விக்கிப்பீடியா:உங்களுக்குத் தெரியுமா/2012
இதை தொகுப்பவர்கள் [[ஜனவரி 4]], [[2012]] என்று தருவதற்கு பதிலாக [[விக்கிப்பீடியா:உங்களுக்குத் தெரியுமா/ஜனவரி 4, 2012|ஜனவரி 4, 2012]] என்று தாருங்கள். அடுத்து வரும் குறுந்தட்டு திட்டங்களுக்கு இது உதவும்.
ஒரு மாதம் முடிந்தவுடன் முடிந்த மாதத்திற்கான தகவல்கள் இங்கு சேர்க்கப்படும்
- முதன் முதலில் கிறித்துமசு குடில் (படம்) செய்து காட்சிப்படுத்தியவர் அசிசியின் பிரான்சிசு ஆவார்.
- வெள்ளணி விழா என்பது சங்க காலம் தொட்டே வழங்கி வரும் தமிழ் மன்னர்களின் முடிசூட்டு விழாவாகும்.
- புதிய ஆங்கில நெடுங்கணக்கு என்பது 26 எழுத்துக்களையும் இரண்டு கூட்டெழுத்துக்களையும் (Æ மற்றும் Œ) கொண்ட இலத்தீன் நெடுங்கணக்கு ஆகும்.
- சுவசுத்திக்காச் சின்னமானது ஒழுங்கற்ற இருபதுகோணியின் வடிவில் அமைந்துள்ளது.
- உலகின் மிக நீளமான 3,911 மீற்றர் (12,831 அடி) உடைய தொங்கு பாலமான அகாசி கைக்ஜோ, யப்பான் நாட்டில் உள்ளது.
- பிரேட்டா (படம்) என்பது, கத்தோலிக்கக் குருக்கள், முனைவர் பட்டம் பெறுபவர்கள் முதலானோர் அணியும் மூன்று அல்லது நான்கு "முகடு"களைக் கொண்ட சதுர வடிவான தொப்பி ஆகும்.
- தென்காசி, பாண்டியர்களின் கடைசி தலைநகரம் ஆகும்.
- நியூ சவுத்து வேல்சு புளூசு அணி ஆத்திரேலிய உள்நாட்டு ஒரு நாள் துடுப்பாட்டப் போட்டிக் கிண்ணத்தை ஒன்பது தடவைகள் வென்றுள்ளது.
- பறவை என்னும் வகுப்பில் மொத்தமாக 9672 இனங்கள் உள்ளன.
- உலகில் பல்லுயிர் வளம் மிக்க எட்டு இடங்களில் மேற்குத் தொடர்ச்சி மலையும் ஒன்றாகும்.
- ஆல்பா ஔரிகா (காபெல்லா) விண்மீன் (படம்) ஆறாவது மிகப் பிரகாசமான மஞ்சள் நிறங் கொண்ட தோற்ற ஒளிப்பொலிவெண் 0.09 உடைய இரட்டை விண்மீன்கள் ஆகும்.
- நையாண்டி மேளம் என்பது கரகாட்டம், காவடியாட்டம், பொய்க்கால் குதிரை ஆட்டம் முதலிய நாட்டுப்புற ஆட்டங்களுக்குப் பின்னணியாய் அமையும் இசையாகும்.
- சாரியட் நடவடிக்கை (Operation Chariot) என்பது இரண்டாம் உலகப் போரின் மேற்குப் போர்முனையான நாசி ஜெர்மனியின் ஆக்கிரமிப்பிலிருந்த பிரான்சு நாட்டுத் துறைமுகம் சென் நசேர் மீது நேச நாட்டுப் படைகள் மேற்கொண்ட தாக்குதல் ஆகும்.
- புனித மரிய கொரற்றி கத்தோலிக்க திருச்சபையில் அதிகார்ப்பூர்வமாய் புனிதர் பட்டம் பெற்றவர்களுள் மிக இளையவர் ஆவார்.
- நேரி என்னும் சங்ககால ஊரே இக்காலத்தில் சபரி என மருவியுள்ளது.
-PLoS.jpg)
- கடலை அசுவுணிகள் பச்சையவுருமணிகளைக் கொண்டிருப்பதால் சூரியனில் இருந்து நேரடியாகச் சக்தியை தன்வயப்படுத்துகின்றன.
- லேய்டின் கொள்கலன் (Leiden jar), எனும் நிலை மின்னை சேமித்துவைக்கும் உபகரணம் தனித்தனியே சேர்மனி அறிவியலாளரான ஈவாட் ஜோர்ச் வொன் கிளேஸ்டினால் ஒக்டோபர் 1744 இலும் டச்சு அறிவியலாளரான லேடினைச் சேர்ந்த பீட்டர் வான் மஸன்புரோக் என்பவரால் 1745–1746 காலப்பகுதியிலும் கண்டறியப்பட்டது.
- குமார் மகாதேவா என்பவர் காக்னிசன்ட் தொழில்நுட்ப தீர்வகத்தை தொடங்கிய ஈழத்தமிழர் ஆவார்.
- ஆசியவியல் ஆய்வு நிறுவனத்தின் தமிழ் மருத்துவ சுவடித் தொகுப்பே ஐக்கிய நாடுகள் கல்வி, அறிவியல், பண்பாட்டு நிறுவனம் முன்னெடுத்த உலகின் நினைவகம் திட்டத்திற்கு இந்தியாவில் இருந்து முதலாவதாக ஏற்றுக்கொள்ளப்பட்ட தொகுதி.
- கிளீசு 581 ஜி புவியை அதிக அளவில் ஒத்ததும், உயிரினம் வாழக்கூடிய நிலையில் இருப்பதுமான ஒரு புறக்கோள் ஆகும்
- ஓரியன் கை (படம் - ஆரஞ்சு நிறம்) என்ற பால் வழி மண்டலத்தின் சுருள் கையில் மானிடர் வாழும் புவியும் அதை அடக்கிய சூரிய மண்டலமும் (சிவப்பு நிறம்) உள்ளது.
- அவகாசியிலிக் கொள்கை என்பது இந்தியாவிலிருந்த பிரித்தானியக் கிழக்கிந்திய நிறுவனத்தில் 1848இலிருந்து 1856 வரை ஆளுநராக இருந்த இடல்லவுசிப் பிரபுவால் அறிமுகப்படுத்தப்பட்ட ஒன்றிணைப்புக் கொள்கையாகும்.
- தமிழ் புளூட்டாக் (Tamil Plutarch) என்பது தமிழ்ப் புலவர்களது வரலாறு கூறும் ஒரு நூலாகும்.
- த மோர்கனின் விதி என்பது பூல இயற்கணிதத்தில் பூலக்கூட்டல், பூலப்பெருக்கல் என்பனவற்றுக்கு இடையிலான தொடர்பை விளக்கும் விதியாகும்.
- பென்சீன், ஒரு நிறமற்ற, எரியக்கூடிய நீர்மமான கரிம வேதியியல் சேர்வை ஆகும்.
- நூற்றியெட்டு சிவதாண்டவங்கள் என்பவை சிவபெருமான் பரதநாட்டியத்தின் கரணங்களான 108 கரணங்களையும் ஆடியதாகும். (படம் : தாளம்பூ புட கரணம்)
- மின்தடையை அளவிடும் அனைத்துலக அலகான ஓம் அலகுக்குச் சார்ச்சு சைமன் ஓம் என்ற செருமனிய இயற்பியல் வல்லுநரின் பெயர் சூட்டப்பட்டுள்ளது.
- தென்னமெரிக்காவில் 433 ஆண்டுகள் நிலவிய இன்கா நாகரிகம் பிசாரோ என்ற எசுப்பானிய தளபதியால் அழிந்தது.
