப்படும் ஒரு கீழைப் பழங்கற்கால கலாசாரமாகும்.
- எரிபொருள் மின்கலங்கள் எரிபொருளில் இருக்கும் வேதி ஆற்றலை ஆக்சிசனுடனோ வேறேதேனும் ஆக்சிசனேற்றக் காரணியுடனோ வேதிவினை புரியவைத்து மின்னாற்றலாக மாற்றுகின்றன.
பெரிய ஓக்
- பெரிய ஓக்குகள் ஒரு வருடத்தில் ஒரு முட்டையை மாத்திரமே இடுகின்றன.
- மேனாட்டு மருத்துவக்கலையைத் தமிழில் வளர்த்த சாமுவேல் பிஸ்க் கிறீன் அறிவியல் தமிழின் தந்தையாக கணிக்கப்படுகிறார்.
- அபூபக்கர், உமர், உதுமான் மற்றும் அலி ஆகிய இந்த நால்வரும் ராசிதீன் கலீபாக்கள் என அழைக்கப்படுகின்றனர்.
அசைவுப் பார்வையின்மை
- அசைவுப் பார்வையின்மை (Akinetopsia; motion blindness) என்பது அசைவை நோக்க இயலாது கட்டம் கட்டமாக சிறிய நேர இடைவெளிக்குள் படிமங்களை நோக்குவது போன்று காணும் நரம்பிய உளவியற் குறைபாடு ஆகும்.
- தாத்தா முரணிலை (Grandfather Paradox) என்பது, ஒரு காலப் பயணி காலத்தில் பின்னோக்கி சென்று அவருடைய தாத்தாவின் திருமணத்திற்கு முன்பாகவே தாத்தாவைக் கொலைசெய்ய முயற்சித்தல் என்ற அனுமான சூழ்நிலையாகும்.
- திருவல்லிக்கேணி திருமுருகன் ஆலயம் முருகனின் எட்டாம்படை வீடு எனப்படுகின்றது.
இராமநாதபுரம் அரண்மனை
- இராமநாதபுரம் அரண்மனை என்பது இந்தியாவின் தமிழ் நாட்டில் இராமநாதபுரம் நகரில் அமைந்துள்ள17ஆம் நூற்றாண்டைச் சேர்ந்த சேதுபதிகள் ஆண்ட அரண்மனை ஆகும்.
- உஷூ என்பது மரபார்ந்த சீனச் சண்டைக் கலைகளை அடிப்படையாகக் கொண்ட ஒருவரோடொருவர் மோதும் உடல் திறன் விளையாட்டு ஆகும்.
- எரோஸ் (Eros) என்பவர் கிரேக்கத் தொன்மவியலில் காணப்படும் விருப்பம் அல்லது ஆசைக்குரிய கடவுள் ஆவார்.
தார் பாலைவனம்
- தார் பாலைவனம் இந்தியாவின் மிகப்பெரிய பாலைவனம் ஆகும்.
- சிவபெருமானால் தோற்றுவிக்கப்பட்ட பஞ்ச பசுக்களில் ஒன்றான சுமனையின் சாணத்திலிருந்து தயாரிக்கப்படும் திருநீறு ரட்சை என்று அழைக்கப்பெறுகிறது.
- களவுக்காய் என்பது சங்ககாலத்தில் களாக்காய் எனும் ஒருவகைக் காயைப் பயன்படுத்தி மகளிர் விளையாடிய ஒரு விளையாட்டுகளில் ஒன்று.
குவாட்றன்டிட் எரிகற் பொழிவு
- ஒவ்வொரு ஆண்டும் சனவரி மாதத்தில் நிகழும் குவாட்றன்டிட் எரிகற் பொழிவின் மூலம் 2003 EH1 என்றழைக்கப்படும் சீர் பருவ எரி விண்மீன் ஆகும்.
- மங்கா எனப்படுவது சப்பானிய யுகியோ-ஈ பாணிக்கும் மேற்கத்தையப் பாணிக்குமான ஒரு கலப்பு வரைகதை வடிவமாகும்.
- கன்னிப்பிறப்பு பல தாவரங்களிலும் முதுகெலும்பிலிகளில் உருளைப்புழு, நீர்த்தெள்ளு, சில தேள்கள், செடிப்பேன்கள், சில அந்தோபிலாக்கள், சில குளவி இனங்கள் மற்றும் ஒரு சில முதுகெலும்பிகளிலும் இயற்கையாகக் காணப்படுகின்றது.
எய்ன் சக்ரி காதலர் சிற்றுரு
- பெத்லகேமுக்கு அருகில் உள்ள எய்ன் சக்ரி குகைகளில் கண்டெடுக்கப்பட்ட சிற்பங்களுள் ஒன்றான எய்ன் சக்ரி காதலர் சிற்றுருவே, இருவர் பாலியல் உறவு கொள்வதைக் காட்டும் மிகப் பழைய படைப்பு ஆகும்.