- இதுவரை 464 புறக்கோள்கள் இருப்பது வானியலாளர்களால் உறுதி செய்யப்பட்டுள்ளது.
- n -ஆம் ஐங்கோண பிரமிடு எண்ணானது முதல் n ஐங்கோண எண்களின் கூட்டுத்தொகைக்குச் சமமாக இருக்கும்.
- சொழாந்தியம் என்பவை முற்கால சோழர்களால் பயன்படுத்தப்பட்ட கப்பல்களாகும்.
- கழிமுகம், தெலுத்தாவின் வடிவத்தில் (முக்கோண வடிவம்) இருப்பதனாலேயே , அது ஆங்கிலத்தில் தெலுத்தா எனப் பெயர் பெற்றது(படம்).
- பஞ்சாப் மாநிலத்தில் கொலுசுக்கு ஜாங்கீர் என்று பெயர். ஜாங்கீர் என்றால் சங்கிலி என்று பொருள்.
- எரிக்சன் உலகம் என்பது உலகிலுள்ள மிகப்பெரிய அரைக்கோள வடிவக் கட்டிடம் ஆகும்.
- சீனாவிலுள்ள சிடு தொங்கு பாலம் உலகில் மிக உயரத்தில் அமைக்கப்பட்டுள்ள பாலமாகும்.
- தமிழகத்தில் வேங்கைப்புலி(படம்) என அழைக்கப்படுவது ஆசியச் சிறுத்தை ஆகும்.
- பிளேவின் அடங்கியுள்ள மொனோ ஆக்சிசனேசு 3 எனும் நொதியின் உற்பத்தியில் பற்றாக்குறை ஏற்படுவதால் ஒருவருக்கு மீன் நெடி வீசும் மீன் நெடிக் கூட்டறிகுறி கோளாறு உண்டாகின்றது.
- தோரா என்பது யூத விவிலியத்தின் முதல் ஐந்து நூல்களான தொடக்க நூல் ,விடுதலைப் பயணம், லேவியர், எண்ணிக்கை, மற்றும் இணைச் சட்டம் ஆகியவற்றைக் குறிக்கும்.
- நின்றொளிர் காளான் உட்பட சுமார் 71 வகை பூஞ்சை வகைகள் உயிரொளிர்வு உயிரினங்கள் ஆகும்.
- சிரி என்பது ஐவோன் 4 எசு கையடக்கத் தொலைபேசிக்கான செயற்கை நுண்ணறிவுத் திறன் கொண்ட ஒரு மென்பொருளாகும்.
- பாறைக் குவிமாடம் (படம்) என்பது யெரூசலம் பழைய நகரில் அமைந்துள்ள யூதம், இசுலாம், கிறித்தவம் ஆகிய சமயத்தினர் முக்கியமாகக் கருதுகின்ற தேவாலயப் பகுதியில் உள்ள ஒரு புண்ணியத் தலமாகும்.
- கடம்பர் பண்டைய தமிழகத்தின் கடற்கொள்ளையர் ஆவர்.
- சீனாவின் ஜியாங்சு மாகாணத்திலுள்ள 164.8 கி.மீ (102.4 மைல்) நீளமுடைய இடன்யாங் குன்சான் சிறப்புப் பாலம் உலகிலுள்ள நீண்ட பாலம் ஆகும்.
- 323 மீட்டர் (1059.7 அடி) உயரம் உடைய ராமேஸ்வரம் தொலைக்காட்சி கோபுரம் இந்தியாவிலுள்ள மிக உயரமான கோபுரம் ஆகும்.
- பச்சோந்தி கட்புலனாகும் ஒளியை மட்டுமன்றி புற ஊதாக்கதிர்களையும் கண்டுணரவல்லது.
- சப்பானிய சிலந்தி நண்டின்(படம்) ஒரு காலின் நீளம் இரண்டு சராசரி மனிதர்களின் உயரத்திற்குச் (3.8 மீட்டர்) சமம்.
- கணியர் என்பவர்கள் பண்டைய தமிழகத்தின் சோதிடர்களும், வானியலாளர்களும் ஆவர்.
- உலகின் உயரமான கட்டிடம் துபாயிலுள்ள 818 மீ (2,684 அடி) உயரமுடைய புர்ஜ் கலிஃபா ஆகும்.
- விண்மீன் பேரடைகளின் இடையிலிருக்கும் வெற்றுவெளியில் 1 கன மீட்டர்களுக்கு ஒரு அணுவே காணப்படும்.
- சுவாதித் திருநாள் ராம வர்மா 400 இற்கும் மேலான கீர்த்தனைகளை கருநாடக, இந்துத்தானி இசை வடிவங்களில் இயற்றியுள்ளார்.
- ஒரும எண் முறைமையில் எட்டானது பல்வேறு முறைகளில் (படம்) எழுதப்படுகிறது.
- 37 ஏக்கர் பரப்பளவில் அமைந்துள்ள சென்னை புறநகர் பேருந்து நிலையம் ஆசியாவிலேயே மிகப்பெரிய பேருந்து நிலையம் ஆகும்.
- தோம்பு என்பது இலங்கையை போத்துக்கீசரும் ஒல்லாந்தரும் ஆண்ட காலத்தில் இருந்த நிலவுடைமைப் பட்டியலாகும்.
- 2.5 மெகா வாட் மின் திறனும் 205 மீட்டர்கள் உயரமும் கொண்ட பியூகர்லண்டர் காற்றுச் சுழலி என்பது உலகிலுள்ள உயரமான காற்றுச் சுழலி ஆகும்.
- கிருதி இசை வடிவங்களில் மிகச் சிறந்ததும் அரங்கிசை வகைகளில் மிக முக்கியமானதுமாகும்.
- கன்னியாகுமரியின் திருவள்ளுவர் சிலை (படம்) 3 டன் முதல் 8 டன் வரை எடையுள்ள 3681 கருங்கற்களைக் கொண்டு கட்டப்பட்டது.
- உலகின் மிகப் பெரும் துகள் முடுக்கி சுவிட்சர்லாந்து செனீவாவிலுள்ள பெரிய ஆட்ரான் மோதுவி ஆகும்.
- 1987ல் தூர்தர்சன் தொலைக்காட்சியில் வெளியான இராமாயணம் தொடர் 10 கோடி பார்வையாளர்களைப் பெற்றது.
- உலகின் பெரிய தேசியக்கொடி 66,000 சதுர மீட்டர்கள் அளவுடைய மசாடா நகரத்திலுள்ள இசுரேலிய தேசியக் கொடி ஆகும்.
- அசைவுப் பார்வையின்மை எனும் குறைபாட்டில் பாதிக்கப்பட்டவருக்கு ஒரு பொருளின் தொடர்ச்சியான அசைவை (படம்) நோக்க இயலாது.
- இதுவரை வெடிக்க வைக்கப்பட்ட அணுக்குண்டுகளில் மிகச் சக்தி வாய்ந்தது சார் வெடிகுண்டு ஆகும்.
- பறவைகளில் கோழி அதிகமான எண்ணிக்கை உள்ள பறவையாகக் கணிக்கப்பட்டுள்ளது. இதன் எண்ணிக்கை 2400 கோடிகள் (2003 இல்) ஆகும்.
- சீனாவின் கெனன் எனுமிடத்தில் அமைந்துள்ள 128 மீட்டர் (420 அடி) உயரம் கொண்ட இளவேனில் கோயிலின் புத்தர் சிலை உலகிலுள்ள உயரமான சிலையாகும்.
- மரப்பாச்சி பொம்மைகள் 'ஈட்டி' மரத்தால் செய்யப்படுவன.
- இராபர்ட் புருசு ஃபூட் (படம்) பல்லாவரத்தில் கண்டறிந்த கற்காலக் கோடாரி மூலம் வரலாற்றுக்கு முற்பட்ட இந்தியா பற்றிய ஆய்வுகளின் தந்தை எனப் போற்றப்படுபவர்.
- நரிமூக்குப் பழவௌவால் இனப்பெருக்க புணர்ச்சியின் போது வாய்வழிப் பாலியல் நடவடிக்கை மேற்கொள்ளும் முதனி அல்லாத ஒரே இனமாகும்.
- தாவீதின் நட்சத்திரம் பொதுவாக யூதர்களின் அடையாளமாகவும் யூத மதத்தின் அடையாளமாகவும் நோக்கப்படுகின்றபோதிலும், யூதத்தின் அடையாளமாகவும் இசுரேலின் சின்னமாகவும் இருப்பது மெனோரா ஆகும்.
- யானை பாலூட்டிகளிலேயே அதிக சினைக்காலம் (22 மாதங்கள்) கொண்டது.
- ஆஸ்தான கோலாகலம் என்பது தமிழ்க் கணிதம் பற்றியும் விளக்கும் ஒரு நூலாகும். இதை 1951 ஆம் ஆண்டில் திருமைலை சைல சர்மா வெளியிட்டார்.
- கபோய்ரா (படம்) என்பது நடனமும் இசையும் கலந்த ஒரு பிரேசிலிய சண்டைக் கலையாகும்.
- சூரியகாந்தி விதை என அழைக்கப்படுவது உண்மையில் சூரியகாந்தித் தாவரத்தின் பழமே ஆகும்.
- முகலாயப் பேரரசர் அக்பரின் பட்டத்தரசியான மரியம் உசு-சமானி ஓர் இந்து இராசபுத்திர இளவரசி ஆவார்.
- 4 பரிமாணங்களை கொண்ட வெளிநேரம் வழக்கமான முப்பரிமாணங்களான நீளம், அகலம், உயரம் போன்றவற்றுடன் நாலவதாக காலத்தையும் கொண்டது.
- பறவைகளில் அதி உயரத்தில் பறக்கும் ரூபெல் பிணந்தின்னிக் கழுகு, கடல் மட்டத்திலிருந்து 11,000 மீற்றர் (36,000 அடி) உயரத்தில் பறக்கவல்லது.
- விக்கிப்பீடியா அடையாளச் சின்னம் (படம்) பல மொழிகளின் ஒரு எழுத்து வடிவமைப்பைக் கொண்டு, விக்கிப்பீடியா ஒரு பல்மொழி கலைக்களஞ்சியம் என்பதைக் குறித்து நிற்கும்.
- 1602 ஆம் ஆண்டு நிறுவப்பட்ட டச்சுக் கிழக்கிந்தியக் கம்பனி வரலாற்றில் அறியப்படும் உலகின் முதலாவது பன்னாட்டு வணிக நிறுவனம் ஆகும்.
- உலக இடைக்கழி என்பது மோரியர் சங்ககாலத் தமிழகத்தில் நுழைய தேர் சக்கரங்களிலினால் உருவாக்கிய வழியாகும்.
- முன்னால் பாக்கித்தானிய அதிபரான பெர்வேஸ் முஷாரஃப் 1943ல் இந்தியத் தலைநகரான டில்லியில் பிறந்தவர்.
- இந்தியும் ஆங்கிலமும் இந்திய-ஐரோப்பிய மொழிகள் எனும் ஒரே மொழிக் குடும்பத்தைச் சேர்ந்தவை.
- இராஜபாளையம் நாய்கள் (படம்) பிற வேட்டை நாய்களைக் காட்டிலும் மிகவும் வலுவான எலும்புகளைக் கொண்டவை.
- இப்போது மறைந்துவிட்ட ஏரம்பம் என்ற நூல் மிகப்பழைய தமிழ் கணக்கியல் நூலென கருதப்படுகிறது.
- இலண்டன் ஒலிம்பிக்கில் குத்துச்சண்டையில் வெண்கல பதக்கம் வென்ற மேரி கோம் இரு குழந்தைகளுக்குத் தாயானவர்.
- தோம்பு என்பது இலங்கையைப் போத்துக்கீசரும் பின்னர் ஒல்லாந்தரும் ஆண்ட காலங்களில், உருவாக்கப்பட்டுப் புழக்கத்தில் இருந்த நிலவுடைமைப் பட்டியலைக் குறிக்கும்.
- கியார்கு கேன்ட்டர் என்ற கணிதவியலாளரே மெய்யெண்களை எண்ணவியலா முடிவிலிகள் என்று நிறுவும் கேண்டரின் கோணல்கோடு நிறுவல்முறையை உருவாக்கியவர்.
- செங்காந்தள் மலர் (படம்) தமிழ்நாட்டின் மாநில மலர் ஆகும்.
- புனித பேதுரு பேராலயம் உலகின் மிகப்பெரிய கிறித்தவக் கோயிலாகும்.
- கடல் வாழினங்களான சாக்குக்கணவாய்க்கு மூன்று இதயங்கள் உண்டு.
- மது கோடா உட்பட மூன்று நபர்கள் மட்டுமே இந்திய மாநிலங்களில் முதலமைச்சராகப் பொறுப்பேற்ற சுயேச்சைகளாவர்.
- இரணிய நாடகம் நிகழ்த்தினால் அன்றே மழை வரும் என்ற நம்பிக்கை, தற்போதும் தமிழகத்தின் சில பகுதிகளில் நிலவுகிறது.
- பஞ்சவர்ணப் புறா (படம்) தமிழ்நாட்டின் மாநிலப் பறவை ஆகும்.
- அங்கூர் வாட் கோயில் உலகத்தின் மிகப்பெரிய இந்து சமயக் கோயிலாகும்.
- சமபக்க முக்கோணியின் மையமே அதனுடைய உள்வட்டம், சுற்றுவட்டம் என்பனவற்றின் மையமாக இருக்கும்.
- பாம்பின் நஞ்சை குதிரை மீது செலுத்தி, அதை எதிர்க்க குதிரை உடம்பில் சுரக்கும் எதிர்ப்பு அமிலத்தை பிரித்தெடுத்து அதையே பாம்புக் கடி மருந்தாக பயன்படுத்துகின்றனர்.
- திருஞானசம்பந்தமூர்த்தி நாயனாரின் மாலைமாற்றுத் திருப்பதிகத்தில் 11 மாலை மாற்றுப் பாடல்கள் உள்ளன.
- தமிழ் நாட்டின் மாநில விலங்கு வரையாடு. (படம்)
- வேதிக் குறியீடு என்பது ஒரு தனிமத்துக்கான அனைத்துலக முறையில் ஏற்றுக் கொள்ளப்பட்ட ஓரெழுத்தால் அல்லது இரண்டு எழுத்துகளாலான குறியீடு ஆகும்.
- மெய்நிகர் யாழ்ப்பாணம் என்பது யாழ்ப்பாண மாவட்டத்தில் உள்ள இடங்களை அகலப் பரப்புக் காட்சிகளாகத் தரும் இணையத்தளம் ஆகும்.
- அகணிய உயிரி என்பது ஒரு குறிப்பிட்ட பூகோளக பகுதிக்குள்ளோ அல்லது ஒரு குறிப்பிட்ட சூழ்நிலைக்குள்ளோ வாழும் ஒரு உயிரியாகும்.
- இந்து மத பதினெண் புராணங்களில் மிகப்பெரியது கந்தபுராணம்.
- திருவில்லிபுத்தூர் ஆண்டாள் கோவில் (படம்) தமிழ்நாடு அரசின் சின்னம் ஆகும்.
- கடலில் கலக்காமல் நேரடியாக வேறொரு முதன்மை ஆறு அல்லது ஏரியில் கலக்கும் நீரோட்டம் துணை ஆறு எனப்படும்.