- பதினோராடல் என்பது இந்து சமயக் கடவுள்கள் ஆடிய கொடுகொட்டி, பாண்டரங்கம், பாவைக்கூத்து, குடக்கூத்து, மல்லாடல், அல்லியம், குடைக்கூத்து, துடியாடல், கடையம் (ஆடல்), மரக்காலாட்டம், பேடிக்கூத்து ஆகிய பதினொரு வகையான நடனங்களைக் குறிப்பதாகும்.
- ரிஷப ராசிக்குரிய விண்மீன் கூட்டமான இடபம் (விண்மீன் குழாம்) இனை ஒட்டி சைக்னஸ் (cygnus ) எனப்படும் நண்டு வடிவ நெபுலா உள்ளது.
தங்கப்பாறை
- தங்கப் பாறை என்றும் அழைக்கப்படுகின்ற மியன்மாரிலுள்ள கியாய்க்டியோ புத்தர் கோயில், பாறையின் அடியில் புத்தரின் தலைமுடி புதைக்கப்பட்டிருப்பதாக நம்பப்படுகிறது.
- கிசாவின் பெரிய பிரமிடு பண்டைய கீசா நெக்ரோபோலிஸில் அமைந்துள்ள மூன்று பெரும் பிரமிட்டுகளில் பெரியதும், காலத்தால் முந்தியதும் ஆகும்.
- கொங்கு தமிழ் என்பது கொங்கு நாட்டு மக்கள் பேசும் தமிழ் மொழி வழக்காகும். இது ”காங்கி” என்ற பெயராலும் வழங்கப்பட்டது.
ஹாத்திகும்பா கல்வெட்டு
- கலிங்கப் பேரரசர் காரவேலனால் பொறிக்கப்பட்ட ஹாத்திகும்பா கல்வெட்டு பிராகிருத மொழியில் மிகவும் பழமையான கலிங்க பிராமி எழுத்துகளில் காணப்படுகின்றது.
- அவுஷ்விட்ஸ் வதை முகாம் (அவுஷ்விட்ஸ்-பிர்க்கெனாவு) என்பது 1940–1945 காலப்பகுதியில் இருந்த நாசி ஜேர்மனியின் ஒரு மிகப்பெரிய வதை முகாம் ஆகும்.
- சரிவு வட்டத்தைப் பயன்படுத்தி காந்தச் சரிவை அளவிடும் முறையை இங்கிலாந்தைச் சேர்ந்த ரொபேர்ட் நோமான் என்பவர் 1581 இல் விபரித்தார்.
தம்பிரான் வணக்கம் முதல் பக்கம்
- போர்த்துக்கீசிய மொழியில் எழுதப்பட்ட கிறிஸ்துவ சமய போதனை நூலின் தமிழாக்கமான தம்பிரான் வணக்கம் தமிழில் அச்சில் வெளிவந்த முதல் நூலாகக் கருதப்படுகிறது.
- அப்பல்லோ 16 நிலவின் ஒளிமிகுந்த தரைப்பகுதியில் இறங்கிய முதல் விண்கலமாகும்.
- விரைவாக வளரும் தோல், விரைவாக எடை அதிகரித்தல் போன்றவற்றினால் தோலில் தோன்றும் கோடுகள் போன்ற அமைப்புகள் தோல் நீட்சிக் கோடுகள் எனப்படும்.
தில்வாரா கோயில்
- தில்வாரா கோயில் , 1219 மீட்டர் (4000 அடி) உயரத்தில், அம்பாஜி மலையிலிருந்து, அபு மலைக்கு பாறைகளை எடுத்து சென்று கட்டப்பட்ட, பளிங்கு கற்களாலான ஜெயின் கோவிலாகும்.
- மோவின் அளவுகோல் என்பது தனிமங்களின் கடினத் தன்மையை அளக்க உதவும் அளவுகோலாகும்.
- இயேசுவின் பிறந்த நாளை திசம்பர் 25 என்று குறித்து, விழாக் கொண்டாட முடிவுசெய்தவர் திருத்தந்தை முதலாம் ஜூலியுஸ் என்று கருதப்படுகின்றது.
வஸ்தோக் விண்கலம்
- வஸ்தோக் 3, வஸ்தோக் 4 ஆகிய இரண்டும் முதல்முறையாக ஒரே நேரத்தில் சுற்றுப்பாதையில் மனிதரை ஏற்றிய நிலையில் வலம்வந்த விண்கலங்கள் ஆகும்.