- ஆங்கிலேயர்கள் ஜெர்மன் என்ற வார்த்தையை உச்சரிக்க வெறுத்ததால் ஜெர்மானிய மேய்ப்பன் நாயை அல்சேசியன் என்று அழைத்தனர். இரண்டு பெயரும் ஒரே நாய் வகையையே குறிக்கும்.
- காப்பு நிலை உயிரியலில் ஓர் இனம் தற்போது அல்லது வருங்காலத்தில் பிழைத்திருக்குமா என்பதற்கான ஓர் அளவீடு ஆகும்.
- சடுகுடு தமிழ்நாட்டின் மாநில விளையாட்டாகும்.
- முட்டாளின் இறுதி (படம்) என்பது சதுரங்கத்தில் மிகவும் விரைவான இறுதி முற்றுகை ஆகும்.
- மூன்றாம் இராஜேந்திர சோழன் என்பவனே வரலாற்றில் கடைசியாக அறியப்படும் சோழனாவான்.
- அண்டத்தில் கருப்பு ஆற்றல் மற்றும் கரும்பொருட்களே 90 சதவிகிதத்தை ஆக்கிரமித்திருக்கின்றன.
- 80 முதல் 100 அடி வரை நீளமாக வளரும் நீலத்திமிங்கலங்களே உலகின் மிகப்பெரிய உயிரினங்கள் ஆகும்.
- காய்கறிகள் மற்றும் பழங்களிலேயே அதிகளவு உயிர்ச்சத்து சி உள்ளது.
- ஜி. யு. போப் (படம்) வட அமெரிக்கராயினும் கல்லறையில் இங்கே ஒரு தமிழ் மாணவன் உறங்கிக் கொண்டிருக்கிறான் என்ற வாசகம் இடம்பெற வேண்டும் என்று தனது உயிலில் கூறியிருந்தார்.
- ஒரு தனிப்பட்ட வலையமைப்பினூடாக இரண்டு குறிப்பிட்ட இடங்களை இணைக்கும் மின்னணுவியற்சுற்றே குத்தகைத் தொடர் ஆகும்.
- கிரேக்க மெய்யியலாளர் சாக்கிரட்டீசின் இறப்பை அவரது சீடர்கள் சாக்கிரட்டீசு இன்று முதல் சிந்திப்பதை நிறுத்திவிட்டார் என்று அறிவித்தனர்.
- ஆர்மடில்லோ விலங்குகளின் கருக்கட்டலின் போது கருவணுவில் இருந்து நான்கு முளையங்கள் உருவாகி ஒரே மாதிரியான 4 குட்டிகள் ஈனப்படுகின்றன.
- சதுரங்கத்தில் இறுதி முற்றுகை என்பது அரசன் நேரடித் தாக்குதலில் கைப்பற்றப்படுவதைத் தடுக்க முடியாத நிலையில் அமைந்திருப்பதைக் குறிக்கும்.
- பெரு நாட்டிலுள்ள நாசுகா கோட்டோவியங்களின் (படம்) ஒரு கோட்டின் நீளம் அதிகபட்சம் 80 கிலோமீட்டர்கள் ஆகும்.
- கொல்லங்கொண்டான் என்றவனே வரலாற்றில் அறியப்படும் கடைசி பாண்டிய மன்னனாவான்.
- பில்லியன் என்பது ஆசிய வழக்கப்படி 100 கோடி மதிப்பையும் ஐரோப்பிய வழக்கப்படி லட்சம் கோடி மதிப்பையும் குறிக்கும்.
- தொடுதிரை என்பது படங்காட்டும் பரப்புக்குள் தொடுதலையும், அதன் இடத்தையும் ஆராயக்கூடிய ஒரு மின்னணுத் தோற்றப் படங்காட்டி ஆகும்.
- கணையத்திலிருந்து இன்சுலினை சுரக்கச் செய்ய பயன்படும் தாவரப் பொருள் வேங்கை மரப் பிசின் ஆகும்.
- நொதுமி விண்மீன்கள் வெளியிடும் துடிப்பலைகளை(படம்) வானியலார் கண்டறியும் முன், அவற்றை வேற்றுக் கிரகவாசிகள் அனுப்பும் செய்திகள் எனத் தவறாக எண்ணிக்கொண்டிருந்தனர்.
- கண்டம் விட்டு கண்டம் பாயும் ஏவுகணை பொதுவாக 5000 கிலோமீட்டர்கள் தூரத்திலுள்ள இலக்கைத் தாக்க வல்லவை.
- காற்பந்தாட்டத்தில் இரட்டை என்பது ஒரு காற்பந்தாட்ட அணி அந்நாட்டின் கூட்டிணைவு மற்றும் அதன் முதன்மையான கோப்பை ஆகிய இரண்டையும் ஒரே பருவத்தில் வெல்வதைக் குறிக்கும்.
- இந்தியாவில் கிடைக்கப்பெற்ற ஒரு லட்சம் கல்வெட்டுகளில் 60 ஆயிரத்துக்கும் அதிகமான கல்வெட்டுகள் தமிழ் கல்வெட்டுகள் ஆகும்.
- இந்தியக் குற்றவியல் சட்டத்தின்படி தற்கொலைக்கு முயலும் ஒருவரை ஓராண்டுக்கே சிறையிலடைக்க முடியும் என்பதால் இறோம் சர்மிளா ஒவ்வோர் ஆண்டும் விடுதலை செய்யப்பட்டு மீண்டும் கைது செய்யப்பட்டு வருகிறார்.
- இந்தோனேசியாவின் ஆகப் பழைய பள்ளிவாசலான டெமாஃ பெரிய பள்ளிவாசல் (படம்) இந்து-பௌத்த ஆலயங்களின் கட்டிட அமைப்பையே கொண்டுள்ளது.
- 1931ஆம் ஆண்டு வெளிவந்த காளிதாஸ் திரைப்படமே தமிழில் வெளிவந்த முதல் பேசும் படம்.
- சந்திரசேகர் வரையறையில் குறிப்பிடப்பட்டுள்ள எல்லையை ஒரு வெண் குறுமீன் மீறுமாயின் அது நாளடைவில் நொதுமி விண்மீனாகவோ அல்லது கருந்துளையாகவோ மாறிவிடும்.
- தமிழக மூவேந்தர்களால் வெளியிடப்பட்ட முத்திரைக் காசுகள் 2500 ஆண்டுகள் பழமை வாய்ந்தவை.
- ஒரு ராட்சத எரிமலையின் வெடிப்பு குறைந்தது 1000 கன கிலோமீட்டர்களுக்கும் அதிகமாக இருக்கும்.
- பொருளின் உண்மைத் தோற்றத்திலிருந்து காட்சிப் புலனுணர்வு மூலம் பெற்ற படிமம் வேறுபடுதல் ஒளியியற்கண் மாயம் (படம்) எனப்படும்.
- சூரிய மண்டலத்தின் மிகப்பெரிய துணைக்கோளான கனிமீடு அளவில் புதன் கோளை விடப் பெரியது.
- தமிழ்நாட்டில் காமராசர் ஆட்சிக்காலத்தில் இலவச மதிய உணவுத் திட்டம் அறிமுகப் படுத்தப்பட்டப் பிறகு ஏழைக் குழந்தைகளின் பள்ளி வருகை நாட்கள் அதிகரித்தது.
- சர்வதேசத் தர புத்தக எண்ணின் முதலாவது இலக்கம் புத்தகத்தின் மொழியையும், அடுத்த பிரிவிலுள்ள 4 இலக்கங்கள் புத்தக வெளியீட்டாளரையும், மற்றப் பிரிவு இலக்கங்கள் குறிப்பிட்ட புத்தகத்தைக் குறிக்கிறது.
- இந்து நம்பிக்கையின் படி அரைஞாண் அணிந்தோர், ஆடை அணியாவிடிலும் நிர்வாணிகளாய்க் கருதப்படுவதில்லை.
- இரும விண்மீன்கள் ஒன்றை ஒன்று அதனதன் சுற்றுப்பாதைக்குள் குறிக்கிடுவதால் (படம்), வானியலார் இவற்றின் அளவைகளை நியூட்டனின் ஈர்ப்பு விதியைக் கொண்டு எளிதாக தீர்மானிக்கின்றனர்.
- வாழை இலையில் உண்ணும் போது அந்த உணவின் சுவை அதிகமாகத் தெரிவதற்கு காரணம் இலையிலுள்ள மாப்பொருட்கள் ஆகும்.
- நக்கிள்ஸ் மலைத்தொடர் இலங்கையின் எல்லாக் காலநிலை வலயங்களின் தன்மைகளையும் தன்னகத்தே ஒருங்கே கொண்ட மலைத்தொடர்.
- சஙீரான் தொல்லியல் களத்தில் கண்டறியப்பட்ட 18 லட்சம் ஆண்டுகள் பழமையான சாவக மனிதன் எச்சமே உலகில் பழமையான மனித எச்சம்.
- ஐக்கிய நாடுகள் கல்வி, அறிவியல் மற்றும் பண்பாட்டு அமைப்பானது உலகில் விழிப்புணர்வை உருவாக்கும் விதமாக சில நாட்களை சர்வதேச நாட்களாக அறிவித்துள்ளது.
- நொடிக்கு 80 முறை சிறகடிப்பதன் மூலம் ஓசனிச்சிட்டுகளால் (காணொளி) ஒரே இடத்திலும் பின்னோக்கியும் செங்குத்தாகவும் பறக்க முடியும்.
- நாராயணனின் 12 நாமங்களைக் குறிக்கும் வகையில் வைணவர்கள் தங்கள் உடலில் 12 இடங்களில் திருமண் காப்பு இட்டுகொள்வர்..
- கூகுள் மொழிபெயர்ப்பு மூலம் 64 மொழிகளுக்கிடையில் மொழிபெயர்ப்புச் செய்து கொள்ளலாம்.
- கர்நாடகத்தின் சோமநாதபுரத்திலுள்ள சிவசமுத்திரம் அருவி இந்தியாவின் இரண்டாவது பெரிய அருவியும் உலகின் பதினாறாவது பெரிய அருவியும் ஆகும்.
- ஆப்பிரிக்காவில் 28 நாடுகளில் பெண்ணுறுப்புச் சிதைப்பு ஒரு சடங்காகவே நடத்தப்படுகிறது.
- ஒருநிலக் கொள்கை என்பது உலகில் தற்போதுள்ள எல்லாக் கண்டங்களும் ஒரு காலத்தில் பாஞ்சியா என்னும் ஒரே தீவாக (படம்) இருந்தது எனக்கூறும் கொள்கை.
- இந்திய வேட்டை நாய் வகையில் ஒன்றான இராஜபாளையம் நாய் மற்ற வேட்டை நாய்களைக் காட்டிலும் மிகவும் வலுவான எலும்புகளைக் கொண்டது.
- பொருளும் அதன் எதிர்ப் பொருளும் மோதுவதன் மூலம் ஒன்றையொன்று அழித்துக்கொண்டு பேராற்றலை உருவாக்க வல்லவை.
- ஒரு நாட்டின் மொத்த உள்நாட்டு உற்பத்தி மதிப்பை அதன் மக்கள் தொகை எண்ணிக்கையால் வகுத்தால் கிடைக்கும் பொருளாதார அளவீடு அந்நாட்டின் தனி நபர் வருமானம் எனப்படும்.
- பல்கலைக்கழகப் பட்டப்படிப்பு வழங்கும் நிறுவனங்களில் உலகில் பழைமையானது மொரோக்கோவின் அல்-கரவிய்யீன் பல்கலைக்கழகம்.
- உலகின் மிகச் சிறிய ஓந்தி மடகாசுக்கர் அரியோந்தி(படம்) என்பதுதான். இதன் நீளம் 29 மில்லிமீட்டர் மட்டுமே.
- பச்சை அறிக்கை என்பது சட்டம் இயற்றும் முன் விவாதிப்பதற்காகவும், வெள்ளை அறிக்கை என்பது விவாதிக்கப்பட்ட முடிவான கொள்கை சட்டம் ஆவதற்கு முன்னும் வரும் அறிக்கைகளாகும்.
- பண்பலை என்பது வானொலி தொழில்நுட்பத்தில், சைகைகளை ஊர்தி அலையின் அதிர்வெண்ணில் மாற்றங்களாக ஏற்றி அலைபரப்பப்படும் மின்காந்த அலைகள் ஆகும்.
- பொருளாதார அல்லது சமூகக் கொள்கைகளில் அரசின் கட்டுப்பாடுகளைத் தளர்த்தல் தாராளமயமாக்கல் எனப்படும்.
- வடிவமைப்பாளர் குழந்தை என்பது நவீன தொழில்நுட்பங்களைப் பயன்படுத்தி மரபணு அமைவு செயற்கையாக மாற்றப்பட்டு பிறக்கும் குழந்தை ஆகும்.
- தென்னக இரயில்வே (படத்தில் எண் 7) விடுதலை பெற்ற இந்தியாவில் இந்திய இரயில்வேயின் 16 மண்டலங்களில் முதலில் உருவாக்கப்பட்ட மண்டலம்.
- சுராசிக் காலம் என்பது 20 கோடி ஆண்டுகளுக்கு முன்தொடங்கி 14.4 கோடி ஆண்டுகளுக்கு முன் வரையான தொன்மா என்ற டைனாசோர்களின் வல்லாட்சிக் காலத்தை குறிக்கும்.
- முதலாம் குலோத்துங்கச் சோழன் ஆண் வழியில் சாளுக்கிய மரபைச் சேர்ந்தவனாகையால் அவனும் அவனது வழி வந்தவர்களும் சாளுக்கிய சோழர் என அழைக்கப்படுகின்றனர்.
- இரட்டை நகரங்கள் என்பது மானிடத் தொடர்பு மற்றும் கலாச்சார ஒற்றுமை உருவாகும் நோக்கில் சேர்க்கப்பட்ட வெவ்வேறு நாட்டில் உள்ள நகரங்கள் ஆகும்.
- முதுகுநாணி என்பன விலங்கினங்களில் முதுகெலும்பிகள் உட்பட அதனோடு நெருங்கிய தொடர்புடைய முதுகெலும்பில்லா உயிரினங்களையும் உள்ளடக்கிய ஒரு பெரும்பிரிவு.
- உலகத்தில் உபயோகத்திலுள்ள பழமையான அணைகளுள் ஒன்றான கல்லணை கல்லும் களிமண்ணும் கொண்டு கட்டப்பட்டது.
- தமிழ்நாட்டில் 20 ஆம் நூற்றாண்டிற்கு முற்பட்ட 60 சமணர் கோயில்கள் உள்ளன.
- உருய் உலோப்பசு சதுரங்க விளையாட்டில் புகழ்பெற்ற ஒரு முன்னகர்வு உத்தியாகும்.
- விண்வெளிப் போட்டி என்பது சோவியத் ஒன்றியத்திற்கும், ஐக்கிய அமெரிக்காவிற்கும் இடையே விண்வெளிப் பயணத்தில் தங்கள் ஆதிக்கத்தை நிலைநாட்ட நடைபெற்ற போட்டி.
- தற்போதுள்ள தமிழ் நிகண்டுகளில் எட்டாம் நூற்றாண்டில் இயற்றப்பட்ட திவாகர நிகண்டு காலத்தால் முந்தியது.