- சாக்கியர் பண்டைய வேத காலத்தை (கிமு 1500-500) சேர்ந்த சூரிய குல சத்திரியர் வம்சத்தைச் சேர்ந்தவர்கள் ஆவர்.
- தீன் விளக்கம் என்பது 19ம் நூற்றாண்டில் மீசல் வண்ணக் களஞ்சியப் புலவரால் எழுதப்பட்ட இசுலாமியத் தமிழ்க் காப்பியம் ஆகும்.
பகுறைன் கோட்டை
- பகுறைன் கோட்டையில் ஏழு நாகரிகங்கள் நகரியக் கட்டமைப்பை அமைதிருந்ததை தொல்லியல் ஆய்வுகள் உறுதிப்படுத்தி உள்ளன.
- பெச்சகுச்சா என்பது 20 படவில்லைகளை ஒவ்வொன்றையும் 20 நொடிகளுக்கு மட்டுமே காட்டி நிகழ்த்தும் ஒரு சப்பானிய முன்வைப்பு வடிவம் ஆகும்.
- நொண்டிச்சிந்து என்பது கி.பி. பதினேழாம் நூற்றாண்டுகளில் தோன்றிய தமிழ் நாடக முறைமைளுள் ஒன்றாகும்.
தோபா ஏரி
- உலகின் மிகப்பெரிய எரிமலை ஏரி இந்தோனேசியாவில் உள்ள தோபா ஏரி ஆகும்.
- முனைவர் சூ ஃகிக்கோசக்கா என்பவர் நீண்டகாலமாக தமிழியல் ஆய்வுகளைச் செய்துவரும் ஒரு யப்பானியத் தமிழ் அறிஞர் ஆவார்.
- உலகில் மிகப் பெரிய புத்தகச் சந்தையாக கருதப்படும் பிராங்க்ஃபுர்ட் புத்தகச் சந்தை, ஒவ்வொரு வருடமும் அக்டோபர் மாதம் ஐந்து நாட்கள் நடைபெறும்.
கோடை அரண்மனை
- சீனாவின் தலைநகரான பெய்ஜிங்கில் உள்ள கோடை அரண்மனை, இயற்கை சாயலில் செயற்கையாக அமைந்த "நெடிய ஆயுள்" மலையும், திறந்த மற்றும் பரந்த நீர் பரப்போடு கூடிய "குன்மிங்" ஏரியும் சூழ அமைந்த அரண்மனை ஆகும்.
- தழும்புரி என்பது கீழைப் பழங்கற்கால மக்களால் பயன்படுத்தப்பட்ட செப்பனிடப்படாத கல்லாயுதம் ஆகும்.
- கிரேக்க அரிச்சுவடியிலுள்ள முதலாவது மற்றும் கடைசி எழுத்துக்களான அல்ஃபாவும் ஒமேகாவும் திருவெளிப்பாட்டில் கடவுளின் அல்லது கிறிஸ்துவின் பெயராகவும் கிறித்தவக் குறியீடாகப் பயன்படுத்தப்பட்டு வருகிறது.
பெண்புலிப் போராளிகள்
- பெண் விடுதலைப் புலிப் போராளிகளின் வாழ்க்கை வரலாற்றை விபரிக்கும் முதலாவது ஆங்கிலப் புத்தகம் தமிழ்ப் பெண் புலி ஆகும்.
- Å என்ற சுவீடிய எழுத்தால் தரப்படும் ஆங்ஸ்ட்ராம் என்பது 10−10 மீ (மீட்டரின் பத்து-பில்லியனுக்கு ஒன்று) இற்கு சமனான நீளத்தின் ஓர் அலகாகும்.
- கியூலெத் வினை என்ற கரிம வேதிப் பிணைப்பு வினையின் போது பீனோலிக் ஈத்தர் அலிப்பாட்டிக் ஆல்டிகைடுடன் வினைபுரிந்து α-குளோரோஆல்கைல் வழிப்பொருட்களை உருவாக்குகிறது.
பதாகம்
- பரதநாட்டியத்தில், பதாகம் என்ற முத்திரை கொடி என்ற கருத்தை குறிக்கிறது. இம்முத்திரை பெருவிரலை மடித்து பக்கத்தில் பிடிக்கும் போது உருவாகிறது.
- இயற்கையில் காணப்படும், கரிமம்-14 ஐப் பயன்படுத்தி 58,000 முதல் 62,000 ஆண்டுகள் வரையான கரிமம் கலந்த பொருட்களின் வயதை கதிரியக்கக்கரிமக் காலக்கணிப்பு முறை மூலம் அறிந்து கொள்ள முடியும்.
- 1935 ஆம் ஆண்டில் வெளிவந்த பக்த ராம்தாஸ் எனும் திரைப்படத்தில் ஆண்கள் மட்டுமே நடித்துள்ளனர்.