- பண்டைக் கால வாணிபத்துக்கு உதவிய 6500 கிலோமீட்டர் நீளமான பட்டுப் பாதை (படம்) 2300 ஆண்டுகள் பழைமையானது.
- வேசரம் இந்திய இந்துக் கோயிற் கட்டடக் கலைப்பாணிகளில் ஒன்று.
- கம்போடியாவிலுள்ள அங்கூர் வாட் கோயில் வளாகத்தைக் கட்டியவர் இரண்டாம் சூரியவர்மன்.
- சீசர் விருது பிரான்சு நாட்டுத் திரைப்படத்துறையின் தேசிய விருதாகும்.
- வெண்மைப் புரட்சி என்பது இந்தியாவின் தேசிய பால்பண்ணை மேம்பாட்டு கழகம் 1970 ல் ஆரம்பித்த கிராமப்புற மேம்பாட்டு திட்டம்.
- இளவட்டக்கல்லைத் (படம்) தலைக்கு மேல் தூக்கிக் காட்டும் இளைஞருக்கு தம் பெண்களை மணமுடித்துத் தரும் வழக்கம் தமிழகத்தில் இருந்தது.
- இந்தியத் தேர்தல்களில் பதிவான செல்லுபடியாகும் வாக்குகளில் ஆறில் ஒரு பங்கு பெற இயலாமல் தோற்கும் வேட்பாளர்கள், தங்கள் வைப்புத்தொகையை இழப்பர்.
- முதல் நிலை ஆள்களப் பெயர் என்பது இணையத்தில் நிருவாக அதிகாரம், கட்டுப்பாடு போன்வற்றை வரையறுக்கும் முகமாக உருவாக்கப்பட்ட பின்னொட்டு சரம் ஆகும்.
- உதகமண்டலம் பிரித்தானிய இந்தியாவின் சென்னை மாகாணத்தின் கோடைகாலத் தலைநகர்.
- மாண்டரின், எசுப்பானியம், ஆங்கிலம் ஆகியவை முறையே உலகத்தில் அதிகம் நபர்கள் பேசும் முதல் மூன்று மொழிகளாக உள்ளன.
- சறுக்கும் எறும்புகள் (படம்) என்பவை மரத்தில் இருந்து கீழே விழுகையில் தங்களின் இயக்கத்தைக் கட்டுப்படுத்த வல்ல எறும்புப் பேரினம்.
- ஐக்கிய இராச்சிய அரசியலை முன்மாதிரியாகக் கொண்ட வெஸ்ட்மின்ஸ்டர் மக்களாட்சி முறைமை, இந்தியா உட்பட பல பொதுநலவாய நாடுகளால் பயன்படுத்தப்படுகிறது.
- உழவாரப் பணி என்பது கோயில்களில் தன்னார்வலர்கள் தூய்மைப் பணியில் ஈடுபடுதலைக் குறிக்கிறது.
- சென்னையில் ஒவ்வொரு ஆண்டும் டிசம்பர் மாதம் முழுக்க கருநாடக இசைக் கச்சேரிகள் நடக்கும் நிகழ்வு டிசம்பர் இசை விழா என்றழைக்கப்படுகிறது
- ஒரே வடிவுடைய கலனில் அடைத்துவைக்கப்பட்ட ஒரே கொள்ளளவுள்ள வெவ்வேறு வாயுக்கள் ஒரே வெப்பநிலையில், ஒரே அழுத்ததில் இருக்கும் போது அதன் அணு மூலக்கூறுகள் ஒத்த எண்ணிக்கையில் இருக்குமென அவகாதரோவின் விதி கூறுகிறது.
- புரவியெடுப்பு என்பது தமிழக ஐயனார் கோவில்களில் மண்ணால் செய்யப்பட்ட குதிரைகளை (படம்) அலங்கரித்து வழிபாடு செய்யும் முறை.
- மலேசியாவில் 1938இல் கண்டறியப்பட்ட பேராக் மனிதன் என்ற எலும்புக்கூடு 11,000 ஆண்டுகள் பழமையானது.
- தமிழ் திரைப்பட நகைச்சுவை நடிகர் இடிச்சப்புளி செல்வராசு, இதயக்கனி மற்றும் உலகம் சுற்றும் வாலிபன் ஆகிய திரைப்படங்களின் உதவி இயக்குநர்.
- இந்திய உள்நாட்டு நீர்வழிப் போக்குவரத்து ஆணையம் என்பது ஆறு இந்திய தேசிய உள்நாட்டு நீர்வழிகளை கண்காணிப்பதற்கு அமைக்கப்பட்ட வாரியம்.
- உலகிலேயே மிகச்சிறிய மீன் 7.9 மில்லி மீட்டர் நீளம் கொண்ட இந்தோனீசிய மீச்சிறு கெண்டை.
- பொதுநலவாய நாடுகள் (படம்) என்பவை பிரித்தானியப் பேரரசின் கீழ் இருந்த 53 சுதந்திர நாடுகளின் கூட்டமைப்பைக் குறிக்கும்.
- சாற்றுக்கவி என்பது முற்காலத்தில் நூல் உருவாக்குவோர் தங்கள் நூலுக்காக பெரும் புலவர்களிடம் கேட்டுப் பெறும் கவிதை.
- உலகின் முதல் அணுகுண்டு சோதனை டிரினிடி எனக் குறிப்பெயரிடப்பட்டிருந்தது.
- சித்திரைத் திருவிழா தமிழ்நாட்டில் சித்திரை மாதத்தில் பௌர்ணமிக்கு முன்னதாக பத்து நாட்கள் இந்துக்களால் கொண்டாடப்படும் விழாவாகும்.
- மார்ட்டின் லூதர் கிங்கை நினைவு கூறும் வகையில் அவரது பிறந்த நாள் ஆண்டு தோறும் மார்ட்டின் லூதர் கிங் நாள் ஆக ஐக்கிய அமெரிக்காவில் கடைபிடிக்கப்படுகிறது.
- ஜான்சி ராணி படை (படம்) என்பது 1943ல் நேதாஜியால் தொடங்கப்பட்ட இந்திய தேசிய ராணுவத்தின் பெண்கள் பிரிவு.
- இசை நிகழ்ச்சிகளில் பாடலுக்கு அல்லது முக்கிய இசைக்கருவிக்கு உறுதுணையாக இருந்து வாசிக்கக்கூடிய இசைக்கருவிகள் பக்க வாத்தியங்கள் எனப்படுகின்றன.
- ராபர்ட் காடர்ட் எறிகணை அறிவியலின் முன்னோடியாகக் கருதப்படுகிறார்.
- மகன்றில் என்னும் பறவையும் அன்றில் பறவை போல் இணைபிரியாமல் வாழும் பாங்கினை உடையது.
- கௌமாரம், காணபத்தியம், சாக்தம், சௌரம் போன்ற இந்து சமயப் பிரிவுகள் முறையே முருகன், கணபதி, சக்தி மற்றும் சூரியன் போன்றவர்களை முழுமுதற் கடவுளாக கொண்டுள்ளவை.
- தங்கநாற்கரச் சாலைத் திட்டம் (படம்) என்பது இந்தியாவின் நான்கு முக்கிய மாநகரங்களான சென்னை, டெல்லி, மும்பை, கொல்கத்தா ஆகிய நகரங்களை இணைக்கும் திட்டம்.
- மைக்கலாஞ்சலோவால் செதுக்கப்பட்டு தாயும் சேயும் பளிங்குச் சிலை வத்திக்கான் நகரிலுள்ள பேதுரு பெருங்கோவிலின் உள்ளே வைக்கப்பட்டுள்ளது
- மைசூர் அரசர் கந்தீரவன், மதுரை திருமலை நாயக்கர் இடையே திண்டுக்கல்லில் நடந்த மூக்கறு போரில் இரு தரப்பு படைகளும் எதிர்தரப்பினரின் மூக்கினை வெட்டி தங்கள் தலைநகர்களுக்கு அனுப்பினர்.
- சையது உசேன் மொகிசின் என்பவர் இந்திய வரைபடம் வரையப்பட்ட பெரிய இந்திய நெடுவரை வில் முறைக்கான பொறியியல் கருவிகளை வடிவமைத்தவர்.
- தமிழ்நாட்டிலுள்ள கோவில் யானைகளின் உளைச்சலைப் போக்கி, அவை ஓய்வெடுக்கவும் தெம்பு பெறவும் மருத்துவ கவனம் பெறவும் முதுமலை தேசிய பூங்காவில் முதுமலை யானைகள் புத்துணர்வு முகாம் நடத்தப்படுகிறது.
- கி.மு. ஐந்தாம் நூற்றாண்டில் இந்தியாவின் பீகார் மாநிலத்தில் துவங்கப்பட்ட நாலந்தா பல்கலைக்கழகம் (படம்) உலகின் மிகப்பழமையான பல்கலைக்கழகங்களுள் ஒன்று.
- மிரட்டல் அடி திரைப்படத்தின் நாயகனான ஹொங்கொங் நடிகர் ஸ்டீபன் சௌ நகைச்சுவை நடிகர், திரைக்கதையாளர், திரைப்பட இயக்குநர், தயாரிப்பாளர் போன்ற பன்முகங்களை கொண்டவர்.
- கருநாடக வாய்ப்பாட்டு இசை நிகழ்ச்சிகளில் மங்களம் பாடி நிறைவு செய்வதற்கு முன்பாக பாடப்படும் சிறிய பாடல்கள், துக்கடா என அழைக்கப்படும்
- ஊழிநாள் கடிகாரம் என்பது உலகின் முடிவைக் குறியீடாகக் காட்டுவதற்காகக் காட்சிப்படுத்தப் படுகின்ற மணிக்கூட்டு முகப்பாகும்.
- குலை குலையா முந்திரிக்கா விளையாட்டில் ஒருவர் மட்டும் துணித்திரி ஒன்றைத் தன் ஆடைக்குள் மறைத்துக்கொண்டு பிறர் அமர்ந்திருக்கும் வட்டத்துக்கு வெளியே சுற்றிவருவார்.
- பிரித்தானிய அரசு முல்லைப் பெரியாறு அணைத் திட்டத்திற்கு கூடுதல் நிதி ஒதுக்க மறுத்த நிலையில் அதன் தலைமைப் பொறியாளர் கர்னல் பென்னிகுக் (படம்) தன் குடும்பச் சொத்துக்களை விற்று அப்பணத்தில் அணையைக் கட்டி முடித்தார்.
- அணுக்கரு உலை குளிர்வி அணுக்கரு உலையில் சூடாகின்ற அணு உலை கருவத்திலிருந்து வெப்பத்தை வெளியேற்றி மின்னாக்கிகளுக்கும் வெளிச்சூழலுக்கும் மாற்றுகின்றது.
- தாய்லாந்து ராமாயணம் என்றழைக்கப்படும் ராமாகெய்ன், தாய்லாந்து நாட்டின் தேசிய காப்பியம் ஆகும்.
- மதுரையில் அமைந்திருந்த தங்கம் திரையரங்கம் முன்பு ஆசியாவின் மிகப்பெரும் திரையரங்கமாக இருந்தது.
- குறைவான கார்போஹைட்ரேட்களைக் கொண்ட ஆட்கின்சு உணவுமுறை என்பது உடல் எடையைக் குறைக்க மேலைநாடுகளில் பிரபலமானதாக உள்ளது.
- கடற் காயல் (படம்) என்பது கடலிலிருந்து சிலவகையான தடுப்புகளால் பிரிக்கப்பட்டுள்ள தாழ்ந்த கடல் நீர் பரப்பு.
- திமுக தலைவர் மு. கருணாநிதியின் தன்வரலாற்று நூலான நெஞ்சுக்கு நீதியின் நான்கு பாகங்கள் இதுவரை வெளியாகியுள்ளன.
- 1521 இல் நடந்த விஜயபாகு படுகொலையின் விளைவாக இலங்கையின் கோட்டை அரசு மூன்று பிரிவுகளாகப் பிரிக்கப்பட்டது.
- பொன் வாரியம் என்பது பாண்டியர் நாட்டில் அமைக்கப்பட்ட நாணய வெளியீட்டு மற்றும் கண்கானிப்பு வாரியம் ஆகும்.
- புவியின் பரப்பின் மீது பொதுவான வடக்கு-தெற்காக, பசிபிக் பெருங்கடலின் மையத்தில் செல்லுமாறு கற்பனைசெய்யப்பட்டுள்ள பன்னாட்டு நாள் கோடு ஒவ்வொரு நாட்காட்டி நாளும் தொடங்கும் இடமாக வரையறுக்கப்படுகிறது.
.png)
- கன்னியாகுமரியையும் காசியையும் இணைக்கும் தேசிய நெடுஞ்சாலை 7 (படம்) இந்தியாவின் மிக நீண்ட நெடுஞ்சாலை.
- அறம்,பொருள், இன்பம், வீடு என்பனவற்றோடு ஒரு ஒப்பிலாத் தலைவனையும் தலைவியையும் கொண்டு இயற்றப்படுவது காப்பியம் எனப்படும்.
- அர்ஜெண்டினா நாட்டில் 1975-83 காலகட்டத்தில் உள்நாட்டுப் போர்க்காலத்தில் அரசு தன் எதிர்ப்பாளர்கள் மீது நடத்திய வன்முறை நிகழ்வுகள் கீழ்த்தரமான போர் என அழைக்கப்படுகின்றன.
- இயக்குபிடி என்பது பயனர் ஒரு குச்சியின் சுழலும் கோணம் அல்லது இயக்கத்தைக் கொண்டு கருவியோடு தொடர்பு கொள்ளும் ஒரு உள்ளீட்டு முறை.
- நீத்தார் வழிபாடு என்பது இறந்து போன முன்னோர்களை வழிபடும் ஒரு பண்பாட்டு முறையாகும்.
- சிலுவை அடையாளம் என்பது, கிறிஸ்தவர்கள் திரித்துவம் என்ற பெயரால் தங்கள் மீது சிலுவை வரைந்து கொண்டே செபிக்கும் முறை ஆகும்.(படம்)
- சுப்பராயலு ரெட்டியார் சென்னை மாகாணத்தின் முதல் முதலமைச்சர்.
- ஒருமன்னன் பகைநாட்டில் போரிடுமுன் பறையறைந்து, எதிர்நாட்டில் போரிட இயலாதவர்களை வெளியேற வேண்டுவது சங்ககால தமிழரின் போர் மரபு.
- நெல்லிக்காய் அறுசுவைகளையும் கொண்டது.
- துகள் முடுக்கி என்பது மின்காந்தப் புலங்களைப்பயன்படுத்தி மின்மமூட்டப்பட்ட துகள்களை மிக விரைவாகச் செலுத்தும் கருவி.
- ஜாக்கி சான் புரூஸ் லீயின் ஃபிஸ்ட் ஆஃப் ஃபியூரி படத்தில் சண்டைக் கலைஞராகப் பணிபுரிந்து (படம்) அவரது திரைப்பட வாழ்க்கையைத் தொடங்கினார்.
- தமிழகத்தில் விஜயநகர அரசின் கீழ் மதுரை மண்டலம் 72 பாளையங்களாக பிரிக்கப்பட்ட போது, அக்குறுநிலங்களை ஆண்டவர்கள் பாளையக்காரர்கள் எனப்பட்டனர்.
- வில் பொறி தன் இலைகளைக் கொண்டு பூச்சிகளைப் பிடித்துத் தின்னும் ஒரு ஊனுண்ணித் தாவரம்.
- அணுவின் அடிப்படைத் துகள்களுள் ஒன்றான நியூட்ரினோக்கள் மின்மத்தன்மை அற்றவை.
- "தென்னிந்தியாவின் சாதிகளும் பழங்குடிகளும்" என்னும் ஏழு தொகுதிகளைக் கொண்ட பெரு நூலை எழுதியவர் எட்கர் தர்ஸ்டன்.
- நீலகேசி, யசோதர காவியம், நாககுமார காவியம், உதயணகுமார காவியம், சூளாமணி இவை ஐந்தும் தமிழின் ஐஞ்சிறு காப்பியங்கள்
- உலகிலேயே பெரிய பள்ளிவாசலான மஸ்ஜிதுல் ஹராமில் இருந்து (படம்) ஒரே நேரத்தில் 8,20,000 பேர் தொழுகை நடத்த முடியும்.
- பேரரசன் அலெக்சாந்தர் கிரேக்க மெய்யியலாளர் அரிசுட்டாட்டிலின் சீடர்.
- செஞ்சந்தனம் உலகிலேயே இந்தியாவின் ஆந்திரப் பிரதேசத்தின் கடப்பா, சித்தூர் மாவட்டங்களில் மட்டுமே விளைகிறது.
- சித்திரைக்குப்பூசமுதல் என்று தொடங்கும் தமிழ் பாடல் இரவில் மணி அறியும் முறை கூறும் பாடலாகும்.
- புராணக் கதைகளைக் கூறி நடித்து ஆடப்படும் சாக்கைக் கூத்து (படம்) தற்போது இந்தியாவின் கேரள மாநிலத்தில் ஆடப்பட்டு வருகிறது.
- உலகின் மீன் வகைகளுள் மிகப் பெரியது திமிங்கலச் சுறா
- தேர்வுத் துடுப்பாட்டத்தில் ஒரு நாள் ஆட்டத்தின் இறுதிக் கட்டங்களில் மேல்நிலை வீரர் ஆட்டமிழந்தால் இலக்குகளைக் காக்க களமிறக்கப்படும் கடைசிவரிசை வீரர் இரவுக்காவலர் என்றழைக்கப்படுகிறார்.
- 1768ல் இசுக்கொட்லாந்தில் வெளிவந்த பிரித்தானிக்கா கலைக்களஞ்சியம் புத்தகங்களே உலகின் முதல் கலைக்களஞ்சியப் புத்தகங்கள்.
- முதலாம் நரசிம்ம பல்லவன் சிறந்த மல்யுத்த வீரனாதலால் மாமல்லன் எனப் பெயர் பெற்றான்.
- கெப்லர்-16பி (படம்) என்ற புறக்கோளே, மானிடரால் முதலில் கண்டுபிடிக்கப்பட்ட இரும விண்மீன்களை சுற்றிவரும் புறக்கோள் ஆகும்.
- முதலாம் இராஜராஜ சோழனின் இயற்பெயர் "அருண்மொழி வர்மன்" என்பதாகும்.
- ஆர்னோல்டு சுவார்செனேகர் தனது இருபதாவது வயதில் உலக அழகன் பட்டத்தை வென்றவர்.
- நியூயார்க்கில் உள்ள சுதந்திர தேவி சிலை, ஐக்கிய அமெரிக்காவிற்கு பிரான்ஸ் 1886ஆம் ஆண்டு வழங்கிய அன்பளிப்பாகும்.
- தமிழ்நாட்டில் வேளாண்மை மற்றும் அதன் சார்பு தொழில்களை வாழ்வாதாரமாக கொண்டு 70 சதவிகித மக்கள் உள்ளனர்.
- பூம்பூம் மாடு (படம்) குறிசொல்லி வித்தை காட்டுவதற்காக அலங்கரிக்கப்பட்டுள்ள ஒரு மாடு.
- கடுமையான வாசம் கொண்ட முள்நாறிப் பழம் (துரியன்) மலேசிய மக்களால் விரும்பி உண்ணப்படுகின்றது
- நிலநிரைக்கோடு என்பது புவியின் மேற்பரப்பில் உள்ள ஒரு புள்ளியின் அமைவிடத்தை கிழக்கு-மேற்காக குறிப்பதற்காக மேற்பரப்பில் வரையப்படுகின்ற கற்பனைக் கோடு.
- பெத்தலகேம் குறவஞ்சி இயேசுவை உலாவரும் மன்னராகக் கொண்டு பாடப்பட்ட ஒரு 18ம் நூற்றாண்டு குறவஞ்சி வகை நூல்.
- ஆட்டோ சங்கர் 1980 களின் பிற்பகுதியில் தமிழ்நாட்டில் பெரும்பரபரப்பை ஏற்படுத்திய கொலைகளுக்காக மரண தண்டனை நிறைவேற்றப்பட்ட கொலைக் குற்றவாளி.
- முழுவதும் கருநிறமாக இருக்கும் இரட்டைவால் குருவியின் (படம்) வால் நுனியில் இரண்டாகப் பிரிந்து இருக்கும்.
- அகநாடுகள் என்பன சங்ககாலம் தொட்டே சேர, சோழ, பாண்டிய நாடுகளுக்குள் இருந்த உட்பிரிவுகள்.
- கடன் தவறல் மாற்று என்ற முதலீட்டில் ஒரு நிறுவனம் அல்லது அரசால் வெளியிடப்பட்ட பிணைப்பத்திரங்கள் வட்டி வழங்கமுடியாது தவறினால், அப்பணத்தை இதற்காக முன்னதாகவே உடன்பாடு கொண்டு முன்கட்டணம் செலுத்திய மற்றொரு நிதி நிறுவனத்திடமிருந்து பெறலாம்.
- குற்றப் பரம்பரைச் சட்டம் பிரித்தானிய இந்தியாவில் பல இந்திய சாதிகளைக் குறிவைத்து இயற்றப்பட்ட கடுமையான சட்டம்.
- தமிழகத்திலுள்ள பல்லவர்களின் மாமல்லபுர மரபுக்கோயில்களும் சோழர்களின் அழியாத பெருங்கோயில்களும் யுனெசுக்கோ அமைப்பால் அறிவிக்கப்பட்ட உலக பாரம்பரிய களங்கள்.
- டைட்டன் ஆரம் (படம்) உலகிலேயே மிகப்பெரிய பூந்துணர் தரும் தாவரமாகும்
- தண்டட்டி என்பது தமிழ்ப் பெண்கள் காதில் அணியும் கனமான அணிகலன்.
- அமெரிக்காவின் எண்மிய ஆயிரவாண்டு பதிப்புரிமைச் சட்டம், பதிப்புரிமை பெற்ற ஆக்கங்களுக்கான அணுக்கத்தைக் கட்டுப்படுத்தும் முறைமைகளை மீற வகைசெய்யும் தொழில்நுட்பம், கருவிகள் மற்றும் சேவைகளை உருவாக்குதலையும் பரப்புதலையும் குற்றமாக ஆக்குகிறது.
- குண்டலினி யோகம் என்பது யோகாசனங்களில் உயிரோட்டத்தை சீர்படுத்துவதற்காக செய்யும் பயிற்சியாகும்.
- சோவியத் ஒன்றியப் பொதுவுடைமைக் கட்சியில் 1980களில் கொண்டுவரப்பட்ட அரசியல் இயக்கமான பெரஸ்ட்ரோயிகா சோவியத் கூட்டமைப்பு உடையக் காரணமாகக் கருதப்படுகிறது.